• Hefur þú lokið grunnámi í sálfræði með fyrstu einkunn?
• Viltu þú fá þjálfun í vísindalegum vinnubrögðum?
• Langar þig að dýpka skilning þinn á sálfræðilegum úrlausnarefnum, kenningum og aðferðum?
• Hefur þú áhuga á að bæta við þig sérfræðiþekkingu?

Meistaranám í sálfræði er fræðilegt framhaldsnám opið nemendum sem hafa lokið BA- eða BS-prófi í sálfræði með fyrstu einkunn. 
Skilyrði fyrir inntöku í MS-námið er að hafa leiðbeinanda úr hópi fastra kennara.
Námið felur í sér þjálfun í vísindalegum vinnubrögðum og þátttöku í námskeiðum á framhaldsnámsstigi. Þungamiðja námsins er rannsóknarverkefni og skrif greina eða ritgerðar sem byggjast á því. Aðrar einingar fást með þátttöku í námskeiðum, málstofum eða lesnámskeiðum.

Rannsóknaráætlun vinnur nemandi í samvinnu við leiðbeinanda. Rannsóknaráætlun skal liggja fyrir við lok annars misseris.

Uppbygging náms

Námið er 120 einingar og er skipulagt sem fullt nám til tveggja ára en nemendur skulu ljúka námi á mest þrem árum.

Námið skiptist í:

• Námskeið, 60 einingar
• Meistaraverkefni, 60 einingar

Fyrirkomulag kennslu

Námið er kennt á íslensku en lesefni er á ensku.

Meginmarkmið

Meðal annars er miðað að því að nemendur öðlist:

• getu til að vinna rannsókn á sjálfstæðan hátt
• færni til þess að greina frá fræðilegum niðurstöðum
• nákvæma þekkingu og skýran skilning á tilteknu rannsóknasviði innan sálfræðinnar

Annað

Námið veitir aðgang að doktorsnámi

• Sjá doktorsnám í sálfræði

• Ferilskrá (CV)
• Greinargerð um markmið með námi
• Meðmælandi 1, nafn og netfang
• Meðmælandi 2, nafn og netfang
• Leiðbeinandi/leiðbeinandi kennari við HÍ
• Prófskírteini/námsyfirlit

• Ef umsækjandi hefur erlent ríkisfang og erlent próf þarf að skila staðfestingu á enskukunnáttu

Frekari upplýsingar um fylgigögn má finna hér

Háskóli Íslands á í samstarfi við yfir 400 háskóla um allan heim. Það veitir nemendum HÍ einstakt tækifæri til að stunda hluta af náminu erlendis, öðlast alþjóðlega reynslu og styrkja stöðu sína á vinnumarkaði.

Möguleikar

• Skiptinám
• Starfsþjálfun
• Styttri dvalir
• Sumarnám

Nám erlendis er alltaf háð samþykki deildar.

Skilyrði

Til að geta sótt um námsdvöl erlendis þarf námsleið við HÍ að vera að lágmarki:

• 90 ECTS einingar í grunnnámi
• 60 ECTS einingar í framhaldsnámi

Sjá frekari skilyrði

Námskeið metin til eininga

Nemendur geta fengið námskeið sem tekin eru erlendis metin sem hluta af námi við HÍ, þannig að námsdvölin þarf ekki að lengja námstímann. Nemendur semja um mat á einingum við deildina áður en skiptinámið hefst með því að fylla út námssamning.

Meira um möguleika á námsdvöl erlendis

MS-gráða í hagnýtri sálfræði veitir möguleika á doktorsnámi og margskonar sérfræðistörfum þar sem gerð er krafa um nákvæmni og vísindaleg vinnubrögð. MS-gráða í hagnýtri sálfræði veitir ekki starfsréttindi sálfræðings.

Með þessa menntun getur þú starfað við

• Rannsóknir
• Stjórnun
• Stefnumótun
• Ráðgjöf

Listinn er ekki tæmandi.

Eros er félag framhaldsnema í sálfræði við HÍ. Félagið heldur úti öflugri félagsstarfsemi og stendur fyrir vísindaferðum, viðburðum og stórglæsilegri árshátíð á vormisseri, auk þess að vera rödd nemenda og eiga í samskiptum við deildina fyrir þeirra hönd. Hópur nemendafélagsins fyrir skólaárið er hér á Facebook.

• Meira um félagslíf stúdenta í Hí.