Dagskrá til heiðurs Enrique del Acebo Ibáñez

Rannsóknarstofa Stutt og námsleið í spænsku við Mála- og menningardeild Háskóla Íslands standa fyrir dagskrá til heiðurs argentínska rithöfundinum Enrique del Acebo Ibáñez. Enrique er prófessor í félagsfræði við Salvador og Buenos Aires-háskóla í Argentínu og var nýverið sæmdur heiðursdoktorsnafnbót við Félagsvísindasvið Háskóla Íslands. Eftir del Acebo liggur umfangsmikið æviverk og meðal þess er að finna fimm söfn örsagna sem nú hafa verið endurútgefin í nýju yfirlitsverki.

Haldið á heimasvæði tungumála á 2. hæð í Veröld, þriðjudaginn 20. október kl. 15:00. Dagskráin er öllum opin og fer fram á spænsku.

Dagskrá:

• 15.00 Kristín G. Jónsdóttir, prófessor, setning og umfjöllun um örsagnaformið.
• 15.10 Enrique del Acebo Ibáñez segir frá rithöfundaferli sínum, áskorunum og uppskeru.
• 15.30 Hólmfríður Garðarsdóttir leggur spurningar fyrir gestinn og les þýðingar sínar á nokkrum örsögum hans.
• 15.50 Spurningar og svör
• 16.00 Léttar veitingar og óformlegt spjall.