Fyrir grunnnám í Háskóla Íslands þarf að hafa lokið stúdentsprófi eða öðru lokaprófi á þriðja hæfniþrepi samkvæmt aðalnámskrá framhaldsskóla eða sambærilegu prófi frá erlendum skóla.
Nemendur sem hafa lokið námi frá erlendum skóla gætu þurft að standast sérstakt inntökupróf í íslensku á B2-stigi.
Fyrir utan almennu kröfuna um stúdentspróf eða annað lokapróf á þriðja hæfniþrepi eru inntökuskilyrði mismunandi eftir deildum Háskólans. Ítarlegri upplýsingar er að finna í reglum um inntökuskilyrði í grunnnám við HÍ. Farið er eftir þessum reglum þegar umsóknir um grunnnám eru metnar.
Í kennsluskrá Háskólans eru nánari upplýsingar um inntökuskilyrði.
Á síðum fræðasviða, deilda og námsleiða eru einnig nánari upplýsingar.