• Hefurðu minnst 5 ára reynslu af járningum?
• Viltu öðlast færni til að uppfylla alþjóðlega gæðastaðla?
• Langar þig að öðlast sérhæfingu í hófhirðu og járningum íslenska hestsins?

Sérhæft íslenskt járningamannapróf – Icelandic specialist farrier exam

Námið miðar að því að nemendur öðlist nauðsynlega þekkingu og færni til að uppfylla alþjóðlega gæðastaðla og prófkröfur sem gilda um starfsréttindi járningamanna. Lögð er áhersla á sérhæfingu í hófhirðu og járningum íslenska hestsins.

Námið spannar eitt skólaár og skiptist í lotukennslu á Hólum og fjarnám, alls 30 einingar (ECTS) og er samsett af verklegri og fræðilegri kennslu.

Námið er eingöngu ætlað nemendum með mikla reynslu í járningum. Kennt er á ensku.

Ljúka þarf 30 einingum til að fá vottorð um námslok.

Háskóli Íslands á í samstarfi við yfir 400 háskóla um allan heim. Það veitir nemendum HÍ einstakt tækifæri til að stunda hluta af náminu erlendis, öðlast alþjóðlega reynslu og styrkja stöðu sína á vinnumarkaði.

Möguleikar

• Skiptinám
• Starfsþjálfun
• Styttri dvalir
• Sumarnám

Nám erlendis er alltaf háð samþykki deildar.

Skilyrði

Til að geta sótt um námsdvöl erlendis þarf námsleið við HÍ að vera að lágmarki:

• 90 ECTS einingar í grunnnámi
• 60 ECTS einingar í framhaldsnámi

Sjá frekari skilyrði

Námskeið metin til eininga

Nemendur geta fengið námskeið sem tekin eru erlendis metin sem hluta af námi við HÍ, þannig að námsdvölin þarf ekki að lengja námstímann. Nemendur semja um mat á einingum við deildina áður en skiptinámið hefst með því að fylla út námssamning.

Meira um möguleika á námsdvöl erlendis

Að námi loknu gætur þú meðal annars starfað við:

• Járningar
• Þjónustu við hestabú og hestamenn
• Samvinnu við dýralækna
• Kennslu eða leiðbeiningar í járningum
• Ráðgjöf um hófhirðu

Listinn er ekki tæmandi

Lögð er áhersla á að nemendur við HÍ á Hólum efli tengslanet sitt með því að hittast í staðlotum og finni eigin leiðir til að efla félagslíf deildarinnar. Hluti af félagslífi er að kynnast í staðlotum og skipuleggja viðburði tengt náminu.

Skólaárið 2026-2027 verður nýtt til að skilgreina og skipuleggja félagslíf stúdenta við HÍH meðal annars með því að stofna nemendafélög og skilgreina aðkomu stúdenta HÍH að Stúdentaráði. Nemendur HÍH munu fá stúdentakort og afslætti í samræmi við aðra stúdenta í háskólasamstæðunni.

Nemendur Háskóla Íslands eru dugleg að hittast á stúdentakjallaranum og eru nemendur HÍH hvött til að hittast þar ef tækifæri er til.

• Kynntu þér fjölbreytt félagslíf við Háskóla Íslands.