Stofnun rannsóknasetra Háskóla Íslands heyrir undir rektor og byggist á tólf faglega sjálfstæðum rannsóknasetrum sem eru staðsett víðsvegar um landið. Stofnunin var sett á fót árið 2001 með stofnun Rannsóknaseturs Háskóla Íslands á Hornafirði.

Samkvæmt reglum Stofnunar rannsóknasetra Háskóla Íslandss skipar háskólaráð stofnuninni fimm manna ráðgefandi nefnd til þriggja ára í senn.

Árlega er haldinn ársfundur Stofnunar rannsóknasetra Háskóla Íslands og ársskýrsla gefin út.

Megin verkefni

Á rannsóknasetrunum eru stundaðar fjölbreyttar rannsóknir en meðal viðfangsefna eru:

• Náttúruvísindi
• Lífríki hafsins
• Umhverfi og landnýting
• Hvalir, fiskar og fuglar
• Ferðamál
• Bókmenntir
• Sagnfræði
• Þjóðfræði og fornleifafræði