Háskólinn er samfélag nemenda og starfsfólks og einn stærsti vinnustaður landsins. Háskólaborgararnir eru því stór hluti neytenda landsins og rétt eins og öðrum fylgir þeim sorp. Allt sem fer óflokkað í ruslatunnuna endar á einn eða annan hátt úti í náttúrunni og því er nauðsynlegt að flokka allt sorp sem okkur fylgir.
Í rauðu tunnuna fara skilagjaldsskyldar umbúðir - flöskur og dósir.
Algeng vafaatriði:
Endurvinnslan hf. tekur við skilagjaldsskyldum umbúðum sem berast til SORPU og baggar áldósir og plastumbúðir í pressum. Umbúðir eru fluttar erlendis til endurvinnslu. Glerflöskur eru muldar og nýtast sem undirstöðuefni í landmótun, t.d. á urðunarstað SORPU í Álfsnesi.
Í fjólubláu tunnuna fer allt hreint plastefni. Til dæmis tómar plastumbúðir.
Algeng vafaatriði:
Ef umbúðir eru merktar á eftirfarandi hátt fara þau í þessa flokkun:
Plast er ekki bara plast. Mismunandi gerðir plasts endurvinnast ekki saman og er því flokkað og aðgreint áður en það fer til endurvinnslu erlendis.
Plast er oft einkennt með þríhyrning með tölu inn í sem endurspeglar tegund fjölliðu.
Íslenska gámafélagið tekur við plasti sem er merkt í þríhyrningnum frá 1-6. Hér að neðan má sjá útlistun á hvers konar plast fellur undir hvern og einn flokk og dæmi um plastvörur sem falla þar undir.
Íslenska gámafélagið sér um að flokka plastið á starfsstöð sinni. Plastumbúðir eru pressaðar og baggaðar og fluttar til Evrópu, bæði til efnislegrar endurvinnslu og orkuvinnslu (úr því plasti sem ekki er hæft til endurvinnslu) og búnar til nýjar vörur úr plasti.
Í bláu tunnuna fer allur hreinn pappír. Til dæmis pappamál, bæklingar, skrifstofupappír, dagblöð og pappírsumbúðir.
Algeng vafaatriði:
Íslenska gámafélagið sér um að flokka pappírinn frekar á starfsstöð sinni. Pappír og pappi er pressaður og baggaður hér heima og fluttur til Evrópu til endurvinnslu og búnar til nýjar vörur úr pappírnum/pappanum.
Í svörtu tunnuna fer blandaður úrgangur (almennt sorp) sem ekki er flokkað í HÍ, til dæmis tyggjó, gúmmí og óaðskiljanleg efni svo sem pennar.
Við ættum að nota svarta pokann sem allra minnst, enda á að vera hægt að flokka yfir 90% af sorpinu sem fellur til í starfsemi skólans.
Algeng vafaatriði:
Athugið!
Íslenska gámafélagið pressar og baggar blandaða úrganginn. Í staðinn fyrir að blandaða úrganginum er urðað hér heima er honum komið í betri farveg í orkunýtingar til Evrópu.
Í lífrænu tunnuna eiga einungis að fara matarafgangar og servíettur.
Algeng vafaatriði:
Allt lífrænt sorp er flutt til GAJU, gas- og jarðgerðastöð SORPU, þar sem unnið er úr úrganginum í metangas og jarðvegsbæti (moltu).
Dæmi um úrgang úr gleri eru krukkur og flöskur án skilagjalds. Hvorki tappar né málmlok mega fara í glerflokkun.
Ef mikið af gleri fellur til í þinni starfseiningu vinsamlegast hafðu samband við umsjónarmann sem kemur því í endurvinnslu eða hafið samband við umhverfismal@hi.is hvort óskað sé eftir sérstökum glergámi.
Algeng vafaatriði:
Ekki er enn komið endurvinnsluferill fyrir glerumbúðir á Íslandi. Glerið er nýtt með því að mylja það niður og notað sem fyllingarefni í framkvæmdum.
Spilliefni eru efni sem eru hættuleg umhverfinu og geta haft áhrif á heilsu manna og dýra. Mikilvægt er að spilluefnum sé fargað eða eytt á viðurkenndan hátt hjá aðilum sem hafa starfsleyfi til slíkrar meðhöndlunar.
Frá heimilum er að finna ýmis spilliefni og má meðal annars nefna þrifbrúsa, ljósaperur, spreybrúsa og efnavörur.
Algeng vafaatriði:
Rétt meðferð spilliefna er öryggis- og umhverfismál. Það er stefna Háskóla Íslands að fylgja alþjóðlegum reglum um umhverfismál og förgun lífsýna og spilliefna. Mörg þeirra efna sem notuð eru innan háskólans eru skaðleg umhverfi, mönnum og dýrum. Því ber að flokka allt sorp og spilliefni á réttan hátt og senda til förgunar hjá viðurkenndum aðila.
Á vef öryggisnefndar HÍ er að finna upplýsingar um flokkun og förgun spilliefna.
Íslenska gámafélagið (ÍGF) sér um að flokka öll spilliefni í spilliefnamóttöku ÍGF. Spilliefnum er komið í förgun og eytt á viðurkenndan hátt.
Ljósaperur: ÍGF sér um að flokka á spillefnamóttöku sinni og er komið áfram í eyðingu. Glerið er urðað, kvikasilfur og fosfór flutt til förgunar í Danmörku.
Rafhlöður: ÍGF sér um að flokka á spilliefnamóttöku sinni og er flutt út til Hollands í endurvinnslu.
Dæmi um málma eru niðursuðudósir, krukkulok, álpappír og sprittkertakopar. Umbúðir þurfa að vera hreinar.
Ef mikið af málmi fellur til í þinni starfseiningu vinsamlegast hafðu samband við umsjónarmann sem kemur því í endurvinnslu eða hafið samband við umhverfismal@hi.is hvort óskað sé eftir sérstökum gámi undir málma.
Algeng vafaatriði:
Íslenska gámafélagið sér um að flokka málmana frekar á starfsstöð sinni. Málmumbúðir eru svo sendar til Evrópu til endurvinnslu og búnir til nýir hlutir úr málminum.
Enginn textíll á að fara með blandaða úrganginum, allur textíll er endurnýttur. Slitið klæði nýtist einnig en það er endurunnið og úr því framleitt t.d. tuskur og teppi.
Rauði krossinn tekur við öllum textíl. Sá textíll sem er enn nothæfur er seldur og endurnotaður, annað er endurunnið í aðrar textílvörur.
