Doktorsnám á Félagsvísindasviði

Sótt er með rafrænum hætti um doktorsnám. Umsóknargáttin er aðgengileg á umsóknartíma. Öllum umsóknum er svarað.

Við umsókn um doktorsnám er mikilvægt að vanda undirbúning umsóknarinnar og tryggja að öll nauðsynleg fylgigögn fylgi með.

Hér fyrir neðan eru listuð þau fylgigögn sem þurfa að fylgja umsókn um doktorsnám á Félagsvísindasviði í liðum 1-5.

Ef frekari upplýsinga er þörf má senda fyrirspurn á netfangið: doktorsnamFVS@hi.is

1. Náms- og starfsferill nemanda ásamt staðfestu afriti af prófskírteinum (BA/BS/B.Ed.) og/eða MA/MS eða sambærilegu prófi.

Hafi umsækjandi lokið prófi við annan háskóla en Háskóla Íslands skal einnig fylgja staðfest námsferilsyfirlit með einkunnum.

Umsækjandi skal jafnframt senda eða afhenda Nemendaskrá staðfest afrit (pappírseintök) af prófskírteinum og námsferilsyfirlitum (upplýsingar um námskeið, einingar og einkunnir) úr öllu háskólanámi eigi síðar en tveimur vikum eftir að umsóknarfrestur rennur út. Viðkomandi skóli gefur út staðfest afrit. Einnig má leggja fram ljósrit af frumriti sem hefur verið staðfest með stimpli og undirritun þar til bærs aðila, svo sem sýslumannsembættis.

Ef þörf krefur má framvísa frumritum við Þjónustuborð Háskólatorgs til að fá staðfest afrit.

Athugið: Einungis þarf að framvísa prófskírteinum ef námið var stundað við aðra skóla en Háskóla Íslands.

Umsækjandi þarf að greina frá markmiðum sínum með doktorsnáminu, af hverju hún/hann/hán telur sig hafa faglegar forsendur til þess að stunda doktorsnám, til dæmis vegna góðrar frammistöðu í námi, þar með talið í grunn- og framhaldsnámi, þátttöku í rannsóknarverkefnum, birtra greina, vandasamra verkefna, starfsreynslu, áhuga á rannsóknum, áhuga á tilteknum störfum að námi loknu og svo framvegis.

Einnig þarf umsækjandi að tilgreina:

• Námshlutfall
• Fyrirhuguð námskeið. Hér er óskað eftir því að nemandi geri grein fyrir þeim áherslusviðum sem hún/hann/hán telur sig þurfa að styrkja sig í.
• Financing plan. Here the applicant reports grant applications, loans, own financing, work or other relevant things.
• Ósk um leiðbeinanda (ef við á) ásamt rökstuðningi. Sjá upplýsingar um faglegar kröfur til leiðbeinenda doktorsnema undir viðmiðum og kröfum um gæði doktorsnáms við Háskóla Íslands.

3. Verkefnið í hnotskurn á íslensku og ensku (100-150 orð).

4. Lýsing á fyrirhuguðu rannsóknarverkefni (um 2000-4000 orð, auk heimildaskrár) á því tungumáli sem ritgerðin verður rituð á samkvæmt reglum deildar.

Umsækjendur um doktorsnám skulu skila:

• Stuttri verkefnalýsingu
  á íslensku og ensku (100 - 150 orð).
• Lýsing á fyrirhuguðu rannsóknarverkefni
  (um 2000-4000 orð, auk heimildaskrár) á því tungumáli sem ritgerðin verður rituð á samkvæmt reglum deildar.

Eingöngu verður tekið á móti umsóknum í þessu sniðmáti.

Fram skulu koma upplýsingar um:

• Markmið rannsóknarinnar, þekkingarstöðu á sviðinu og vísindalegt gildi verkefnisins.
• Lýsingu á framkvæmd rannsóknarinnar og aðferðafræði.
• Tímaáætlun með helstu áföngum og áætluðum lokum námsins.
• Áætlun um birtingu rannsóknarniðurstaðna og fyrirhugaða birtingarstaði.
• Heimildaskrá.

Lýsingin skal vera skýr, raunhæf og tímasett (eftir mánuðum og ársfjórðungum). Heiti verkefnisins (vinnuheiti) skal endurspegla rannsóknarefnið með skýrum hætti. Gera skal grein fyrir uppbyggingu rannsóknarinnar, svo sem skiptingu í kafla eða greinar.

Einnig skal lýsa þeirri aðferð eða þeim aðferðum sem beitt verður til að svara rannsóknarspurningum verkefnisins. Mikilvægt er að skýra hvernig rannsóknin og helstu rannsóknarspurningar hennar eru frábrugðnar fyrri rannsóknum á sama eða sambærilegu sviði, bæði innanlands og erlendis, og í hverju nýnæmi rannsóknarinnar felst.

Að lokum skal umsækjandi gera grein fyrir mikilvægi rannsóknarinnar fyrir þróun viðkomandi fræðasviðs, hvort sem er í íslensku eða alþjóðlegu samhengi.

Umsækjandi getur skilað inn meðmælabréfum í lokuðum umslögum til nemendaskrár eða sent þau í bréfapósti.

Háskóli Íslands, Nemendaskrá
Sæmundargötu 4, 102 Reykjavík

Með meðmælabréfum skulu meðmælendur skila þar til gerðu eyðublaði frá Háskóla Íslands.

Umsækjandi ber ábyrgð á að koma eyðublaðinu í hendur meðmælenda.

Eyðublað á íslensku
Eyðublað á ensku

Athugið að einungis er tekið við meðmælum í tölvupósti sem berast beint frá meðmælanda. Meðmælandi getur sent bréfið og eyðublaðið sem pdf skjal á netfangið umsokn@hi.is .
Mikilvægt er að tölvupóstföng og símanúmer meðmælenda séu jafnframt gefin upp, svo hægt sé að hafa samband við þá ef þörf er á frekari upplýsingum.
Nánari upplýsingar veitir nemendaskrá (nemskra@hi.is ).

Reglur um doktorsnám við Félagsvísindasvið Háskóla Íslands

Viðmið og kröfur um gæði doktorsnáms við Háskóla Íslands

FeDoN – Félag Doktorsnema og Nýdoktora við Háskóla Íslands

Seigla, félag doktorsnema á Félgsvísindasviði

Doktorsstyrkir Háskóla Íslands (Háskólasjóður Eimskipafélags Íslands/Doktorssjóður Rannsóknasjóðs).

Rannís - Rannsóknarsjóður Rannís býður upp á doktorsnámsstyrki. Nánari upplýsingar og umsóknarfrestur eru á heimasíðu Rannís www.rannis.is