Hjá tölvuþjónustu Upplýsingatæknisviðs Háskóla Íslands geta nemendur og starfsmenn fengið aðstoð við tölvutengd vandamál.
Einnig má leita úrlausna á vef Þjónustumiðjunnar.
Upplýsingatæknisvið samanstendur af þremur deildum:
- Hugbúnaðardeild
- Rekstrardeild
- Verkefnastofu
Markmið hugbúnaðardeildar er að þróa og viðhalda hugbúnaðarlausnum sem styðja vel við starfsemi opinberu háskólanna og til að ná þeim markmiðum sem stefna HÍ skilgreinir hverju sinni. Aðalhlutverk hugbúnaðardeildar er að þróa og viðhalda Uglu sem er megin upplýsingakerfi háskóla. Hugbúnaðardeild samanstendur af fjórum hópum:
Náms og kennsluhópur
Hlutverk hópsins er að annast þróun og viðhald á kerfum í Uglu sem tengjast námi og kennslu. Helstu kerfi eru þar:
- Stúdentsýsl
- Kennsluskrá
- Umsóknarkerfi
- Forsalur umsókna
- Prófahald
- Námsvottorð
- Kennslukannanir
Mannauðshópur
Hópurinn þróar og viðheldur mannauðslausnum Uglu, sem eru Kvika og Kolur. Hópurinn sér einnig um notendaumsjónarkerfi og verkbókhald.
Vefhópur
Vefhópur annast þróun og viðhald vefja HÍ. Það nær til aðalvefja HÍ; íslenska og enska, stofnanavefja og sérvefja í Drupal og Wordpress.
Grunnkerfishópur
Markmið hópsins er að þróa ýmis grunnkerfi Uglu, t.d. aðgangs- og öryggisstýringarkerfi, gagnagrunnslag og vefþjónustulag. Einnig sér hópurinn um þróun á Vöruhúsi gagna.
Hlutverk Rekstrardeildar UTS er að aðstoða starfsmenn og nemendur með mál tengd upplýsingatækniþjónustum sem notaðar eru í starfi og námi við Háskóla Íslands. Rekstrardeildin sér um rekstur á miðlægri þjónustu.
Megin markmið rekstrardeildar er að veita starfsmönnum og nemendum Háskóla Íslands ásamt tengdum samstarfsaðilum framúrskarandi þjónustu ásamt því að veita þeim ráðgjöf og aðstoð þegar kemur að málum tengdum upplýsingartækni.
Rekstardeild samanstendur af þremur hópum:
Kerfisstjórahópur
Hlutverk hópsins er að sinna stjórnun upplýsingakerfa sem eru í rekstri hjá HÍ og utan hjá hýsingaraðilum.
Nethópur
Hlutverk hópsins er að sinna netmálum, þ.e. rekstri og viðhaldi HÍ neta og ytri tenginga.
Notendaþjónustuhópur
Hlutverk hópsins er að veita almenna tölvuþjónustu með fjar- og staðarþjónustu.
Notendaþjónustuhópur er framlína UTS og sinnir tæknivandamálum sem koma upp hjá starfsfólki og nemendum.
Hópurinn skiptist í þrjár einingar:
- Vettvangsþjónustu sem sinnir starfsfólki stjórnsýslu og fræðasviða eftir þjónustusamningum.
- Tölvuþjónustu sem sinnir staðbundinni tölvuþjónustu á þjónustuborði UTS á Háskólatorgi, þar sem tekið er á móti nemendum og starfsfólki sem þurfa tækniaðstoð.
- Kennslustofuhóp sem sinnir tölvubúnaði í kennslustofum, tölvuverum og fundarrýmum.
Hópurinn vinnur í náinni samvinnu við aðra hópa UTS og við tengiliði innan háskólasamfélagsins til að veita hraða og góða þjónustu.
Verkefnastofa er þjónustu- og ráðgjafardeild innan UTS og styður starf annara deilda með því að styrkja öguð vinnubrögð í vali, innleiðingu og rekstri upplýsingatæknilausna við Háskóla Íslands.
Hlutverk Verkefnastofu er:
- Að skrásetja og bæta ferli og aðferðir við smíði og rekstur upplýsingatæknilausna og taka virkan þátt í gæðastýringu.
- Að veita ráðgjöf í verkefnastýringu.
- Að finna og kynna tæki og tól til skilvirkari smíði og reksturs upplýsingatæknilausna.
- Eftirfylgni með verk- og tímaskráningum
- Að veita ráðgjöf við þarfagreiningu, innleiðingu og umbætur upplýsingatæknilausna innan sviðs og utan.
- Að stuðla að betri yfirsýn yfir stöðu verka og verkefna á hverjum tíma og miðla upplýsingum um stöðu verka og verkefna til þjónustuþega.
Sviðsstjóri
