Edda
Fyrirlestrasal
- Aðgangur ókeypis
Mánudaginn 21. september verður dagskrá í fyrirlestrarsal Eddu, húsi íslenskunnar, til að minnast þess að 25 ár eru liðin frá því hafist var handa að vinna vefkennsluefnið Icelandic Online og fagna þeim áföngum sem unnist hafa síðan. Dagskráin hefst kl. 15:00 og stendur yfir til kl. 16.30.
Til máls munu taka Birna Arnbjörnsdóttir, prófessor emeritus við Mála- og menningardeild HÍ, Branislav Bédi, umsjónarmaður sumarnámskeiða, Eyjólfur Már Sigurðsson, forstöðumaður Tungumálamiðstöðvar HÍ, Kolbrún Friðriksdóttir, dósent við Íslensku- og menningardeild HÍ og Úlfar Bragason rannsóknarprófessor emeritus.
Við þetta tækifæri verður opnaður nýr vefkennsluvefur Icelandi Online fyrir börn.
Verið velkomin að fagna með okkur og þiggja léttar veitingar
Styrktaraðilar eru Árnastofnun, Háskóli Íslands og Stofnun Vigdísar Finnbogadóttur í erlendum tungumálum.
Deila
Í Háskóla Íslands er allt sorp flokkað, upplýsingar má finna á flokkun.hi.is Háskóli Íslands hefur það að markmiði að lágmarka neikvæð umhverfisáhrif sín, við hvetjum gesti skólans til að ferðast þangað með vistvænum hætti. Við Háskóla Íslands í Vatnsmýri stoppa strætisvagnar 1, 6, 3 og 12. Vagnar 11 og 15 stoppa einnig nálægt. Ferðumst með vistvænum hætti!