Skrásetningargjöld

Eindagi skrásetningargjaldsins er 4. júlí.

Eftir eindaga fellur niður vilyrði um skólavist eða heimild til áframhaldandi skólavistar.

Skrásetningargjaldið er óendurkræft.

Nýnemar sem innritaðir eru til náms sem hefst á haustmisseri geta gengið frá greiðslu skrásetningargjalds í umsóknagátt skólans. Þar er hægt að greiða gjaldið með greiðslukorti (debet- eða kreditkorti).

Nýnemum ber að greiða skrásetningargjald fyrir eindaga, 4. júlí. Skrásetning til náms við skólann tekur gildi við greiðslu skrásetningargjaldsins.

Nýnemar geta þá sótt um notandanafn og aðgangsorð og fengið aðgang að tölvukerfi Háskólans og innra netinu, Uglu.

Skrásetningargjaldið er óendurkræft.

Ef þú lendir í erfiðleikum með að greiða í umsóknagáttinni getur þú haft samband við Nemendaskrá HÍ fyrir eindaga hverju sinni.

Umsækjendur sem fengið hafa heimild til að hefja nám á vormisseri geta gengið frá greiðslu skrásetningargjalds í umsóknagátt. Þar er hægt að greiða gjaldið með greiðslukorti (debet- eða kreditkorti).

Umsækjendur verða að greiða skrásetningargjald og staðfesta þar með skrásetningu sína fyrir eindaga, 6. janúar. Skrásetning til náms við skólann tekur gildi við greiðslu skrásetningargjaldsins.

Nýnemar geta þá sótt um notandanafn og aðgangsorð og fengið aðgang að tölvukerfi Háskólans og innra netinu, Uglu.

Skrásetningargjaldið er óendurkræft.

Ef þú lendir í erfiðleikum með að greiða í umsóknagáttinni getur þú haft samband við Nemendaskrá HÍ fyrir eindaga hverju sinni.

Skráning í námskeið næsta háskólaárs (haust- og vormisseri) fer fram í mars á hverju ári. Allir nemendur Háskólans þurfa að skrá sig í námskeið árlega, einnig þeir sem stunda framhaldsnám.

Greiða þarf skrásetningargjaldið í tengslum við skráningu til áframhaldandi náms á næsta háskólaári. Greiða þarf gjaldið með greiðslukorti (debet- eða kreditkorti). Sjá nánari leiðbeiningar í kennsluskrá.

Greiða skal gjaldið fyrir eindaga, 4. júlí.

Nýnemar sem innritast í nám á miðju háskólaári, í janúar, greiða lægra skrásetningargjald, eða kr. 75.000.

Nemendur með örorkuskírteini fá afslátt af gjaldinu og greiða einnig kr. 75.000.

Til að sækja um lækkun á skrásetningargjaldi þarf að hafa samband við Nemendaskrá eða Þjónustuborð Háskólatorgi og framvísa örorkuskírteini eða úrskurði.

Til að fá leyfi deildar til þess að gera hlé á námi í eitt háskólaárið greiðir þú kr. 15.000.

Með því að greiða leyfisgjaldið helst Uglan þín opin og þú ert enn nemandi og getur því skráð þig í áframhaldandi nám í mars.

Ef þú greiðir ekki leyfisgjald er ferli þínum lokað.