Útleiga á stofum

Beiðnir um stofur þurfa að berast með a.m.k. 2-3 virkra daga fyrirvara.

Ávallt er nauðsynlegt að taka fram:

• hver stendur að viðburðinum
• viðfangsnúmer fyrir bókanir innan HÍ
• nafn og kennitölu greiðanda utanaðkomandi aðila
• dagsetningu og nákvæma tímasetningu
• hvaða stærð af stofu/sal óskað er eftir.

Skrifstofur sviða/deilda sjá um að bóka öll regluleg námskeið samkvæmt kennsluskrá og einstaka fundi á vegum deilda, nemendafélaga og stofnana Háskóla Íslands.

Einstakir fundir eru m.a. deildarfundir, nefndarfundir og fræðslufundir sem tengjast starfi fyrrgreindra. Ekki er tekið gjald fyrir slíka fundi, þó skal greitt fyrir vinnu umsjónarmanna ef þörf er á aðstoð þeirra.

Miðað er við að fundir sem þessir séu ekki oftar en einu sinni í viku, séu staðsettir í einni stofu/fundarherbergi og taki innan við þrjár klukkustundir. Ef bókanir eru fleiri en ein vegna sama viðburðar í sömu viku skal greitt fyrir báðar/allar bókanir.

Ekki er heimilt að láta utanaðkomandi aðila í té fundarherbergi eða kennslustofur án þess að formleg bókun liggi fyrir og greiðsla sé samkvæmt gjaldskrá.

Til að bóka stofur fyrir annað en að ofan greinir, t.d. námskeið eða ráðstefnur, þarf að senda bókunarbeiðni.

Upplýsingar um leigu á stofum

Háskóli Íslands hefur til umráða 27 herbergi á 3. hæð í norðurálmu Sögu og eru þau ætluð fræðafólki sem kemur til samvinnu við Háskólann í skamman tíma.

Upplýsingar um herbergin á Sögu

Nemendur og nemendafélög geta bókað stofu einu sinni í viku á virkum dögum í allt að 3 klukkustundir vegna hópavinnu eða funda. Formenn nemendafélaga geta einir óskað eftir bókunum í þeirra nafni.

Til að bóka stofu eða sal þarf að senda bókunarbeiðni.

Nánari upplýsingar og leiðbeiningar

Skylt er að ganga vel um húsnæði háskólans, umhverfi, tæki og búnað á hverjum stað. Reykingar eru bannaðar innanhúss og við innganga háskólabygginga, sem og undir opnanlegum gluggum.

Húsreglur í Háskóla Íslands

Verðlagning fyrir leigu á stofum fer eftir fjölda sæta.

Gjaldskrá er í 2. grein Reglna um gjaldskrá vegna leigu á kennslustofum og annarri aðstöðu í byggingum Háskóla Íslands, nr. 1310/2024.

Hér fyrir neðan eru upplýsingar um stofur í byggingum Háskólans og sætafjölda í þeim. Athugið að listinn er ekki tæmandi.

Hér má nálgast upplýsingar um staðsetningar og stofuskipan bygginga.