Háskóli Íslands hefur heimild mennta- og menningarmálaráðherra til að bjóða doktorsnám á öllum fræðasviðum sínum.

Markmið námsins er að veita doktorsnemum vísindalega þjálfun og búa þá undir vísindastörf, meðal annars háskólakennslu eða sérfræðingsstörf við rannsóknastofnanir sem og önnur ábyrgðarmikil störf í samfélaginu.

Lögð er rík áhersla á að nám sé í samræmi við alþjóðlega viðurkenndar gæðakröfur og skólinn starfrækir formlegt gæðakerfi sem tekur til allra þátta starfseminnar.

Miðstöð framhaldsnáms hefur umsjón með og fylgir eftir settum viðmiðum og kröfum um gæði framhaldsnáms við Háskóla Íslands.

Markmiðið er að stuðla að kröftugu vísindastarfi sem stenst alþjóðlegan samanburð og samkeppni.

Nánar um námsleiðir og inntökuskilyrði er að finna á fræðasviðunum.

Ríkisreglur

• Reglur um doktorsnám í háskólum samkvæmt 7. gr. laga nr. 63/2006 um háskóla, nr. 37/2007

Miðlæg viðmið og reglur HÍ

• Viðmið og kröfur um gæði doktorsnáms við Háskóla Íslands
• Reglur Háskóla Íslands um framhaldsnám (kafli VI)
• Verklagsregla um andmælendur og störf þeirra
• Verklagsreglur um rafræn skil og vistun doktorsritgerða frá Háskóla Íslands
• Verklagsregla um viðbrögð eftir að andmælandi, annar eða báðir, hafnar handriti doktorsritgerðar til doktorsvarnar
• Verklagsregla um viðbrögð eftir að dómnefndarmaður, einn eða fleiri, hafnar veitingu doktorsnafnbótar eftir doktorsvörn
• Réttindi og skyldur doktorsnema og doktorsnema sem fá laun frá HÍ

Reglur fræðasviða um doktorsnám

• Reglur um doktorsnám á Félagsvísindasviði
• Reglur um doktorsnám og doktorspróf við Heilbrigðisvísindasvið
• Reglur um doktorsnám og doktorsgráðu við Hugvísindasvið
• Reglur um doktorsnám við Menntavísindasvið
• Reglur um doktorsnám við Verkfræði- og náttúruvísindasvið

Reglur um þverfræðilegt framhaldsnám

• Reglur um meistara- og doktorsnám við Háskóla Íslands í umhverfis- og auðlindafræðum
• Reglur um meistara- og doktorsnám í lýðheilsuvísindum

_{*Umsóknarfrestur um þverfræðilegt doktorsnám er sá sami og hjá sviðinu þar sem leiðbeinandi doktorsnema starfar.}

Hafðu samband við umsjónarmann doktorsnáms á þínu fræðasviði eða við Miðstöð framhaldsnáms ef þig vantar nánari upplýsingar.