Listir I: Leiklist, myndlist, tónlist (LVG105G)

Viðfangsefni:  Nemendur kynnast þýðingu lista í námi barna og unglinga. Umfjöllun um leiklist, tónlist og myndlist í skólastarfi. Verkleg viðfangsefni eru þróuð út frá hugmyndum nemenda.

Vinnulag: Fjölbreyttar smiðjur sem byggja á mismunandi kveikjum og margvíslegri úrvinnslu.

Listir II: Leiklist, myndlist, tónlist (LVG207G)

Viðfangsefni:  Nemendur halda áfram að kynnast þýðingu lista í námi barna og unglinga. Umfjöllun um leiklist, tónlist og myndlist í skólastarfi á vettvangi. Fjallað verður um samþættingu listgreinanna og hvernig hægt er að vinna með myndir, hljóð, texta og sviðsetningu í skólastarfi

Vinnulag: Fjölbreyttar smiðjur sem byggja á mismunandi kveikjum og margvíslegri úrvinnslu.

Fræðileg skrif og gagnrýninn lestur (ÍET102G)

Meginmarkmið námskeiðsins er að búa nemendur í háskólanámi undir lestur og ritun fræðilegra texta og þjálfa þá í gagnrýnum lestri enda er hvort tveggja grundvallaratriði í öllu háskólanámi.  

Fjallað verður um ýmsar tegundir fræðilegs efnis og framsetningar á því. Nemendur kynnast helstu einkennum fræðilegra skrifa og læra hvað felst í ritstýrðum og/eða ritrýndum textum. Nemendur öðlast þjálfun í að lesa, greina og meta slíka texta. Rætt verður um sjálfstæð, gagnrýnin og heiðarleg vinnubrögð ásamt því sem fjallað verður um höfundarrétt, ritstuld og falsfréttir. 

Nemendur öðlast færni í að vinna efni upp úr fræðilegum texta, svo sem útdrætti, og að flétta saman heimildir við eigin texta. Rætt verður ítarlega um fræðilegar ritgerðir á háskólastigi og nemendur fá þjálfun við gerð slíkra ritgerða. Þá verður fjallað um viðeigandi málnotkun í fræðilegum skrifum og hún þjálfuð. 

Fjallað verður sérstaklega um heimildaleit og heimildamat; gæði heimilda og hvernig greina megi vandaðar heimildir frá óvönduðum. Þá fá nemendur þjálfun í heimildaskráningu. Einnig verða nemendur þjálfaðir í að nota heimildir í eigin skrifum og greina milli eigin raddar og heimildarinnar sjálfrar.

Kennslufræði grunnskóla (KME206G, KME206G)

Námskeiðið miðar að því að kennaranemar öðlist þekkingu og leikni í almennri kennslufræði og hæfni til að kenna grunnskólanemendum.

• Áhersla er á kennsluhætti og kennsluaðferðir í grunnskólum, námsumhverfi og bekkjarstjórnun, og leitað er svara við spurningunni um hvað einkenni árangursríka kennslu.
• Athygli er beint að einkennum aldursstiga grunnskóla, yngsta- mið- og efsta stigi eða unglingastigi, og kynntar leiðir til að örva þroska og koma til móts við ólíkar þarfir nemenda í skóla án aðgreiningar.
• Fjallað verður um samvinnu og samskipti nemenda, teymisvinnu og teymiskennslu kennara, en einnig tengsl heimila og skóla og þátttöku foreldra í námi barna sinna.
• Kennaranemar fá þjálfun í framsögn og raddvernd, tjáningu og framkomu.
• Með vettvangsnámi fær kennaranemi æfingu í að skipuleggja fjölbreytt nám, útfæra kennsluaðferðir, nýta upplýsingatækni og leggja mat á reynslu sína.

Kennslufræði grunnskóla (KME206G, KME206G)

Námskeiðið miðar að því að kennaranemar öðlist þekkingu og leikni í almennri kennslufræði og hæfni til að kenna grunnskólanemendum.

• Áhersla er á kennsluhætti og kennsluaðferðir í grunnskólum, námsumhverfi og bekkjarstjórnun, og leitað er svara við spurningunni um hvað einkenni árangursríka kennslu.
• Athygli er beint að einkennum aldursstiga grunnskóla, yngsta- mið- og efsta stigi eða unglingastigi, og kynntar leiðir til að örva þroska og koma til móts við ólíkar þarfir nemenda í skóla án aðgreiningar.
• Fjallað verður um samvinnu og samskipti nemenda, teymisvinnu og teymiskennslu kennara, en einnig tengsl heimila og skóla og þátttöku foreldra í námi barna sinna.
• Kennaranemar fá þjálfun í framsögn og raddvernd, tjáningu og framkomu.
• Með vettvangsnámi fær kennaranemi æfingu í að skipuleggja fjölbreytt nám, útfæra kennsluaðferðir, nýta upplýsingatækni og leggja mat á reynslu sína.

Íslenska í skólastarfi I (ÍET103G)

Í námskeiðinu verður fjallað um íslenska menningu og bókmenntir í víðum skilningi og þátt þeirra í almennri málnotkun sem og í málheimi ólíkra faggreina innan skólakerfisins. Einnig verður fjallað um máltöku barna og helstu vörður hennar.

Fengist verður við grundvallarhugtök í bókmenntafræði, orðræðugreiningu og menningarfræði og gefin dæmi um fjölbreyttar leiðir og miðla við kennslu sem stuðla að skilningi og áhuga grunnskólanema á eigin menningu og annarra.

Kennaranemar fá tækifæri til að lesa fagurbókmenntatexta úr fortíð og nútíð og setja í samhengi við eigin reynsluheim og kennslu ólíkra faggreina í framtíðinni.

Fjallað verður um fjölbreytta texta, jafnt fagurbókmenntir sem nytjatexta og afþreyingartexta, með það að markmiði að nemendur geri sér grein fyrir því að tungumálið er það verkfæri sem við notum í öllu okkar daglega lífi og námi þvert á námsgreinar. Í námskeiðinu verður leitast við að búa nemendum í hendur verkfæri til að greina texta í umhverfi sínu á sjálfstæðan og gagnrýninn hátt.

Kennaranemar fræðast um máltöku barna og eðli mannlegs máls. Fjallað verður um eðlileg frávik í máli barna en einnig gerð grein fyrir algengustu frávikum í málþroska og tengslum málþroska við læsi og lestrarfærni. Athygli verður beint að breytileika í máli barna á grunnskólaaldri, ólíkri íslenskufærni barna í skóla fjölbreytileikans, sem og viðhorfum til íslensku og erlendra tungumála í skólakerfinu.

Í fyrirlestrum kennara og verkefnum kennaranema verður sjónum beint að því hvernig samþætta má ólíkar námsgreinar grunnskólanna. Þannig verður einblínt á þann þátt kennarastarfsins sem felur í sér að kenna ólíkar námsgreinar á íslensku. Nemendum gefst því tækifæri til að ígrunda þátt tungumálsins í ólíkum greinum, t.d. samfélagsfræði, stærðfræði og raungreinum, erlendum tungumálum, og ekki síst í listgreinum, t.a.m. myndmennt og leiklist.

Íslenska í skólastarfi II (ÍET204G)

Í námskeiðinu verður íslenska og fjölbreyttar birtingarmyndir hennar í forgrunni, með sérstaka áherslu á notkun hennar innan skólastofunnar óháð faggrein, en einnig verður horft til þess hvað einkennir mál hverrar faggreinar og orðaforða hennar.  

Fjallað verður um mál kennaranema sjálfra og hvernig þeir lærðu það. Einnig verður komið inn á málnotkun kennaranema og hvernig þeir laga sig að aðstæðum, hvort sem er í óformlegu spjalli á samfélagsmiðlum eða í formlegri ritun, og það sett í samhengi við þau málsnið sem kennari þarf að nota þegar hann talar við nemendur við ólíkar aðstæður. Í tengslum við það fá kennaranemar þjálfun í að fjalla um eigin málnotkun og annarra með viðeigandi hugtökum.

Orðaforði málsins og þrískipting hans verður til sérstakrar umfjöllunar, þar sem lagt verður upp úr því að tengja við hugtakanotkun og málfar ólíkra námsgreina grunnskólans og kennslu þeirra, og þá ekki hvað síst með tilliti til ólíkrar getu grunnskólanema í tungumálinu, hvort sem um er að ræða nemendur með íslensku sem fyrsta eða annað mál.

Stærðfræði í kennaranámi (SNU204G)

Á námskeiðinu styrkja nemar tök sín á völdum þáttum úr stærðfræði, þar á meðal talnafræði og rúmfræði. Jafnframt er fjallað um talnaritun og reikning.

Áhersla er lögð á fjölbreytni og sjálfstæði í leit að lausnum á stærðfræðilegum þrautum. Nemendur kynnist því  hvernig fjölbreyttar leiðir í kennslu geta stuðlað að auknum skilningi nemenda á stærðfræðilegum hugtökum.

Að læra og kenna stærðfræði (SNU101G)

Á námskeiðinu kynnast kennaranemar meginmarkmiðum náms í stærðfræði í grunnskóla.

• Fjallað er um hvað felst í stærðfræðinámi og hvernig styðja má grunnskólanemendur við stærðfræðinám.
• Nemendur kynnast hvernig fjölbreyttar leiðir í kennslu geta stuðlað að því að skilningur nemenda á stærðfræðilegum hugtökum styrkist.
• Fjallað er um hlutverk stærðfræðikennarans og hæfni sem hann þarf að búa yfir.
• Nemar kynnast beitingu upplýsingatækni við nám og kennslu.
• Lögð er áhersla á að nemar læri að vinna saman að lausn stærðfræðiverkefna og kennslufræðiverkefna.
• Nemar vinna verkefni í hverjum tíma í námskeiðinu.

Inngangur að kennslufræði grunnskóla (KME102G)

Um er að ræða inngangsnámskeið í kennslufræði, ætlað verðandi grunnskólakennurum. Hér eru hugmyndir, aðferðir og hugtök kynnt til sögunnar, sem fá svo ítarlegri umfjöllun og meðferð í síðari kennslufræðinámskeiðum (NK-námskeiðum). Meginmarkmið er að veita nemendum innsýn í kenningar og rannsóknir um nám og kennslu í skóla án aðgreiningar, auk þess að gefa mynd af störfum og starfsumhverfi grunnskólakennara. Áhersla er lögð á tengsl við starfsvettvang og að nemendur tengi viðfangsefni námskeiðsins eigin reynslu og viðhorfum og leggi grunn að eigin starfskenningu. Farið er í 15 klst. vettvangsnám þar sem nemendur kynnast starfi grunnskóla. 

Mikilvægar hugmyndir, hugtök og viðfangsefni: Námskenningar, menntarannsóknir, nám-nemandi-námsaðstæður, kennsluhættir og kennsluáætlanir, samskipti og samstarf, kennarinn sem fagmanneskja, starfskenning og starfsuhverfi kennara, lagarammi, reglugerðir og námskrár sem snerta skyldunám.

Vinnulag: Fyrirlestrar, málstofur, skapandi viðfangsefni og margvísleg verkefni unnin einstaklingslega eða í samvinnu við aðra. Tengsl við vettvang.

Námskrá og námsmat (KME402G)

Námskeiðið miðar að því að nemendur öðlist þekkingu, leikni og hæfni sem snýr að námskrárfræðum og námsmati og geti beitt þekkingu sinni á því í skólastarfi. 

Nemendur kynnast lykilhugtökum námsmats- og námskrárfræða. Fjallað er um áherslur og hugmyndastefnur sem greina má í opinberum námskrám, lögum, reglugerðum og öðrum stefnuritum. Þætti sérfræðinga (kennara, stjórnenda og fleiri) í námskrárgerð og þróun skólanámskrár eru gerð skil og þar með einnig við gerð námsáætlana fyrir námshópa, bekki eða einstaka nemendur.

Fjallað er um forsendur, tilgang og aðferðir við mat á námi og námsárangri (sbr. leiðsagnarmat, lokamat, gerð prófa og annarra matstækja og notkun einkunna og vitnisburða). Lögð er áhersla á að nemendur kynnist helstu hugtökum og aðferðum í námsmatsfræðum.

Nemendur lesa og ræða einnig um álitamál og ólíka hugmyndafræðilega strauma sem tengjast grundvallarspurningum um tilgang og markmið skyldunáms.

Vinnulag á námskeiðinu felst í lestri greina og bókakafla, fyrirlestrum, kynningum, umræðum í málstofum og hópverkefnum.

Listin að skapa tónlist (LVG009G, LVG405G)

Markmið námskeiðsins er að efla þekkingu og færni í notkun fjölbreyttra aðferða til að stuðla að tónlistarsköpun barna og ungmenna í námi og frístundastarfi.

Viðfangsefni
Nemendur læra fjölbreyttar leiðir til að setja saman laglínur og lítil tónverk. Nemendur fræðast um helstu form og stíla í tónsmíðum og tengi það m.a. eigin nýsköpun í tónlist.

Vinnulag
Áhersla á verklegar æfingar, spuna og samvinnu.

Tónmenntakennsla á vettvangi -Áhersla á yngra- og miðstig (LVG009G, LVG405G)

Námskeiðið tengist vettvangsnámi í tónmenntakennslu. Nemendur styrkja færni sína í að skipuleggja og kenna tónmennt í grunnskóla. Lesefni námskeiðsins miðar að því að dýpka skilning á markmiðum og leiðum í kennslu tónlistar í bekkjarkennslu innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum tónmenntakennslu. Verklegar æfingar miða að því að auka færni nemenda til að takast á við kennslu tónmennta á vettvangi.

Söngur og kórstjórn (LVG016G, LVG024G)

Viðfangsefni
Söngur, upphitun söngradda og fjölbreytt sönglög í ýmsum stíltegundum. Nemendur læra grunnatriði í kórstjórnartækni og læra að tileinka sér fagleg vinnubrögð við val og undirbúning verkefna fyrir ólíkar gerðir kóra og sönghópa.
Vinnulag
Verklegar æfingar í söng, kórstjórn og léttum undirleik á hljómborð/píanó.

Tónmenntakennsla á vettvangi -Áhersla á mið- og unglingastig (LVG016G, LVG024G)

Námskeiðið tengist vettvangsnámi í tónmenntakennslu. Nemendur styrkja færni sína í að skipuleggja og kenna tónmennt á mið- og unglingastigi grunnskóla. Lesefni námskeiðsins miðar að því að dýpka skilning á markmiðum og leiðum í kennslu tónlistar í bekkjarkennslu innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum tónmenntakennslu. Verklegar æfingar miða að því að auka færni nemenda til að takast á við kennslu tónmennta á vettvangi.

Málun og teiknun (LVG404G, LVG302G, LVG310G)

Námskeiðið skiptist í tvo meginhluta: málun, teikningu en einnig verður veitt innsýn inn í grafík og leirmótun. Áhersla er lögð á hugmyndavinnu, skissugerð og úrvinnslu þar sem myndbygging og form eru í forgrunni. Unnið er út frá náttúru og mannlífi í rými.

Í málun er unnið með meðferð og áferð lita, samspil litatóna og skissuvinnu. Í teikningu er lögð áhersla á formgreiningu, módel- og hlutateikningu.

Safnaheimsóknir og sýningar eru hluti af náminu og felst í þeim bæði gagnaöflun og verkleg sem skrifleg úrvinnsla.

Námskeiðið er kennt í sex lotum auk eins sýningardags:  Mætingarskylda er í öllum lotum. Lögð er áhersla á sjálfstæð vinnubrögð, frumkvæði og faglega framsetningu.

Íslensk listasaga, söfn og menntun (LVG404G, LVG302G, LVG310G)

Áhersla er lögð á að veita nemendum innsýn í  íslenska listasögu og myndlistararfleið, list í opinberu rými ásamt list- og safnafræðslu. 

Markmiðið er að nemendur öðlast þekkingu á listasöfnum og kennslufræði þeirra gagnvart skólum og hæfni til að nýta sér þau sem fræðslustofnanir.  Skapaður er vettvangur þar sem áherslan er á samstarf og samtal skóla og safna á milli. Nemendum gefst kostur á að raungera og þróa hugmyndir sínar og vinna m.a. smiðju í tengslum við sýningu þar sem börn á grunnskólaaldri eru þáttakendur í skapandi starfi. 

Vinnulag:
Fyrirlestrar, lestur fræðigreina, gagnrýnin umræða  og safnaheimsóknir. 

Nemendum vinna m.a verkefni og setja upp smiðju ætlaða börnum í tengslum við sýningu.

Námskeiðið krefst sjálfstæðra vinnubragða.

Grafík, ferli og bókagerð (LVG404G, LVG302G, LVG310G)

Megináherslu er á grafík sem listrænt ferli og miðil. Nemendur kynnast grunnatriðum einþrykks og dúkristu, bæði í höndum og í ætingarpressu, og öðlast skilning á því hvernig grafíkmynd verður til, frá hugmynd og skissu til fullunnins verks.

Teikning er nýtt sem rannsóknar- og undirbúningsferli þar sem unnið er með skissur og þróun myndmáls.

Bókagerð tengist grafíkinni sem framsetningarform. Nemendur kynnast undirstöðuatriðum handgerðar bókagerðar og útbúa einfaldar bækur þar sem grafíkverkin mynda grunn og innihald.

Áhersla er lögð á efnisþekkingu, vönduð vinnubrögð, sjálfstæða hugmyndavinnu og gagnrýna ígrundun. Einnig er fjallað um möguleika grafík í kennslu á mismunandi skólastigum.  

Námskeiðið krefst sjálfstæðra og skapndi vinnubragða.

Vinnulag
Fyrirlestrar, sýnikennsla, verkleg vinna, vettvangsferðir, kynningar, umræður, gagnaöflun og skrásetning vinnuferils.

Listir, náttúra og samfélag (LVG020G, LVG018G)

Athugið að nemendur á kjörsviðinu Sjónlistir: Myndmennt ganga fyrir þegar hámarksfjölda er náð!

Í námskeiðinu er fjallað um tengsl listar, náttúru og samfélags með áherslu á samtímalist, sjálfbærni og menntun til sjálfbærrar þróunar. Nemendur kynnast hugmyndum listamanna sem vinna með náttúru og samfélag, rannsaka starfshætti þeirra og setja í fræðilegt samhengi. Unnið verður með hugmyndir samtímalistamanna í listrannsóknum og með ólíkar hefðir út frá reynslu og áhuga nemenda. Lögð er áhersla á tilraunir, skapandi ferli og endurnýtingu efna með umhverfisvernd að leiðarljósi.

Markmið og inntak
Nemendur:

• tileinka sér hugmyndafræði námskrár sem byggir á samþættingu lista, náttúru og samfélags,
• þróa eigin listræna tjáningu með fjölbreyttum efnivið og miðlum,
• rökstyðja eigin verk í tengslum við fræðileg og skapandi markmið,
• tengja verkefni sín við kennslu á grunnskólastigi með áherslu á grunnþætti menntunar: sjálfbærni, lýðræði, jafnrétti og menningarlæsi.

Kennslan byggir á fyrirlestrum, umræðum, vettvangsheimsóknum og verkefnavinnu. Áhersla er á sjálfstæð vinnubrögð, skapandi ferli og samstarf.

Vinnulag
Fyrirlestrar, gagnrýnin umræða, vettvangsheimsóknir og verkefnavinna. Nemendum gefst kostur á að vinna með fjölbreytt efnisval, mismunandi tækni og miðla.

Kennslufræði Myndmenntar (LVG020G, LVG018G)

Markmið: Að undirbúa nemendur fyrir vettvangsnám í námsgreininni myndmennt og kennslufræðilega þætti greinarinnar. 

Inntak / viðfangsefni: Vettvangsnám á misserinu er undirbúið með verkefnavali, verkefnatilraunum og gerð kennsluverkefna. Markmið myndmenntarkennslu eru tekin til umfjöllunar ásamt fagnámskrá. Lögð er áhersla á að nemendur þekki til helstu kenningasmiða, rannsókna á sviðinu og innihalds og markmiða í aðalnámskrá grunnskóla.  Nemendur vinna með eigin hugmyndir að kennsluverkefnum í samráði við kennara og leiðsagnarkennara á vettvangi auk þess sem þeir taka mið af hæfniviðmiðum myndmenntar í aðalnámskrá grunnskóla sem og skólanámskrá viðtökuskóla. Kennsluverkefnin eru aldursmiðuð og með tengingu við sköpun, sjálfbærni og aðra grunnþætti menntunar. 

Nemar fá þjálfun í að semja kennsluáætlanir sem miða við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur vinna hugmynda- og dagbók sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins. 

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Hönnun sem uppspretta sköpunar (LVG104G, LVG206G)

Námskeiðið er kynning á kennslu og gildi uppeldismiðaðra hönnunar- og handverksgreina: Hönnun og smíði, Textíll og hönnun og Heilsuefling og heimilisfræði. Verkefnahugmyndir eru lagaðar að ólíkum faggreinum námskeiðsins. Áhersla er lögð á þekkingar- og færniþætti frá hugmynd að fullvinnslu í öllum verkþáttum námskeiðsins. Nemendur vinna viðfangsefni sem henta vel í skólastarfi og skrá vinnuferli í ljósmyndum, teikningum og í textaformi.

Kennslufræði handverks og hönnunar í textíl og smíði (LVG104G, LVG206G)

Markmiðið er að undirbúa kennaranema fyrir vettvangsnám í hönnunar- og handverksgreinum með áherslu á kennslufræðilega þætti. Í verkefnavali taka nemendur mið af grunnþáttum menntunar og hæfniviðmiðum faggreinanna í Aðalnámskrá grunnskóla. Í úrvinnslu verkefna er lögð er áhersla á skapandi og fagleg vinnubrögð. Nemendur fá þjálfun í gerð kennsluáætlana, kynnast fjölbreyttum kennsluaðferðum og bera saman ólíkar námsmatsleiðir í faggrein. Nemar halda leiðarbók og skrifa greinargerð um vettvangshluta námsins; áhorf, aðstoð við kennslu, framkvæmd kennsluverkefna og eigin kennslu. Nemar skila ferilmöppu og kynna afrakstur af vettvangsnámi.

Rafmögnuð hljóðfæri, raftónlist og sköpun í skólastarfi (LVG022G, LVG304G)

Námskeiðið er verklegt að stórum hluta þar sem nemendur æfa samspil á dæmigerð rafhljóðfæri, s.s. rafgítar, rafbassa, trommusett og hljómborð. Einnig er unnið með grunnatriði í notkun hljóðnema fyrir söng, sem og meðferð hljóðkerfa og hljóðblöndun. Viðfangsefni eru margvísleg og taka mið af raunhæfum verkefnum fyrir nemendur á unglingastigi. Nemendur fá tækifæri til að efla færni sína á öll hljóðfæri bílskúrsbandins og nýta þau til að leika eigin ábreiður af popplögum, útsetja þjóðlög, sem og spuna og aðra tilraunastarfsemi. Nemendur æfast í að nota upptökuforrit til að taka upp tónlist og vinna hana frekar í hljóðvinnsluforritum. Nemendur tækifæri til að prófa sig áfram með gerð raftónlistar og fá kynningu á helstu forritum sem hentað geta í kennslu í raftónlist á unglingastigi.Einnig munu nemendur leita fjölbreyttra leiða til að búa til ný hljóðfæri og hljóðgjafa.

Tónlistarleikir til náms og þroska (LVG022G, LVG304G)

Námskeiðið fjallar um það hvernig unnt er að kenna ýmsa tónlistarlega færni í gegnum leiki. Meðal annars verður fjallað um það hvernig tónlistarleikir efla rytmaskyn og margvíslega samhæfingu. Helstu kenningar í hagnýtri kennslufræði tónlistar verða kynntar og sérstök áhersla lögð á þær aðferðir sem nota hreyfingu og fjölþætta (multi modal) nálgun til að kenna tónlist. Mikil áhersla er lögð á verklegar æfingar. Nemendur æfa grunnfærni í að miðla tónlist í gegnum leiki sem henta sérstaklega vel í hópkennslu.  Sömuleiðis fá nemendur tilsögn í skapandi kennsluháttum og spreyta sig á að semja nýja tónlistarleiki með kennslufræðileg markmið í huga. Námskeiðið hentar jafnt nemendum með mikla þekkingu á tónlist sem og þeim sem hafa litla formlega tónlistarmenntun en vilja efla færni sína og þekkingu á tónlistarmiðlun.

Leiklist, sögur og frásagnir (LVG308G)

Markmið:

Að nemendur

• þekki til fræðilegra kenninga um uppeldislegt gildi frásagna og ævintýra fyrir börn
• geti tengt aðferðir leiklistar við sögur og frásagnir og þannig gert hlustendur að virkum þátttakendum í frásögn
• hafi innsýn í sérstöðu leiklistar sem virkrar reynslu
• hafi sjálfstæði og nokkra færni til að segja börnum sögur og ævintýri ásamt því að þjálfa börnin í að segja frá eigin upplifunum
• hafi kynnst á vettvangi skóla hvernig frásagnir eru tengdar námsgreinum, til dæmis lífsleikni, trúarbragðafræðslu og sjálfbærni.

Viðfangsefni: Fræði um uppeldislegt gildi frásagna og ævintýra fyrir börn og mikilvægi leiklistar í tengslum við virka upplifun þátttakenda. Þjálfun í að segja áheyrilega frá og tvinna leiklist inn í frásögn til þess að dýpka skilning á efni. Mótun leiklistarferlis í tengslum við frásagnir og ævintýri. Athugun á því hvernig kennarar nýta sögur og ævintýri með ungum nemendum.

Vinnulag: Fyrirlestrar, lestur og umræður/málstofur. Vettvangsathuganir og kynningar. Leiklistar- og frásagnarsmiðjur. Nemendur vinna sjálfstætt að því að skapa og móta leiklistarferli í tengslum við frásagnir og ævintýri með áherslu á loftslagsbreytingar.

Þjálfun í frásagnarlist.

_________

Æskilegt er að nemi hafi áhuga á að nýta leiklist og frásagnir með börnum. Námskeiðið hentar vel fyrir kennara í leikskóla og  grunnskóla.

Leiklist fyrir alla, framkvæmd og fræði, kennsluaðferðir leiklistar í skólastarfi (LVG408G)

Markmið: Að undirbúa nemendur fyrir vettvangsnám í námsgreininni leiklist í kennslu og kennslufræðilega þætti greinarinnar.

Inntak: Nemendur styrkja færni sína í að skipuleggja og samþætta leiklist við aðrar greinar  grunnskóla. Lesefni námskeiðsins miðar að því að dýpka skilning á markmiðum og leiðum í kennslu leiklistar sem aðferðar innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum leiklistarkennslu. Verklegar æfingar miða að því að auka færni nemenda til að takast á við kennslu leiklistar á vettvangi.

Nemar fá þjálfun í að semja kennsluáætlanir sem miðast við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur halda dagbók um hugmyndavinnu sína sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Leiklistarkennarinn, framkvæmd og fræði (LVG407G)

Markmið: Að undirbúa nemendur fyrir vettvangsnám í námsgreininni leiklist  í kennslu og kennslufræðilega þætti greinarinnar. 

Inntak: Nemendur styrkja færni sína í að skipuleggja og samþætta leiklist við aðrar greinar  grunnskóla. Lesefni námskeiðsins miðar að því að dýpka skilning á markmiðum og leiðum í kennslu leiklistar sem aðferðar innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum leiklistarkennslu. Verklegar æfingar miða að því að auka færni nemenda til að takast á við kennslu leiklistar á vettvangi.

Nemar fá þjálfun í að semja kennsluáætlanir sem miðast við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur halda dagbók um hugmyndavinnu sína sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Leiklistarkennarinn (LVG406G)

Nemendur sem eru með leiklist sem kjörsvið þurf að taka námskeiðið LVG407G Leiklistarkennarinn, framkvæmd og fræði samhliða námskeiðinu LVG406G Leiklistarkennarinn.

Viðfangsefni: Leiklistaræfingar sem þjálfa næmi og sköpunargáfu í gegum mismunandi aðferðir leikhússins, ásamt þekkingu og skilningi á undirstöðuatriðum og aðferðum sem leiklistarkennari þarf að nýta í kennslu sinni.

Vinnubrögð við uppsetningu leiksýninga þ.e. aðferðaleikhús, samfélagsleikhús, samsköpunarleikhús og þátttökuleikhús. Lögð er áhersla á þekkingu og færni í fjölbreyttum þáttum sviðsetningar svo sem handrits- og leikgerðar.

Vinnulag: Æfingar, spunar og umræður.

Frá hugmynd til sýningar (LVG008G)

Á námskeiðinu er lögð áhersla á leiklist sem listform, fjallað verður um bakgrunn sýninga sem eru unnar út frá hugmyndum þátttakenda og rætt verður um gildi þátttöku barna og ungmenna í leiksýningu. Þungamiðjan á námskeiðinu er á þjálfun nemenda í að vinna sjálfstætt að sýningum með nemendum á faglegan og skapandi hátt. Nemendur fá kynningu á hagnýtum verklegum æfingum sem gagnast geta við uppsetningu leikverka, svo sem skuggaleikhús, að búa til útvarps- og sjónvarpsþætti og umfjöllun um hvernig lítil hugmynd getur orðið að leiksýningu.

Leiklist fyrir alla - kennsluaðferðir leiklistar í skólastarfi (LVG305G)

Nemendur sem eru með leiklist sem kjörsvið þurfa að taka námskeiðið LVG408G Leiklist fyrir alla, framkvæmd og fræði, kennsluaðferðir leiklistar í skólastarfi samhliða námskeiðinu LVG305G Leiklist fyrir alla, kennsluaðferðir leiklistar í skólastarfi.

Á námskeiðinu er áhersla lögð á að kynna og þjálfa nemendur í að vinna sjálfstætt og faglega með leiklist í kennslu. Nemendur kynnast fjölbreyttum kennsluháttum og leiðum í leiklistarkennslu. Nemendur læra að beita aðferðum leiklistar þegar nálgast á viðfangsefni og fá innsýn inn í hvernig tengja má leiklist við aðrar greinar. Fjallað verður um hugmyndir að samþættingu listgreina við aðrar námsgreinar grunnskólans, um hugmyndafræðina sem býr að baki fjölbreyttum og skapandi kennsluaðferðum og um skipulagningu á kennslu í blönduðum nemendahópum í tengslum við kennslu leiklistar. Uppistaðan í námskeiðinu er þjálfun nemenda í að vinna sjálfstætt, faglega og á skapandi hátt með leiklist í kennslu.

Sjónlistir (LVG403G, LVG010G)

Markmið námskeiðsins er að nemendur öðlist þekkingu á tvívíðri myndgerð og möguleikum hennar í skólastarfi. Nemendur þjálfast í grunnþáttum aðferða og hugmyndavinnu í tengslum við sjónlistir. Meginviðfangsefni námskeiðsins eru verkleg vinna, hugmyndavinna og gerð ferilmöppu.

Lögð er megin áhersla á teikningu, lita- og formfræði, grafíkþrykk og mynsturgerð. Fjölbreytt efni eru notuð til útfærslu verkefna og lögð áhersla á sjálfstæð vinnubrögð og frumkvæði nemenda.

Ferilmappa er lögð fram til mats en jafnframt skila nemendur inn hugleiðingum og umræðum í tengslum við safnaheimsóknir.

Fyrirkomulag:

Námskeiðið er kennt í fimm lotum og er mætingarskylda í þær allar.

Ath. Nemendur á kjörsviði sjónlista ganga fyrir við skráningu.

Kennslufræði Sjónlista (LVG403G, LVG010G)

Markmið
Að undirbúa nemendur fyrir vettvangsnám í námsgreininni Sjónlistir. 

Vettvangsnám á misserinu er undirbúið með verkefnavali, tilraunum og gerð kennsluverkefna og námsefnis. Fjallað er um markmið og inntak sjónlistakennslu í grunnskóla með hliðsjón af fagnámskrá og aðalnámskrá grunnskóla.

Áhersla er lögð á að nemendur kynnist helstu kenningasmiðum, rannsóknum á sviði sjónlistakennslu og hæfniviðmiðum greinarinnar. Nemendur þróa eigin kennsluverkefni í samráði við kennara og leiðsagnarkennara á vettvangi og taka mið af skólanámskrá viðtökuskóla. Verkefnin eru aldursmiðuð og miða að skapandi vinnu nemenda.

Nemar fá þjálfun í að semja kennsluáætlanir sem taka mið af verkþáttum, aldri og þroska barna.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Vinnulag:

Kennsla fer fram í fyrirlestrum, umræðum og verklegum undirbúningi fyrir vettvangsnám. Nemendur vinna verkefni tengd vettvangsnámi sínu og fá leiðsögn við þróun kennsluverkefna og kennsluáætlana.

Samspil lífvera og umhverfis (SNU004G, SNU203G)

Á námskeiðinu er fjallað um grunnhugtök og meginþætti vistfræðinnar með áherslu á samspil lífvera og umhverfis. Nemendur kynnast eðli og gerð vistkerfa, þar á meðal flæði orku, hringrásum efna, stöðugleika og framvindu vistkerfa. Fjallað er um samfélög lífvera, tengsl þeirra sín á milli og við umhverfi sitt, auk stofnabreytinga og líffræðilegs fjölbreytileika.

Sérstök áhersla er lögð á mikilvægi líffjölbreytileika og sjálfbærrar þróunar, sem og á áhrif mannlegra athafna á náttúru og umhverfi. Tekin eru fyrir dæmi um íslensk vistkerfi, einkenni þeirra, sérstöðu og vistfræðilegt gildi, ásamt helstu umhverfisáskorunum á Íslandi og á heimsvísu.

Námskeiðið leggur áherslu á hvernig nálgast megi vistfræðileg viðfangsefni í kennslu unglinga á grunnskólastigi. Rýnt er í mikilvægi rannsóknarmiðaðs náms, skapandi náms og útináms til að efla skilning nemenda á vistfræðilegum hugtökum og tengja þau við daglegt líf og samfélagslega ábyrgð. Nemendur fá reynslu af að skipuleggja útikennslu og umhverfismennt þar sem náttúrutúlkun, tengsl lífvera og áhrif mannsins á náttúru eru í forgrunni.

Lífeðlisfræði (SNU004G, SNU203G)

Á námskeiðinu verður fjallað um gerð fruma og skiptingu, um vefi, líffæri og starfsemi þeirra. Þá verður fjallað um heilbrigðisuppeldi og varnir, ábyrgð og skilning einstaklingsins á eigin líkama. Áhersla verður lögð á að kynna fjölbreyttar leiðir sem nota má í kennslu um viðfangsefnin.

Hin lifandi náttúra í nærumhverfinu (SNU017G, SNU105G)

Á námskeiðinu verður sérstök áhersla á hina lifandi íslensku náttúru sem kemur fyrir í daglegum reynsluheimi nemenda. Í því samhengi verður lögð sérstök áhersla á staðbundið nám (place-based education). Sjónum verður beint að möguleikum í verklegum viðfangsefnum í útinámi barna og ungmenna í nærumhverfi skóla, en viðfangsefnin einnig tengd við athafnir innan skólastofu. Ýmsar leiðir til að rannsaka hina lifandi náttúru verða kynntar, svo sem skoðun og greining á plöntum sem og aðferðir við að safna smádýrum og greiningar á lífverum æfðar. Nemendur fá einnig reynslu af að skipuleggja útikennslu. Þá verður nemendum kynnt tækifæri sem notkun upplýsingatækni veitir til að efla áhuga og forvitni um náttúruna.  Verklag mun taka mið af því að nemendur kynnist fjölbreyttum kennsluaðferðum sem reynst hafa árangursríkar í náttúrufræðikennslu. Námskrá og námsefni grunnskóla sem tengist viðfangsefni námskeiðsins verður einnig skoðað.

Á dagskrá verða plöntur, fuglar, smádýr, ferskvatns- og fjörulífverur með áherslu á búsvæði þeirra og aðlögun að umhverfi sínu.

Að kenna efna- og varmafræði (SNU017G, SNU105G)

Fjallað verður um hugtök og kenningar á sviði efnafræði og varmafræði sem kennd eru í grunnskólum og leiðir til að kenna þessa þætti til skilnings með mikla áherslu á verklegar tilraunir og athuganir. Þá verður nemendum kynnt tækifæri sem notkun upplýsingatækni veitir til að efla áhuga og forvitni um náttúruna. Á námskeiðinu verður fjallað um uppbyggingu efna, efnabreytingar, frumeindakenninguna og lotukerfið, varmaorku og hitastig, varmaflutninga, nýting varmaorku og orkuferli sem tengjast efnabreytingum.

Náttúruvísindamenntun – Hugmyndir nemenda, verklegt og virk þátttaka (SNU208G, SNU012G)

Á námskeiðinu er fjallað um grunnþætti kennslufræði náttúruvísinda í grunnskóla með áherslu á verklega kennslu, athuganir og tilraunir, notkun upplýsingatækni og fjölbreyttar leiðir til að efla skilning og áhuga nemenda. Nemendur kynnast hugmyndum um hversdagshugmyndir, mishugmyndir og hugtakanám í náttúruvísindum á yngsta stigi, miðstigi og unglingastigi. Skoðaðar eru leiðir til að skipuleggja kennsla í ljós námsáskorana sem hversdagsleg reynsla nemenda og málheimur valda.

Fjallað er um notkun sýndartilrauna, skapandi miðlunar og stafrænnar tækni í kennslu, sem og um ávinning og áskoranir tengdar útikennslu og útinámi. Vettvangsnám er samþætt námskeiðinu og nemendur nýta hluta námsins (2 Ve) í grunnskóla, þar sem þeir tengja fræðilegt inntak námskeiðsins við skipulagningu, framkvæmd og ígrundun kennslu í náttúruvísindum. Áhersla er lögð á virka þátttöku, verklega vinnu og ígrundun sem grunn að áframhaldandi námi í náttúruvísindakennslu.

Að kenna um rafmagn og segulmagn (SNU208G, SNU012G)

Í þessu námskeiði verða þátttakendur búnir undir að kenna um rafmagn og segulmagn. Þetta er gert með því að styrkja bæði þekkingu nema á viðfangsefnunum og á kennsluhugmyndum sem þeim tengjast. Jafnframt verður skoðað hvernig fyrirbæri tengd þessum hugtökum birtast í manngerðu og náttúrulegu umhverfi. Áhersla verður lögð á að tengja viðfangsefnin við hugmyndir og reynslu þátttakenda. Fjallað verður um rannsóknir á hugmyndum barna og unglinga um viðfangsefnin og mögulegar leiðir til að tengja með kennslu þessi viðfangsefni við reynsluheim og hugmyndir barna og unglinga. Fjallað verður um kennslu náttúrufræðilegra viðfangsefna námskeiðsins, skoðaðar kennslubækur og verklegar athuganir. Náttúrufræðileg viðfangsefni námskeiðsins eru: Rafmagn, rafhleðslur, rafkrafta, stöðurafmagn, rafstrauma, segulmagn, segulkraftar, víxlverkun rafmagns og segulmagns, og framleiðsla og nýting rafmagns.

Nám og náttúruvísindi á 21. öld (SNU009G, SNU209G)

Rædd verða valin viðfangsefni varðandi náttúruvísindamenntun og þróun hennar á 21. öld. Fjallað verður um gildi náttúruvísindamenntunar og mismunandi markmið náttúruvísindanáms. Fjallað verður um eðli náttúruvísindalegrar þekkingar, aðferðir náttúruvísinda og leiðir til að efla skilning grunnskólanema á eðli náttúruvísinda. Rýnt verður í stöðu náttúruvísindamenntunar á Íslandi og skoðaðir styrkleikar og veikleika þeirrar menntunar samkvæmt niðurstöðum íslenskra rannsókna og alþjóðlegra mælikvarða. Í því ljósi verður rætt um hvaða áskorunum við stöndum helst frammi fyrir og hvaða leiðir gætu reynst vænlegar til úrbóta. Skoðaðar verða bæði nýjungar í skólastarfi og þekktar leiðir sem reynsla er komin á. Einnig verður skoðuð nýsköpun í náttúruvísindum á Íslandi og hagnýting náttúruvísindanna.

Fjallað verður um: 

• Eðli vísindalegrar þekkingar og vísindaleg heimspeki 
• Stefnumótun og námskrárgerð í tengslum við 21. aldar hæfni  
• Hvernig náttúruvísindi nýtast í nýsköpun?  
• Hvers vegna náttúruvísindanám er mikilvægt og hvaða starfsmöguleikar tengjast náttúruvísindum? Hagnýting náttúruvísinda.  
• Námskrár náttúruvísindamenntunar

Jörðin og lofthjúpurinn (SNU009G, SNU209G)

Á námskeiðinu er fjallað um innri gerð jarðar, jarðskorpuhreyfingar og áhrif innrænna (eldvirkni) og útrænna afla (veðurfar og vatn) á mótun landsins, bergtegundir, eldgos og jarðskjálfta. Stöðu jarðarinnar í sólkerfinu, árstíðaskipti, dægraskipti og grundvallar orkuferli jarðar. Fjallað um veður og loftslag. Kynntar verða hugmyndir að kennslu jarðfræðilegra viðfangsefna og rannsóknir sem þeim tengjast. Þá verður sjónum meðal annars beint að möguleikum sem felast í útinámi með skoðun á jarðfræðilegum fyrirbærum.

Danska sem erlent mál (ÍET201G, ÍET501G)

Námskeiðið miðar að því að veita nemendum innsýn í einstakar aðstæður dönskukennslu í íslenskum grunnskólum. Við munum kanna grundvallarhugtök og kenningar sem tengjast máltöku, sem eiga sérstaklega við um kennslu erlendra tungumála. Að auki munum við samræma fræðileg markmið og markmið fyrir dönskukennslu á Íslandi við kenningar um máltöku og kennslufræði erlendra tungumála. Í námskeiðinu verður einnig skoðað hvernig sjónarmið kennara varðandi nám og tungumál birtast í kennslustofum þar sem danska er kennd.

Daglegt mál og tjáning á dönsku (ÍET201G, ÍET501G)

Meginmarkmið námskeiðsins er að kennaranemar öðlist þekkingu og skilning á þeim reglum sem lúta að munnlegri tjáningu og færni í að beita töluðu máli rétt og eðlilega við ýmsar aðstæður.

Kennaranemar verða þjálfaðir í að beita málinu við ýmsar aðstæður. Áhersla er lögð á að þjálfa þá í að taka þátt í umræðum, lesa upp, segja frá og segja sögur. Fjallað verður um ýmsa þætti í töluðu máli, svo sem framburð einstakra hljóða, áherslur, ítónun og sérstaklega þau atriði sem Íslendingar eiga erfitt með að ná. Fjallað verður um muninn milli ritmáls og talmáls. Sérstaklega verður fjallað um nemendamiðaða kennslu og nemendur verða þjálfaðir í að útbúa munnleg verkefni handa nemendum. Kennaranemar kynna sér námsefni og ítarefni, bæði í rituðu máli og á vef. Ígrundun er snar þáttur í náminu og liður í að þróa starfskenningu þeirra.

Inngangur að enskukennslu (ÍET202G, ÍET402G)

Farið verður yfir þróun tungumálakennslu undanfarinna áratuga og sjónum einkum beint að þekkingu og skilningi á þeim straumum og stefnum sem nú eru efst á baugi. Fjallað verður um hugtök, kenningar, aðferðir og þá þætti sem stuðla að fagmennsku tungumálakennarans og nemendur öðlast reynslu í að ígrunda eigin afstöðu og hugmyndir. Kynntar verða rannsóknir á tungumálanámi og kennslu og fjallað sérstaklega um nemendamiðaða kennslu.

Námskrá í ensku verður yfirfarin og greind. Kennaranemar fá tækifæri til að skoða og meta kennslu á myndböndum og þjálfast í að ígrunda eigin hugmyndir um kennslu og eigin reynslu af tungumálanámi.

Vinnulag:
Vinna í námskeiðinu krefst virkrar þátttöku og mikið verður lagt upp úr lestri nemenda og úrvinnslu úr lesefni, umræðum, hópa- og einstaklingsvinnu og dæmakennslu.

Enskukennsla fyrir unga byrjendur (ÍET202G, ÍET402G)

Viðfangsefni:

Fjallað verður um markmið, leiðir og aðferðir, einkum þær sem tengjast hlustun, töluðu máli, leikjum, söngvum og leikrænni tjáningu. Einnig verður fjallað um lestur, orðaforða, ritun og námsmat að því marki sem hæfir ungum byrjendum. Lögð verður áhersla á að viðfangsefni barna í tungumálanámi þurfi að vera í samræmi við þroska þeirra. Námskrá og námsefni verður skoðað og nemar fá þjálfun í skipulagningu kennslustunda og þemavinnu. Hugað verður að leiðum til að samþætta enskukennslu öðrum námsgreinum. Hluti þessa námskeiðs fer fram á vettvangi yngri bekkja grunnskólans. Í vettvangsnáminu fá kennaranemar þjálfun í gerð kennsluáætlana og þjálfun í að leggja fyrir verkefni af ýmsum toga sem taka mið af þörfum byrjenda. Ígrundun er snar þáttur í náminu og liður í að þróa starfskenningu kennaranema.

Vinnulag:
Vinna í námskeiðinu krefst virkrar þátttöku og mikið verður lagt upp úr lestri og úrvinnslu úr lesefni, umræðum, hópa- og einstaklingsvinnu og dæmakennslu.

Íslenska sem kennslugrein I (ÍET104G, ÍET205G)

Í námskeiðinu verður lagður grunnur að fræðilegri þekkingu verðandi íslenskukennara á  íslenskum bókmenntum til undirbúnings kennslu þeirra í grunnskóla. Lögð verður áhersla á að efla nemendur sem sjálfstæða lesendur bókmennta af fjölbreyttu tagi. Einnig verður fengist við talað mál, hlustun, áhorf, lestur og ritun á fræðilegum grundvelli og með hagnýtum verkefnum. Í námskeiðinu er fjallað um virka hlustun og virkt áhorf og nemendur þjálfaður í að miðla þekkingu sinni í töluðu máli og til að nýta fjölbreytta miðla til að efla þessa þætti hjá sjálfum sér.

Fjallað verður um samtímabókmenntir fyrir börn og fullorðna sem og frásagnir í öðrum miðlum svo sem í leikhúsi og kvikmyndum.  Unnið verður með almennar greiningaraðferðir og læsi þjálfað til skilnings og túlkunar. Lögð verður áhersla á hvernig textar geta skapað umræðu um siðferðileg hugtök og álitamál. Jafnframt verða bókmenntatextar lesnir með það fyrir augum að nemendur njóti þeirra og deili lestrarreynslu sinni með öðrum.

Kennaranemar fást við að greina talmál frá ritmáli á fræðilegan hátt og þjálfast í að vinna með ólíkar gerðir talaðs máls og texta á mismunandi textasviðum.

Íslenska sem kennslugrein II (ÍET104G, ÍET205G)

Í námskeiðinu verður lögð áhersla á hagnýtingu fræðilegrar þekkingar kennaranema í íslensku. Nemendur verða þjálfaðir í fjölbreyttum leiðum og aðferðum við íslenskukennslu sem eiga að stuðla að auknum skilningi og áhuga á viðfangsefnum í íslensku. Einnig verður fjallað um skipulag og undirbúning kennslu sem og námsmats.

Fjallað verður um þá þætti í íslenskukennslu sem snúa að málfræði og ritun. Einnig verður fjallað um grunnþætti menntunar og hvernig kennaranemar geta fléttað þá inn í íslenskukennslu sína. Áhersla verður lögð á þjálfun í að vinna með hæfniviðmið og matsviðmið fyrir íslensku og stuðla að stígandi í kennslu í meginþáttum kennslugreinarinnar. 

Kennaranemar fá æfingu í að nálgast viðfangsefni sín í íslenskukennslu á gagnrýninn hátt og að hagnýta sér rannsóknir og fræðileg skrif. Þeir hljóta einnig reynslu af því að vinna á gagnrýninn hátt með fyrirliggjandi kennsluefni og bera saman við núgildandi aðalnámskrá í því augnamiði að þróa eigin kennslu og kennsluhætti. Jafnframt verður til umfjöllunar samþætting íslensku við aðrar faggreinar.

Fjallað verður um hvernig kennarar geti skipulagt kennslu út frá forsendum fjölbreytts nemendahóps þannig að grunnskólanemar fái tækifæri til að nálgast viðfangsefni í íslensku út frá eigin reynslu og áhugasviðum.

Í námskeiðinu eru vettvangseiningar og nemendur fara á vettvang í grunnskóla. Viðfangsefni námskeiðsins verða sömuleiðis tengd við vettvang. Í vettvangsvikum fylgjast kennaranemar með kennslu á vettvangi, ígrunda hana og meta í samræmi við umfjöllunarefni námskeiðsins.

Þættir úr algebru og rúmfræði (SNU102G, SNU207G)

Viðfangsefni eru valin atriði úr sígildri rúmfræði, hnitarúmfræði og algebru ásamt kynningu á hugbúnaði sem nýtist við rúmfræði- og algebrunám og kennslu.

Fjallað verður um grunnatriði Evklíðskrar rúmfræði;  hugtök, frumforsendur og setningar um samsíða línur, marghyrninga og hringi. Fengist er við einfaldar teikningar með hringfara og reglustiku. Einnig verður farið í atriði úr hnitarúmfræði, t.d. jöfnu hrings og kynntar lausnaraðferðir fyrir línulegar jöfnur og jöfnuhneppi, annars stigs jöfnur, tölugildisjöfnur og ójöfnur.

Kennt verður á hugbúnaðinn GeoGebru og hann nýttur við myndræna túlkun, tilgátusmíð og teikningar.

Stærðfræði í grunnskóla (SNU102G, SNU207G)

Í námskeiðinu eru kynntar leiðir til þess að byggja upp rökrétta samfellu í stærðfræðinámi þar sem meginhugmyndir greinarinnar og tengsl þeirra innbyrðis verða sífellt skýrari og víðtækari. Fjallað er um markmið stærðfræðikennslu í grunnskóla, námsefni grunnskólans, stærðfræðilega hæfni og stærðfræðileg samskipti. Áhersla er lögð á aðgengi og jafnræði í stærðfræðinámi og á kennsluhætti sem taka mið af fjölbreyttum forsendum, reynslu og tungumálabakgrunni nemenda. Í námskeiðinu greina nemar námsefni, verkefni og lausnir grunnskólanema og æfa sig að kenna og greina kennslu í hópi jafningja. Nemendur eiga á grundvelli reynslu sinnar á vettvangi að ígrunda kennslu sína, val á viðfangsefnum, hlutverk kennarans og samskipti við nemendur og samskipti milli nemenda. Áhersla er lögð á kennsluhætti sem byggja á rannsóknum á stærðfræðinámi og -kennslu.

Tækni, sköpun og miðlun í samskiptum og skólastarfi (SNU104G, SNU206G)

Hvernig má lýsa greinasviðinu upplýsinga- og tæknimennt og við hvað er átt þegar rætt er um nýsköpunarmennt eða nýsköpun í skólastarfi? Til hvers er vísað þegar rætt er um upplýsinga- og þekkingarsamfélag, upplýsinga- og tæknilæsi, stafræna efnisgerð og margmiðlun, miðlalæsi eða fjölhátta læsi, stafræn samskipti og námssamfélög, stafræna borgaravitund og þátttöku í lýðræðissamfélagi, tækni og forritun við hæfi barna og unglinga, hönnunarhugsun og frumkvöðlamennt, leik að hugmyndum, lausnaleit og samvinnu um sköpun?

Hvenær kom stafrænn búnaður fyrst inn í íslenska grunnskóla, hver hefur þróunin verið síðan og hvert stefnir? Hvaða hindranir og hvaða tækifæri fylgja tæknivæðingu í samskiptum og skólastarfi? Hver er líka saga nýsköpunarmenntar í grunnskólum og hvernig tengist hún hugmyndum um nýja tíma, samvinnu og lausnamiðuð vinnubrögð? Hverjir eru þættir upplýsingatækni, nýsköpunar og stafrænnar miðlunar í stefnumótun og námskrá og hvernig er háttað tengslum þeirra við önnur námssvið, lykilhæfni og grunnþætti menntunar?

Við skoðum á þessu inngangsnámskeiði framangreind viðfangsefni í innlendu og alþjóðlegu samhengi um leið og nemar fá tækifæri til að fást við hagnýt og skapandi verkefni, prófa tæknilega möguleika og stafræn verkfæri sem bjóða upp á áhugaverð tækifæri í námi og kennslu. Nemar efla færni sína á þessu sviði og horfa til hagnýtra möguleika á vettvangi og þeirra tækifæra sem felast í nýrri tækni til hugmyndavinnu, samskipta og starfsþróunar. Áhersla er lögð á myndun öflugs námssamfélags sem tekur virkan þátt á námskeiðinu, tekst á við áskoranir og deilir hugmyndum og reynslu í líflegum menntabúðum og með stafrænni miðlun á neti.

Tækni og nýsköpun í kennslustofu nýrra tíma (SNU104G, SNU206G)

Á námskeiðinu beinum við sjónum að því hvernig nýta má stafræna tækni, sveigjanlegt námsumhverfi og eflandi kennslufræði til að ýta undir atbeina nemenda og sköpunarkraft. Fjallað er um nýsköpunarmennt og þá kennslufræði sem henni tengist, áherslu á atbeina og framtak nemenda og kennara, samvinnu og teymiskennslu, innsæi og sköpun, gagnrýna nálgun og ígrunduð vinnubrögð í hvetjandi umhverfi. Dregið er fram hvernig tæknin sem verkfæri og viðfang geta leitt fram og stutt skólastarf þar sem áhrif nemenda, framlag og sýn fá að njóta sín. Við beinum sjónum að umhverfi náms og kennslu á neti og fæti, nýjum skólabyggingum, skólalóðum, vettvangsferðum og útikennslu, opnum og sveigjanlegum kennslurýmum í sögulegu ljósi, húsbúnaði og húsakynnum náms og kennslu, alltaf með þátt tækninnar og tækifæri henni tengd í huga. Sérstakri athygli verður beint að þætti list- og verkgreina þegar kemur að nýsköpun og samþættingu námsgreina um skapandi verkefni en einnig stöðu og hlutverki bókasafna, upplýsingavera og smiðjuvinnu í skóla- og frístundastarfi á nýjum tímum. Í vettvangsnáminu er lagt kapp á að nemar kynni sér þessa þætti sem best, gaumgæfi umhverfi náms og kennslu frá öllum hliðum, velti fyrir sér athafnakostum og þróunarmöguleikum tengdum stafrænni tækni og stafrænu námsumhverfi í samspili við önnur gögn og verkfæri en einnig húsbúnað, húsakynni og ytra umhverfi skóla. Lögð er rík áhersla á að nemar deili hugmyndum sínum og kynnum af skólastarfi með félögum sínum á námskeiðinu með ýmsu móti.

Inngangur að kennslu samfélagsgreina (SFG101G, SFG201G)

Viðfangsefni: Námskeiðið er inngangur að kennslu samfélagsgreina með áherslu á þjálfun í rökræðum, gagnrýna hugsun og hæfni í að skoða mismunandi sjónarhorn. Á námskeiðinu vinna nemendur með forhugmyndir sínar og taka ígrundaða afstöðu til viðfangsefnanna og samtímis  er veitt innsýn í ýmis viðfangsefni sem fjallað er um í samfélagsgreinum (sbr. aðalnámskrá).

Vinnulag:  Umræður og verkefnavinna fara fram í kennslustundum á miðvikudögum í rauntíma á Zoom. Auk þessa verða rökræðutímar í hverri viku. Nemendum er skipt í hópa og mæta með sínum hópi allt misserið. Skyldumæting er í rökræðutímana (80%). Hægt verður að velja á milli rökræðutíma á staðnum í Sögu eða í rauntíma á Zoom. Hvorki miðvikudagstímar né rökræðutímar verða teknir upp.

Lífsskoðanir og menntun (SFG101G, SFG201G)

Viðfangsefni: Markmið námskeiðsins er að þátttakendur öðlist skilning á helstu þáttum sem móta lífsskoðanir fólks og verði betur í stakk búnir til að kenna samfélagsgreinar í nemendahópum þar sem lífsskoðanir geta verið fjölbreytilegar. Í námskeiðinu er vaxandi áhersla innan menntavísinda á lífsskoðunarhugtakið tekin til umfjöllunar og lífsskoðunarhugtakið rætt og greint frá ýmsum sjónarhornum og ýmsir uppistöðuþættir þess teknir til umfjöllunar. Í námskeiðsinu verður unnið með meginþætti lífsskoðana sem birtast meðal annars í spurningum um siðferði, trú, samfélagssýn og stjórnarfar, fjölskyldur og persónulegt nærumhverfi fólks, og hvernig réttindi og skyldur móta framtíðarsýn einstaklinga.

Vinnulag: Námskeiðinu er skipt í tveggja til þriggja vikna lotur þar sem fengist er við eitt þema í hverri lotu. Fyrirlestrar verða á neti og lesefni verður aðgengilegt á Canvas í skjölum eða á nettenglum. Lokapróf gildir 40%, en verkefni og önnur verkefni 60%. Athugið að hluti námskeiðsins er vettvangsnám (2 vettvangseiningar) sem er skilyrði fyrir að ljúka námskeiðinu.

Samþætting og skapandi starf (GKY102G, GKY601G)

Á námskeiðinu er megináhersla á samþættingu námsgreina með því að nota Söguaðferðina (Storyline) sem meginþráð í náminu. Valin eru viðfangsefni tengd náttúru og samfélagi og unnið með þau á fjölbreyttan og skapandi hátt. Áhersla verður á að nemendur skynji námið sem heild. Hugað verður að námsmati og hvernig námsmatsaðferðir henta.
Lögð verður áhersla á ólíka reynslu og forsendur nemenda, út frá einstaklingmiðuðu námi og menntun fyrir alla í fjölmenningarsamfélagi þar sem gagnrýnin og skapandi hugsun er sem rauður þráður í gegnum námið.

Skapandi stærðfræðinám (GKY102G, GKY601G)

Á námskeiðinu kynnast kennaranemar hve skapandi stærðfræði er sem fræðigrein og hvernig ýta má undir leiðir til þess að byggja upp skapandi stærðfræðinám. Fjallað er um uppbyggingu stærðfræðihugmynda ungra barna, lausnaleit þeirra, námsmat og aðra þætti stærðfræðináms. Kennaranemar vinna verklega og taka þátt í umræðum um stærðfræðinám. Þeir ígrunda eigið stærðfræðinám og nýta vettvangsnám til þess að æfa það sem þeir læra á námskeiðinu og ígrunda eigin kennslu.

Sérstaklega verður hugað að því að kennaranemi styrki tök sín á inntaksþáttum og vinnubrögðum stærðfræðinnar til þess að hafa forsendur til að geta greint nám nemenda sinna. Sjónum verður beint að skilningi á helstu inntaksþáttum í stærðfræðinámi á yngsta stigi. Einnig verður fjallað um þátt tungumáls og röksemdafærslu í stærðfræðinámi.

Leiðir við kennslu og uppbygging námsumhverfis fá gott rými. Skoðað verður hvernig nálgast má viðfangsefni með rannsóknum, hlutbundinni vinnu, rafrænni leit, umræðum og uppsprettum úr daglegu lífi og umhverfi nemenda. Námsefni og námsgögn í stærðfræði verða greind og fjallað um náms- og kennsluumhverfi sem mætir ólíkum þörfum barna við stærðfræðinám. Hugað verður sérstaklega að stafrænum námsgögnum fyrir börn og leiðum til að meta slíkt efni. Fjallað verður um námsmat í stærðfræði og hvernig kennari getur nýtt sér mat á skilningi og færni nemenda til að byggja á við skipulag kennslu.

Kennaranemar kynnast fræðasviðinu stærðfræðimenntum og leiðum til að fylgjast með rannsóknum og þróun kennsluhátta til að þeir geti sótt sér hugmyndir og hvatningu til að þróa markvisst stærðfræðikennslu sína.

Vinnulag
Haldnir verða fyrirlestrar og nemendur taka þátt í umræðum og verklegri vinnu. Nemendur lesa sér til um rannsóknir og glíma sjálfir við stærðfræðileg viðfangsefni ásamt því að skipuleggja kennslu og kenna eftir skipulagi sínu.
Vettvangshluti námskeiðsins (4Ve) fer fram í samstarfsskólum Menntavísindasviðs og samsvarar tveimur vikum á vettvangi, 6 tíma á dag. 

Nemar halda dagbók um nám sitt og ígrundun á því frá upphafi námskeiðs og byggja á henni við skrif lokaverkefnis námskeiðsins. 

Þroska- og námssálarfræði (KME301G)

Tilgangur þessa námskeiðs er að nemendur öðlist heildarsýn á þroska barna frá fæðingu og fram á unglingsár.

Inntak/viðfangsefni:
Fjallað verður um þær breytingar sem verða á þroska barna á mismunandi sviðum og aldursskeiðum og helstu kenningar sem notaðar hafa verið til að varpa ljósi á þessar breytingar. Fjallað verður um vitsmunaþroska, tilfinningaþroska og þróun tilfinningalegra tengsla, félagsþroska, þróun sjálfsmyndar og siðferðisvitundar. Námskenningum og vistfræðilegum kenningum (ecological approach) verður einnig gerð skil. Rætt verður um orsakir og eðli einstaklingsmunar, samfellu í þroska og sveigjanleika þroskaferlisins. Tengsl náms og þroska, áhugahvöt og áhrif uppeldis, menningar og félagslegra aðstæðna á þroska barna verða einnig til umfjöllunar. Áhersla verður lögð á gildi þroskasálfræðinnar í uppeldis- og skólastarfi.

Vinnulag:
Kennsla fer fram í fyrirlestrum og umræðu/verkefnatímum. Í umræðu/verkefnatímum fá nemendur þjálfun í að ræða námsefnið á gagnrýninn hátt.

Lokaverkefni (LVG601L)

Undir lok grunnnámsins vinna nemendur B.Ed.-verkefni sem skal vera á sviði aðalsérhæfingar og hafa gildi á sviði faggreinakennslu, sjá nánar í handbók.

Nemendur skrá óskir um efni og leiðbeinanda í form á Canvas vef. Umsjónarmenn námsleiða vinna úr óskunum og úthluta nemendum leiðbeinanda.  Nemendur vinna sjálfstætt að lokaverkefni sínu með ráðgjöf frá leiðsögukennara.

Lokaverkefni vinna nemendur einir eða tveir saman. Nánari leiðbeiningar um tilhögun, vinnulag og frágang við lokaverkefni er að finna á vef lokaverkefna í grunnnámi í Uglu undir Fræðasvið - Menntavísindasvið - Fyrir nemendur.

Leiklistarkennarinn (LVG406G)

Nemendur sem eru með leiklist sem kjörsvið þurf að taka námskeiðið LVG407G Leiklistarkennarinn, framkvæmd og fræði samhliða námskeiðinu LVG406G Leiklistarkennarinn.

Viðfangsefni: Leiklistaræfingar sem þjálfa næmi og sköpunargáfu í gegum mismunandi aðferðir leikhússins, ásamt þekkingu og skilningi á undirstöðuatriðum og aðferðum sem leiklistarkennari þarf að nýta í kennslu sinni.

Vinnubrögð við uppsetningu leiksýninga þ.e. aðferðaleikhús, samfélagsleikhús, samsköpunarleikhús og þátttökuleikhús. Lögð er áhersla á þekkingu og færni í fjölbreyttum þáttum sviðsetningar svo sem handrits- og leikgerðar.

Vinnulag: Æfingar, spunar og umræður.

Leiklistarkennarinn, framkvæmd og fræði (LVG407G)

Markmið: Að undirbúa nemendur fyrir vettvangsnám í námsgreininni leiklist  í kennslu og kennslufræðilega þætti greinarinnar. 

Inntak: Nemendur styrkja færni sína í að skipuleggja og samþætta leiklist við aðrar greinar  grunnskóla. Lesefni námskeiðsins miðar að því að dýpka skilning á markmiðum og leiðum í kennslu leiklistar sem aðferðar innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum leiklistarkennslu. Verklegar æfingar miða að því að auka færni nemenda til að takast á við kennslu leiklistar á vettvangi.

Nemar fá þjálfun í að semja kennsluáætlanir sem miðast við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur halda dagbók um hugmyndavinnu sína sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Frá hugmynd til sýningar (LVG008G)

Á námskeiðinu er lögð áhersla á leiklist sem listform, fjallað verður um bakgrunn sýninga sem eru unnar út frá hugmyndum þátttakenda og rætt verður um gildi þátttöku barna og ungmenna í leiksýningu. Þungamiðjan á námskeiðinu er á þjálfun nemenda í að vinna sjálfstætt að sýningum með nemendum á faglegan og skapandi hátt. Nemendur fá kynningu á hagnýtum verklegum æfingum sem gagnast geta við uppsetningu leikverka, svo sem skuggaleikhús, að búa til útvarps- og sjónvarpsþætti og umfjöllun um hvernig lítil hugmynd getur orðið að leiksýningu.

Leiklist fyrir alla, framkvæmd og fræði, kennsluaðferðir leiklistar í skólastarfi (LVG408G)

Markmið: Að undirbúa nemendur fyrir vettvangsnám í námsgreininni leiklist í kennslu og kennslufræðilega þætti greinarinnar.

Inntak: Nemendur styrkja færni sína í að skipuleggja og samþætta leiklist við aðrar greinar  grunnskóla. Lesefni námskeiðsins miðar að því að dýpka skilning á markmiðum og leiðum í kennslu leiklistar sem aðferðar innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum leiklistarkennslu. Verklegar æfingar miða að því að auka færni nemenda til að takast á við kennslu leiklistar á vettvangi.

Nemar fá þjálfun í að semja kennsluáætlanir sem miðast við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur halda dagbók um hugmyndavinnu sína sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Leiklist, sögur og frásagnir (LVG308G)

Markmið:

Að nemendur

• þekki til fræðilegra kenninga um uppeldislegt gildi frásagna og ævintýra fyrir börn
• geti tengt aðferðir leiklistar við sögur og frásagnir og þannig gert hlustendur að virkum þátttakendum í frásögn
• hafi innsýn í sérstöðu leiklistar sem virkrar reynslu
• hafi sjálfstæði og nokkra færni til að segja börnum sögur og ævintýri ásamt því að þjálfa börnin í að segja frá eigin upplifunum
• hafi kynnst á vettvangi skóla hvernig frásagnir eru tengdar námsgreinum, til dæmis lífsleikni, trúarbragðafræðslu og sjálfbærni.

Viðfangsefni: Fræði um uppeldislegt gildi frásagna og ævintýra fyrir börn og mikilvægi leiklistar í tengslum við virka upplifun þátttakenda. Þjálfun í að segja áheyrilega frá og tvinna leiklist inn í frásögn til þess að dýpka skilning á efni. Mótun leiklistarferlis í tengslum við frásagnir og ævintýri. Athugun á því hvernig kennarar nýta sögur og ævintýri með ungum nemendum.

Vinnulag: Fyrirlestrar, lestur og umræður/málstofur. Vettvangsathuganir og kynningar. Leiklistar- og frásagnarsmiðjur. Nemendur vinna sjálfstætt að því að skapa og móta leiklistarferli í tengslum við frásagnir og ævintýri með áherslu á loftslagsbreytingar.

Þjálfun í frásagnarlist.

_________

Æskilegt er að nemi hafi áhuga á að nýta leiklist og frásagnir með börnum. Námskeiðið hentar vel fyrir kennara í leikskóla og  grunnskóla.

Leiklist fyrir alla - kennsluaðferðir leiklistar í skólastarfi (LVG305G)

Nemendur sem eru með leiklist sem kjörsvið þurfa að taka námskeiðið LVG408G Leiklist fyrir alla, framkvæmd og fræði, kennsluaðferðir leiklistar í skólastarfi samhliða námskeiðinu LVG305G Leiklist fyrir alla, kennsluaðferðir leiklistar í skólastarfi.

Á námskeiðinu er áhersla lögð á að kynna og þjálfa nemendur í að vinna sjálfstætt og faglega með leiklist í kennslu. Nemendur kynnast fjölbreyttum kennsluháttum og leiðum í leiklistarkennslu. Nemendur læra að beita aðferðum leiklistar þegar nálgast á viðfangsefni og fá innsýn inn í hvernig tengja má leiklist við aðrar greinar. Fjallað verður um hugmyndir að samþættingu listgreina við aðrar námsgreinar grunnskólans, um hugmyndafræðina sem býr að baki fjölbreyttum og skapandi kennsluaðferðum og um skipulagningu á kennslu í blönduðum nemendahópum í tengslum við kennslu leiklistar. Uppistaðan í námskeiðinu er þjálfun nemenda í að vinna sjálfstætt, faglega og á skapandi hátt með leiklist í kennslu.

Jafnréttisnám og jafnréttisfræði í skólastarfi (FAG101M)

Í námskeiðinu verður fjallað um jafnrétti og jafnréttisfræði og hvernig þau nýtast til að skilja og skipuleggja skólastarf. Þá verður kynnt löggjöf um jafnrétti í skólastarfi og fjallað um tengsl jafnréttis í víðu samhengi við áhrifabreytur svo sem kyn, kyngervi, hinseginleika, fötlun, félagslega stöðu og uppruna. Sérstök áhersla er lögð á að nemendur í námskeiðinu geti greint námsumhverfi, aðferðir og námsefni frá margþættu jafnréttissjónarhorni.

Aðalnámskrá grunn- og framhaldsskóla liggur námskeiðinu til grundvallar og því verður gengið út frá því grundvallarsjónarmiði að menntun um jafnrétti feli í sér gagnrýna skoðun á viðteknum hugmyndum í samfélaginu og að kennarar geti kennt börnum og ungmennum að greina þær aðstæður sem leiða til mismununar sumra og forréttinda annarra.

Áherslan í námskeiðinu miðar að því að nemendur stefni að kennslu á mið- og unglingastigi grunnskóla eða framhaldsskóla.

Aðferðafræði og menntarannsóknir (KME501G)

Viðfangsefni námskeiðsins fela í sér tvennt. Annars vegar er um að ræða þjálfun í rannsóknaraðferðum, meðferð gagna og úrvinnslu þeirra og hins vegar læsi á menntarannsóknir, sem aðrir hafa framkvæmt og niðurstöður þeirra. Í öllum þáttum námskeiðsins er lögð áhersla á þekkingu og skilning á helstu hugtökum og hugmyndum úr aðferðafræði menntarannsókna. Gert er ráð fyrir að nemendur kynni sér þessi hugtök í lesefninu og beiti þeim í verkefnum er tengjast megindlegum, eigindlegum og blönduðum aðferðum, einnig aðferðum við starfendarannsóknir. 

Leiksmiðja, sköpun í stafrænum heimi. (LVG205M)

Markmiðið með Leiksmiðjunni, sköpun í stafrænum heimi er að skapa vettvang fyrir gagnvirka leiklist og er námskeiðinu ætlað að vera lifandi leikhúsvettvangur og miðstöð tilrauna fyrir hvers kyns leiklist sem tengist netmiðlum allt frá lifandi uppákomum til tilbúinna mynd- og hljóðverka. 

Áhersla er á stafrænar sviðslistir þ.m.t. leiksýningar og hljóðverk þar sem tölvutækni er notuð til að miðla verki eða hluta af verki.

Áhersla er lögð á að nemendur öðlist skilning og þekkingu á starfi leiklistarkennara bæði fræðilega og verklega. Kynntar verðar nýjustu rannsóknir og fræðigreinar og verkefni unnin í tengslum við það.

Fyrirkomulag: Námskeiðið er kennt í nokkrum lotum.

Tónlistarleikir til náms og þroska (LVG304G)

Námskeiðið fjallar um það hvernig unnt er að kenna ýmsa tónlistarlega færni í gegnum leiki. Meðal annars verður fjallað um það hvernig tónlistarleikir efla rytmaskyn og margvíslega samhæfingu. Helstu kenningar í hagnýtri kennslufræði tónlistar verða kynntar og sérstök áhersla lögð á þær aðferðir sem nota hreyfingu og fjölþætta (multi modal) nálgun til að kenna tónlist. Mikil áhersla er lögð á verklegar æfingar. Nemendur æfa grunnfærni í að miðla tónlist í gegnum leiki sem henta sérstaklega vel í hópkennslu.  Sömuleiðis fá nemendur tilsögn í skapandi kennsluháttum og spreyta sig á að semja nýja tónlistarleiki með kennslufræðileg markmið í huga. Námskeiðið hentar jafnt nemendum með mikla þekkingu á tónlist sem og þeim sem hafa litla formlega tónlistarmenntun en vilja efla færni sína og þekkingu á tónlistarmiðlun.

Listin að skapa tónlist (LVG009G)

Markmið námskeiðsins er að efla þekkingu og færni í notkun fjölbreyttra aðferða til að stuðla að tónlistarsköpun barna og ungmenna í námi og frístundastarfi.

Viðfangsefni
Nemendur læra fjölbreyttar leiðir til að setja saman laglínur og lítil tónverk. Nemendur fræðast um helstu form og stíla í tónsmíðum og tengi það m.a. eigin nýsköpun í tónlist.

Vinnulag
Áhersla á verklegar æfingar, spuna og samvinnu.

Söngur og kórstjórn (LVG016G)

Viðfangsefni
Söngur, upphitun söngradda og fjölbreytt sönglög í ýmsum stíltegundum. Nemendur læra grunnatriði í kórstjórnartækni og læra að tileinka sér fagleg vinnubrögð við val og undirbúning verkefna fyrir ólíkar gerðir kóra og sönghópa.
Vinnulag
Verklegar æfingar í söng, kórstjórn og léttum undirleik á hljómborð/píanó.

Barna- og unglingaleikrit með börnum og fyrir börn (LVG207M)

Á námskeiðinu er áhersla lögð á að kynna og þjálfa nemendur í að vinna sjálfstætt og faglega að sviðsetningu á leikriti/söngleik í skólum ásamt kennslu í útvarpsleikritagerð. Unnið verður með leikrit sem tekur á málefnum barna- og unglinga  með börnum annars vegar og fyrir börn hins vegar. Nemendur kynnast  fjölbreyttum aðferðum við uppsetningu á leikverki hvort heldur sem er fyrir útvarp eða svið. Einnig  kynnast nemendur fjölbreyttum kennsluháttum og leiðum í leiklistarkennslu. Uppistaðan í námskeiðinu er þjálfun nemenda í að vinna sjálfstætt, faglega og á skapandi hátt með uppsetningu leikverks; gerð handrita umræður, úrvinnsla og kynningar. 

Listir II: Leiklist, myndlist, tónlist (LVG207G)

Viðfangsefni:  Nemendur halda áfram að kynnast þýðingu lista í námi barna og unglinga. Umfjöllun um leiklist, tónlist og myndlist í skólastarfi á vettvangi. Fjallað verður um samþættingu listgreinanna og hvernig hægt er að vinna með myndir, hljóð, texta og sviðsetningu í skólastarfi

Vinnulag: Fjölbreyttar smiðjur sem byggja á mismunandi kveikjum og margvíslegri úrvinnslu.

Listir I: Leiklist, myndlist, tónlist (LVG105G)

Viðfangsefni:  Nemendur kynnast þýðingu lista í námi barna og unglinga. Umfjöllun um leiklist, tónlist og myndlist í skólastarfi. Verkleg viðfangsefni eru þróuð út frá hugmyndum nemenda.

Vinnulag: Fjölbreyttar smiðjur sem byggja á mismunandi kveikjum og margvíslegri úrvinnslu.

Fræðileg skrif og gagnrýninn lestur (ÍET102G)

Meginmarkmið námskeiðsins er að búa nemendur í háskólanámi undir lestur og ritun fræðilegra texta og þjálfa þá í gagnrýnum lestri enda er hvort tveggja grundvallaratriði í öllu háskólanámi.  

Fjallað verður um ýmsar tegundir fræðilegs efnis og framsetningar á því. Nemendur kynnast helstu einkennum fræðilegra skrifa og læra hvað felst í ritstýrðum og/eða ritrýndum textum. Nemendur öðlast þjálfun í að lesa, greina og meta slíka texta. Rætt verður um sjálfstæð, gagnrýnin og heiðarleg vinnubrögð ásamt því sem fjallað verður um höfundarrétt, ritstuld og falsfréttir. 

Nemendur öðlast færni í að vinna efni upp úr fræðilegum texta, svo sem útdrætti, og að flétta saman heimildir við eigin texta. Rætt verður ítarlega um fræðilegar ritgerðir á háskólastigi og nemendur fá þjálfun við gerð slíkra ritgerða. Þá verður fjallað um viðeigandi málnotkun í fræðilegum skrifum og hún þjálfuð. 

Fjallað verður sérstaklega um heimildaleit og heimildamat; gæði heimilda og hvernig greina megi vandaðar heimildir frá óvönduðum. Þá fá nemendur þjálfun í heimildaskráningu. Einnig verða nemendur þjálfaðir í að nota heimildir í eigin skrifum og greina milli eigin raddar og heimildarinnar sjálfrar.

Kennslufræði grunnskóla (KME206G, KME206G)

Námskeiðið miðar að því að kennaranemar öðlist þekkingu og leikni í almennri kennslufræði og hæfni til að kenna grunnskólanemendum.

• Áhersla er á kennsluhætti og kennsluaðferðir í grunnskólum, námsumhverfi og bekkjarstjórnun, og leitað er svara við spurningunni um hvað einkenni árangursríka kennslu.
• Athygli er beint að einkennum aldursstiga grunnskóla, yngsta- mið- og efsta stigi eða unglingastigi, og kynntar leiðir til að örva þroska og koma til móts við ólíkar þarfir nemenda í skóla án aðgreiningar.
• Fjallað verður um samvinnu og samskipti nemenda, teymisvinnu og teymiskennslu kennara, en einnig tengsl heimila og skóla og þátttöku foreldra í námi barna sinna.
• Kennaranemar fá þjálfun í framsögn og raddvernd, tjáningu og framkomu.
• Með vettvangsnámi fær kennaranemi æfingu í að skipuleggja fjölbreytt nám, útfæra kennsluaðferðir, nýta upplýsingatækni og leggja mat á reynslu sína.

Kennslufræði grunnskóla (KME206G, KME206G)

Námskeiðið miðar að því að kennaranemar öðlist þekkingu og leikni í almennri kennslufræði og hæfni til að kenna grunnskólanemendum.

• Áhersla er á kennsluhætti og kennsluaðferðir í grunnskólum, námsumhverfi og bekkjarstjórnun, og leitað er svara við spurningunni um hvað einkenni árangursríka kennslu.
• Athygli er beint að einkennum aldursstiga grunnskóla, yngsta- mið- og efsta stigi eða unglingastigi, og kynntar leiðir til að örva þroska og koma til móts við ólíkar þarfir nemenda í skóla án aðgreiningar.
• Fjallað verður um samvinnu og samskipti nemenda, teymisvinnu og teymiskennslu kennara, en einnig tengsl heimila og skóla og þátttöku foreldra í námi barna sinna.
• Kennaranemar fá þjálfun í framsögn og raddvernd, tjáningu og framkomu.
• Með vettvangsnámi fær kennaranemi æfingu í að skipuleggja fjölbreytt nám, útfæra kennsluaðferðir, nýta upplýsingatækni og leggja mat á reynslu sína.

Íslenska í skólastarfi I (ÍET103G)

Í námskeiðinu verður fjallað um íslenska menningu og bókmenntir í víðum skilningi og þátt þeirra í almennri málnotkun sem og í málheimi ólíkra faggreina innan skólakerfisins. Einnig verður fjallað um máltöku barna og helstu vörður hennar.

Fengist verður við grundvallarhugtök í bókmenntafræði, orðræðugreiningu og menningarfræði og gefin dæmi um fjölbreyttar leiðir og miðla við kennslu sem stuðla að skilningi og áhuga grunnskólanema á eigin menningu og annarra.

Kennaranemar fá tækifæri til að lesa fagurbókmenntatexta úr fortíð og nútíð og setja í samhengi við eigin reynsluheim og kennslu ólíkra faggreina í framtíðinni.

Fjallað verður um fjölbreytta texta, jafnt fagurbókmenntir sem nytjatexta og afþreyingartexta, með það að markmiði að nemendur geri sér grein fyrir því að tungumálið er það verkfæri sem við notum í öllu okkar daglega lífi og námi þvert á námsgreinar. Í námskeiðinu verður leitast við að búa nemendum í hendur verkfæri til að greina texta í umhverfi sínu á sjálfstæðan og gagnrýninn hátt.

Kennaranemar fræðast um máltöku barna og eðli mannlegs máls. Fjallað verður um eðlileg frávik í máli barna en einnig gerð grein fyrir algengustu frávikum í málþroska og tengslum málþroska við læsi og lestrarfærni. Athygli verður beint að breytileika í máli barna á grunnskólaaldri, ólíkri íslenskufærni barna í skóla fjölbreytileikans, sem og viðhorfum til íslensku og erlendra tungumála í skólakerfinu.

Í fyrirlestrum kennara og verkefnum kennaranema verður sjónum beint að því hvernig samþætta má ólíkar námsgreinar grunnskólanna. Þannig verður einblínt á þann þátt kennarastarfsins sem felur í sér að kenna ólíkar námsgreinar á íslensku. Nemendum gefst því tækifæri til að ígrunda þátt tungumálsins í ólíkum greinum, t.d. samfélagsfræði, stærðfræði og raungreinum, erlendum tungumálum, og ekki síst í listgreinum, t.a.m. myndmennt og leiklist.

Íslenska í skólastarfi II (ÍET204G)

Í námskeiðinu verður íslenska og fjölbreyttar birtingarmyndir hennar í forgrunni, með sérstaka áherslu á notkun hennar innan skólastofunnar óháð faggrein, en einnig verður horft til þess hvað einkennir mál hverrar faggreinar og orðaforða hennar.  

Fjallað verður um mál kennaranema sjálfra og hvernig þeir lærðu það. Einnig verður komið inn á málnotkun kennaranema og hvernig þeir laga sig að aðstæðum, hvort sem er í óformlegu spjalli á samfélagsmiðlum eða í formlegri ritun, og það sett í samhengi við þau málsnið sem kennari þarf að nota þegar hann talar við nemendur við ólíkar aðstæður. Í tengslum við það fá kennaranemar þjálfun í að fjalla um eigin málnotkun og annarra með viðeigandi hugtökum.

Orðaforði málsins og þrískipting hans verður til sérstakrar umfjöllunar, þar sem lagt verður upp úr því að tengja við hugtakanotkun og málfar ólíkra námsgreina grunnskólans og kennslu þeirra, og þá ekki hvað síst með tilliti til ólíkrar getu grunnskólanema í tungumálinu, hvort sem um er að ræða nemendur með íslensku sem fyrsta eða annað mál.

Stærðfræði í kennaranámi (SNU204G)

Á námskeiðinu styrkja nemar tök sín á völdum þáttum úr stærðfræði, þar á meðal talnafræði og rúmfræði. Jafnframt er fjallað um talnaritun og reikning.

Áhersla er lögð á fjölbreytni og sjálfstæði í leit að lausnum á stærðfræðilegum þrautum. Nemendur kynnist því  hvernig fjölbreyttar leiðir í kennslu geta stuðlað að auknum skilningi nemenda á stærðfræðilegum hugtökum.

Að læra og kenna stærðfræði (SNU101G)

Á námskeiðinu kynnast kennaranemar meginmarkmiðum náms í stærðfræði í grunnskóla.

• Fjallað er um hvað felst í stærðfræðinámi og hvernig styðja má grunnskólanemendur við stærðfræðinám.
• Nemendur kynnast hvernig fjölbreyttar leiðir í kennslu geta stuðlað að því að skilningur nemenda á stærðfræðilegum hugtökum styrkist.
• Fjallað er um hlutverk stærðfræðikennarans og hæfni sem hann þarf að búa yfir.
• Nemar kynnast beitingu upplýsingatækni við nám og kennslu.
• Lögð er áhersla á að nemar læri að vinna saman að lausn stærðfræðiverkefna og kennslufræðiverkefna.
• Nemar vinna verkefni í hverjum tíma í námskeiðinu.

Inngangur að kennslufræði grunnskóla (KME102G)

Um er að ræða inngangsnámskeið í kennslufræði, ætlað verðandi grunnskólakennurum. Hér eru hugmyndir, aðferðir og hugtök kynnt til sögunnar, sem fá svo ítarlegri umfjöllun og meðferð í síðari kennslufræðinámskeiðum (NK-námskeiðum). Meginmarkmið er að veita nemendum innsýn í kenningar og rannsóknir um nám og kennslu í skóla án aðgreiningar, auk þess að gefa mynd af störfum og starfsumhverfi grunnskólakennara. Áhersla er lögð á tengsl við starfsvettvang og að nemendur tengi viðfangsefni námskeiðsins eigin reynslu og viðhorfum og leggi grunn að eigin starfskenningu. Farið er í 15 klst. vettvangsnám þar sem nemendur kynnast starfi grunnskóla. 

Mikilvægar hugmyndir, hugtök og viðfangsefni: Námskenningar, menntarannsóknir, nám-nemandi-námsaðstæður, kennsluhættir og kennsluáætlanir, samskipti og samstarf, kennarinn sem fagmanneskja, starfskenning og starfsuhverfi kennara, lagarammi, reglugerðir og námskrár sem snerta skyldunám.

Vinnulag: Fyrirlestrar, málstofur, skapandi viðfangsefni og margvísleg verkefni unnin einstaklingslega eða í samvinnu við aðra. Tengsl við vettvang.

Námskrá og námsmat (KME402G)

Námskeiðið miðar að því að nemendur öðlist þekkingu, leikni og hæfni sem snýr að námskrárfræðum og námsmati og geti beitt þekkingu sinni á því í skólastarfi. 

Nemendur kynnast lykilhugtökum námsmats- og námskrárfræða. Fjallað er um áherslur og hugmyndastefnur sem greina má í opinberum námskrám, lögum, reglugerðum og öðrum stefnuritum. Þætti sérfræðinga (kennara, stjórnenda og fleiri) í námskrárgerð og þróun skólanámskrár eru gerð skil og þar með einnig við gerð námsáætlana fyrir námshópa, bekki eða einstaka nemendur.

Fjallað er um forsendur, tilgang og aðferðir við mat á námi og námsárangri (sbr. leiðsagnarmat, lokamat, gerð prófa og annarra matstækja og notkun einkunna og vitnisburða). Lögð er áhersla á að nemendur kynnist helstu hugtökum og aðferðum í námsmatsfræðum.

Nemendur lesa og ræða einnig um álitamál og ólíka hugmyndafræðilega strauma sem tengjast grundvallarspurningum um tilgang og markmið skyldunáms.

Vinnulag á námskeiðinu felst í lestri greina og bókakafla, fyrirlestrum, kynningum, umræðum í málstofum og hópverkefnum.

Grafík, ferli og bókagerð (LVG310G, LVG404G, LVG302G)

Megináherslu er á grafík sem listrænt ferli og miðil. Nemendur kynnast grunnatriðum einþrykks og dúkristu, bæði í höndum og í ætingarpressu, og öðlast skilning á því hvernig grafíkmynd verður til, frá hugmynd og skissu til fullunnins verks.

Teikning er nýtt sem rannsóknar- og undirbúningsferli þar sem unnið er með skissur og þróun myndmáls.

Bókagerð tengist grafíkinni sem framsetningarform. Nemendur kynnast undirstöðuatriðum handgerðar bókagerðar og útbúa einfaldar bækur þar sem grafíkverkin mynda grunn og innihald.

Áhersla er lögð á efnisþekkingu, vönduð vinnubrögð, sjálfstæða hugmyndavinnu og gagnrýna ígrundun. Einnig er fjallað um möguleika grafík í kennslu á mismunandi skólastigum.  

Námskeiðið krefst sjálfstæðra og skapndi vinnubragða.

Vinnulag
Fyrirlestrar, sýnikennsla, verkleg vinna, vettvangsferðir, kynningar, umræður, gagnaöflun og skrásetning vinnuferils.

Málun og teiknun (LVG310G, LVG404G, LVG302G)

Námskeiðið skiptist í tvo meginhluta: málun, teikningu en einnig verður veitt innsýn inn í grafík og leirmótun. Áhersla er lögð á hugmyndavinnu, skissugerð og úrvinnslu þar sem myndbygging og form eru í forgrunni. Unnið er út frá náttúru og mannlífi í rými.

Í málun er unnið með meðferð og áferð lita, samspil litatóna og skissuvinnu. Í teikningu er lögð áhersla á formgreiningu, módel- og hlutateikningu.

Safnaheimsóknir og sýningar eru hluti af náminu og felst í þeim bæði gagnaöflun og verkleg sem skrifleg úrvinnsla.

Námskeiðið er kennt í sex lotum auk eins sýningardags:  Mætingarskylda er í öllum lotum. Lögð er áhersla á sjálfstæð vinnubrögð, frumkvæði og faglega framsetningu.

Íslensk listasaga, söfn og menntun (LVG310G, LVG404G, LVG302G)

Áhersla er lögð á að veita nemendum innsýn í  íslenska listasögu og myndlistararfleið, list í opinberu rými ásamt list- og safnafræðslu. 

Markmiðið er að nemendur öðlast þekkingu á listasöfnum og kennslufræði þeirra gagnvart skólum og hæfni til að nýta sér þau sem fræðslustofnanir.  Skapaður er vettvangur þar sem áherslan er á samstarf og samtal skóla og safna á milli. Nemendum gefst kostur á að raungera og þróa hugmyndir sínar og vinna m.a. smiðju í tengslum við sýningu þar sem börn á grunnskólaaldri eru þáttakendur í skapandi starfi. 

Vinnulag:
Fyrirlestrar, lestur fræðigreina, gagnrýnin umræða  og safnaheimsóknir. 

Nemendum vinna m.a verkefni og setja upp smiðju ætlaða börnum í tengslum við sýningu.

Námskeiðið krefst sjálfstæðra vinnubragða.

Rafmögnuð hljóðfæri, raftónlist og sköpun í skólastarfi (LVG022G, LVG304G)

Námskeiðið er verklegt að stórum hluta þar sem nemendur æfa samspil á dæmigerð rafhljóðfæri, s.s. rafgítar, rafbassa, trommusett og hljómborð. Einnig er unnið með grunnatriði í notkun hljóðnema fyrir söng, sem og meðferð hljóðkerfa og hljóðblöndun. Viðfangsefni eru margvísleg og taka mið af raunhæfum verkefnum fyrir nemendur á unglingastigi. Nemendur fá tækifæri til að efla færni sína á öll hljóðfæri bílskúrsbandins og nýta þau til að leika eigin ábreiður af popplögum, útsetja þjóðlög, sem og spuna og aðra tilraunastarfsemi. Nemendur æfast í að nota upptökuforrit til að taka upp tónlist og vinna hana frekar í hljóðvinnsluforritum. Nemendur tækifæri til að prófa sig áfram með gerð raftónlistar og fá kynningu á helstu forritum sem hentað geta í kennslu í raftónlist á unglingastigi.Einnig munu nemendur leita fjölbreyttra leiða til að búa til ný hljóðfæri og hljóðgjafa.

Tónlistarleikir til náms og þroska (LVG022G, LVG304G)

Námskeiðið fjallar um það hvernig unnt er að kenna ýmsa tónlistarlega færni í gegnum leiki. Meðal annars verður fjallað um það hvernig tónlistarleikir efla rytmaskyn og margvíslega samhæfingu. Helstu kenningar í hagnýtri kennslufræði tónlistar verða kynntar og sérstök áhersla lögð á þær aðferðir sem nota hreyfingu og fjölþætta (multi modal) nálgun til að kenna tónlist. Mikil áhersla er lögð á verklegar æfingar. Nemendur æfa grunnfærni í að miðla tónlist í gegnum leiki sem henta sérstaklega vel í hópkennslu.  Sömuleiðis fá nemendur tilsögn í skapandi kennsluháttum og spreyta sig á að semja nýja tónlistarleiki með kennslufræðileg markmið í huga. Námskeiðið hentar jafnt nemendum með mikla þekkingu á tónlist sem og þeim sem hafa litla formlega tónlistarmenntun en vilja efla færni sína og þekkingu á tónlistarmiðlun.

Listin að skapa tónlist (LVG009G, LVG405G)

Markmið námskeiðsins er að efla þekkingu og færni í notkun fjölbreyttra aðferða til að stuðla að tónlistarsköpun barna og ungmenna í námi og frístundastarfi.

Viðfangsefni
Nemendur læra fjölbreyttar leiðir til að setja saman laglínur og lítil tónverk. Nemendur fræðast um helstu form og stíla í tónsmíðum og tengi það m.a. eigin nýsköpun í tónlist.

Vinnulag
Áhersla á verklegar æfingar, spuna og samvinnu.

Tónmenntakennsla á vettvangi -Áhersla á yngra- og miðstig (LVG009G, LVG405G)

Námskeiðið tengist vettvangsnámi í tónmenntakennslu. Nemendur styrkja færni sína í að skipuleggja og kenna tónmennt í grunnskóla. Lesefni námskeiðsins miðar að því að dýpka skilning á markmiðum og leiðum í kennslu tónlistar í bekkjarkennslu innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum tónmenntakennslu. Verklegar æfingar miða að því að auka færni nemenda til að takast á við kennslu tónmennta á vettvangi.

Leiklistarkennarinn (LVG406G, LVG407G)

Nemendur sem eru með leiklist sem kjörsvið þurf að taka námskeiðið LVG407G Leiklistarkennarinn, framkvæmd og fræði samhliða námskeiðinu LVG406G Leiklistarkennarinn.

Viðfangsefni: Leiklistaræfingar sem þjálfa næmi og sköpunargáfu í gegum mismunandi aðferðir leikhússins, ásamt þekkingu og skilningi á undirstöðuatriðum og aðferðum sem leiklistarkennari þarf að nýta í kennslu sinni.

Vinnubrögð við uppsetningu leiksýninga þ.e. aðferðaleikhús, samfélagsleikhús, samsköpunarleikhús og þátttökuleikhús. Lögð er áhersla á þekkingu og færni í fjölbreyttum þáttum sviðsetningar svo sem handrits- og leikgerðar.

Vinnulag: Æfingar, spunar og umræður.

Leiklistarkennarinn, framkvæmd og fræði (LVG406G, LVG407G)

Markmið: Að undirbúa nemendur fyrir vettvangsnám í námsgreininni leiklist  í kennslu og kennslufræðilega þætti greinarinnar. 

Inntak: Nemendur styrkja færni sína í að skipuleggja og samþætta leiklist við aðrar greinar  grunnskóla. Lesefni námskeiðsins miðar að því að dýpka skilning á markmiðum og leiðum í kennslu leiklistar sem aðferðar innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum leiklistarkennslu. Verklegar æfingar miða að því að auka færni nemenda til að takast á við kennslu leiklistar á vettvangi.

Nemar fá þjálfun í að semja kennsluáætlanir sem miðast við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur halda dagbók um hugmyndavinnu sína sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Leiklist fyrir alla - kennsluaðferðir leiklistar í skólastarfi (LVG305G, LVG408G)

Nemendur sem eru með leiklist sem kjörsvið þurfa að taka námskeiðið LVG408G Leiklist fyrir alla, framkvæmd og fræði, kennsluaðferðir leiklistar í skólastarfi samhliða námskeiðinu LVG305G Leiklist fyrir alla, kennsluaðferðir leiklistar í skólastarfi.

Á námskeiðinu er áhersla lögð á að kynna og þjálfa nemendur í að vinna sjálfstætt og faglega með leiklist í kennslu. Nemendur kynnast fjölbreyttum kennsluháttum og leiðum í leiklistarkennslu. Nemendur læra að beita aðferðum leiklistar þegar nálgast á viðfangsefni og fá innsýn inn í hvernig tengja má leiklist við aðrar greinar. Fjallað verður um hugmyndir að samþættingu listgreina við aðrar námsgreinar grunnskólans, um hugmyndafræðina sem býr að baki fjölbreyttum og skapandi kennsluaðferðum og um skipulagningu á kennslu í blönduðum nemendahópum í tengslum við kennslu leiklistar. Uppistaðan í námskeiðinu er þjálfun nemenda í að vinna sjálfstætt, faglega og á skapandi hátt með leiklist í kennslu.

Leiklist fyrir alla, framkvæmd og fræði, kennsluaðferðir leiklistar í skólastarfi (LVG305G, LVG408G)

Markmið: Að undirbúa nemendur fyrir vettvangsnám í námsgreininni leiklist í kennslu og kennslufræðilega þætti greinarinnar.

Inntak: Nemendur styrkja færni sína í að skipuleggja og samþætta leiklist við aðrar greinar  grunnskóla. Lesefni námskeiðsins miðar að því að dýpka skilning á markmiðum og leiðum í kennslu leiklistar sem aðferðar innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum leiklistarkennslu. Verklegar æfingar miða að því að auka færni nemenda til að takast á við kennslu leiklistar á vettvangi.

Nemar fá þjálfun í að semja kennsluáætlanir sem miðast við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur halda dagbók um hugmyndavinnu sína sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Söngur og kórstjórn (LVG016G, LVG024G)

Viðfangsefni
Söngur, upphitun söngradda og fjölbreytt sönglög í ýmsum stíltegundum. Nemendur læra grunnatriði í kórstjórnartækni og læra að tileinka sér fagleg vinnubrögð við val og undirbúning verkefna fyrir ólíkar gerðir kóra og sönghópa.
Vinnulag
Verklegar æfingar í söng, kórstjórn og léttum undirleik á hljómborð/píanó.

Tónmenntakennsla á vettvangi -Áhersla á mið- og unglingastig (LVG016G, LVG024G)

Námskeiðið tengist vettvangsnámi í tónmenntakennslu. Nemendur styrkja færni sína í að skipuleggja og kenna tónmennt á mið- og unglingastigi grunnskóla. Lesefni námskeiðsins miðar að því að dýpka skilning á markmiðum og leiðum í kennslu tónlistar í bekkjarkennslu innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum tónmenntakennslu. Verklegar æfingar miða að því að auka færni nemenda til að takast á við kennslu tónmennta á vettvangi.

Leiklist, sögur og frásagnir (LVG308G, LVG008G)

Markmið:

Að nemendur

• þekki til fræðilegra kenninga um uppeldislegt gildi frásagna og ævintýra fyrir börn
• geti tengt aðferðir leiklistar við sögur og frásagnir og þannig gert hlustendur að virkum þátttakendum í frásögn
• hafi innsýn í sérstöðu leiklistar sem virkrar reynslu
• hafi sjálfstæði og nokkra færni til að segja börnum sögur og ævintýri ásamt því að þjálfa börnin í að segja frá eigin upplifunum
• hafi kynnst á vettvangi skóla hvernig frásagnir eru tengdar námsgreinum, til dæmis lífsleikni, trúarbragðafræðslu og sjálfbærni.

Viðfangsefni: Fræði um uppeldislegt gildi frásagna og ævintýra fyrir börn og mikilvægi leiklistar í tengslum við virka upplifun þátttakenda. Þjálfun í að segja áheyrilega frá og tvinna leiklist inn í frásögn til þess að dýpka skilning á efni. Mótun leiklistarferlis í tengslum við frásagnir og ævintýri. Athugun á því hvernig kennarar nýta sögur og ævintýri með ungum nemendum.

Vinnulag: Fyrirlestrar, lestur og umræður/málstofur. Vettvangsathuganir og kynningar. Leiklistar- og frásagnarsmiðjur. Nemendur vinna sjálfstætt að því að skapa og móta leiklistarferli í tengslum við frásagnir og ævintýri með áherslu á loftslagsbreytingar.

Þjálfun í frásagnarlist.

_________

Æskilegt er að nemi hafi áhuga á að nýta leiklist og frásagnir með börnum. Námskeiðið hentar vel fyrir kennara í leikskóla og  grunnskóla.

Frá hugmynd til sýningar (LVG308G, LVG008G)

Á námskeiðinu er lögð áhersla á leiklist sem listform, fjallað verður um bakgrunn sýninga sem eru unnar út frá hugmyndum þátttakenda og rætt verður um gildi þátttöku barna og ungmenna í leiksýningu. Þungamiðjan á námskeiðinu er á þjálfun nemenda í að vinna sjálfstætt að sýningum með nemendum á faglegan og skapandi hátt. Nemendur fá kynningu á hagnýtum verklegum æfingum sem gagnast geta við uppsetningu leikverka, svo sem skuggaleikhús, að búa til útvarps- og sjónvarpsþætti og umfjöllun um hvernig lítil hugmynd getur orðið að leiksýningu.

Hönnun sem uppspretta sköpunar (LVG104G, LVG206G)

Námskeiðið er kynning á kennslu og gildi uppeldismiðaðra hönnunar- og handverksgreina: Hönnun og smíði, Textíll og hönnun og Heilsuefling og heimilisfræði. Verkefnahugmyndir eru lagaðar að ólíkum faggreinum námskeiðsins. Áhersla er lögð á þekkingar- og færniþætti frá hugmynd að fullvinnslu í öllum verkþáttum námskeiðsins. Nemendur vinna viðfangsefni sem henta vel í skólastarfi og skrá vinnuferli í ljósmyndum, teikningum og í textaformi.

Kennslufræði handverks og hönnunar í textíl og smíði (LVG104G, LVG206G)

Markmiðið er að undirbúa kennaranema fyrir vettvangsnám í hönnunar- og handverksgreinum með áherslu á kennslufræðilega þætti. Í verkefnavali taka nemendur mið af grunnþáttum menntunar og hæfniviðmiðum faggreinanna í Aðalnámskrá grunnskóla. Í úrvinnslu verkefna er lögð er áhersla á skapandi og fagleg vinnubrögð. Nemendur fá þjálfun í gerð kennsluáætlana, kynnast fjölbreyttum kennsluaðferðum og bera saman ólíkar námsmatsleiðir í faggrein. Nemar halda leiðarbók og skrifa greinargerð um vettvangshluta námsins; áhorf, aðstoð við kennslu, framkvæmd kennsluverkefna og eigin kennslu. Nemar skila ferilmöppu og kynna afrakstur af vettvangsnámi.

Listir, náttúra og samfélag (LVG020G)

Athugið að nemendur á kjörsviðinu Sjónlistir: Myndmennt ganga fyrir þegar hámarksfjölda er náð!

Í námskeiðinu er fjallað um tengsl listar, náttúru og samfélags með áherslu á samtímalist, sjálfbærni og menntun til sjálfbærrar þróunar. Nemendur kynnast hugmyndum listamanna sem vinna með náttúru og samfélag, rannsaka starfshætti þeirra og setja í fræðilegt samhengi. Unnið verður með hugmyndir samtímalistamanna í listrannsóknum og með ólíkar hefðir út frá reynslu og áhuga nemenda. Lögð er áhersla á tilraunir, skapandi ferli og endurnýtingu efna með umhverfisvernd að leiðarljósi.

Markmið og inntak
Nemendur:

• tileinka sér hugmyndafræði námskrár sem byggir á samþættingu lista, náttúru og samfélags,
• þróa eigin listræna tjáningu með fjölbreyttum efnivið og miðlum,
• rökstyðja eigin verk í tengslum við fræðileg og skapandi markmið,
• tengja verkefni sín við kennslu á grunnskólastigi með áherslu á grunnþætti menntunar: sjálfbærni, lýðræði, jafnrétti og menningarlæsi.

Kennslan byggir á fyrirlestrum, umræðum, vettvangsheimsóknum og verkefnavinnu. Áhersla er á sjálfstæð vinnubrögð, skapandi ferli og samstarf.

Vinnulag
Fyrirlestrar, gagnrýnin umræða, vettvangsheimsóknir og verkefnavinna. Nemendum gefst kostur á að vinna með fjölbreytt efnisval, mismunandi tækni og miðla.

Sjónlistir (LVG403G)

Markmið námskeiðsins er að nemendur öðlist þekkingu á tvívíðri myndgerð og möguleikum hennar í skólastarfi. Nemendur þjálfast í grunnþáttum aðferða og hugmyndavinnu í tengslum við sjónlistir. Meginviðfangsefni námskeiðsins eru verkleg vinna, hugmyndavinna og gerð ferilmöppu.

Lögð er megin áhersla á teikningu, lita- og formfræði, grafíkþrykk og mynsturgerð. Fjölbreytt efni eru notuð til útfærslu verkefna og lögð áhersla á sjálfstæð vinnubrögð og frumkvæði nemenda.

Ferilmappa er lögð fram til mats en jafnframt skila nemendur inn hugleiðingum og umræðum í tengslum við safnaheimsóknir.

Fyrirkomulag:

Námskeiðið er kennt í fimm lotum og er mætingarskylda í þær allar.

Ath. Nemendur á kjörsviði sjónlista ganga fyrir við skráningu.

Kennslufræði Myndmenntar (LVG018G)

Markmið: Að undirbúa nemendur fyrir vettvangsnám í námsgreininni myndmennt og kennslufræðilega þætti greinarinnar. 

Inntak / viðfangsefni: Vettvangsnám á misserinu er undirbúið með verkefnavali, verkefnatilraunum og gerð kennsluverkefna. Markmið myndmenntarkennslu eru tekin til umfjöllunar ásamt fagnámskrá. Lögð er áhersla á að nemendur þekki til helstu kenningasmiða, rannsókna á sviðinu og innihalds og markmiða í aðalnámskrá grunnskóla.  Nemendur vinna með eigin hugmyndir að kennsluverkefnum í samráði við kennara og leiðsagnarkennara á vettvangi auk þess sem þeir taka mið af hæfniviðmiðum myndmenntar í aðalnámskrá grunnskóla sem og skólanámskrá viðtökuskóla. Kennsluverkefnin eru aldursmiðuð og með tengingu við sköpun, sjálfbærni og aðra grunnþætti menntunar. 

Nemar fá þjálfun í að semja kennsluáætlanir sem miða við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur vinna hugmynda- og dagbók sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins. 

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Kennslufræði Sjónlista (LVG010G)

Markmið
Að undirbúa nemendur fyrir vettvangsnám í námsgreininni Sjónlistir. 

Vettvangsnám á misserinu er undirbúið með verkefnavali, tilraunum og gerð kennsluverkefna og námsefnis. Fjallað er um markmið og inntak sjónlistakennslu í grunnskóla með hliðsjón af fagnámskrá og aðalnámskrá grunnskóla.

Áhersla er lögð á að nemendur kynnist helstu kenningasmiðum, rannsóknum á sviði sjónlistakennslu og hæfniviðmiðum greinarinnar. Nemendur þróa eigin kennsluverkefni í samráði við kennara og leiðsagnarkennara á vettvangi og taka mið af skólanámskrá viðtökuskóla. Verkefnin eru aldursmiðuð og miða að skapandi vinnu nemenda.

Nemar fá þjálfun í að semja kennsluáætlanir sem taka mið af verkþáttum, aldri og þroska barna.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Vinnulag:

Kennsla fer fram í fyrirlestrum, umræðum og verklegum undirbúningi fyrir vettvangsnám. Nemendur vinna verkefni tengd vettvangsnámi sínu og fá leiðsögn við þróun kennsluverkefna og kennsluáætlana.

Samspil lífvera og umhverfis (SNU004G, SNU203G)

Á námskeiðinu er fjallað um grunnhugtök og meginþætti vistfræðinnar með áherslu á samspil lífvera og umhverfis. Nemendur kynnast eðli og gerð vistkerfa, þar á meðal flæði orku, hringrásum efna, stöðugleika og framvindu vistkerfa. Fjallað er um samfélög lífvera, tengsl þeirra sín á milli og við umhverfi sitt, auk stofnabreytinga og líffræðilegs fjölbreytileika.

Sérstök áhersla er lögð á mikilvægi líffjölbreytileika og sjálfbærrar þróunar, sem og á áhrif mannlegra athafna á náttúru og umhverfi. Tekin eru fyrir dæmi um íslensk vistkerfi, einkenni þeirra, sérstöðu og vistfræðilegt gildi, ásamt helstu umhverfisáskorunum á Íslandi og á heimsvísu.

Námskeiðið leggur áherslu á hvernig nálgast megi vistfræðileg viðfangsefni í kennslu unglinga á grunnskólastigi. Rýnt er í mikilvægi rannsóknarmiðaðs náms, skapandi náms og útináms til að efla skilning nemenda á vistfræðilegum hugtökum og tengja þau við daglegt líf og samfélagslega ábyrgð. Nemendur fá reynslu af að skipuleggja útikennslu og umhverfismennt þar sem náttúrutúlkun, tengsl lífvera og áhrif mannsins á náttúru eru í forgrunni.

Lífeðlisfræði (SNU004G, SNU203G)

Á námskeiðinu verður fjallað um gerð fruma og skiptingu, um vefi, líffæri og starfsemi þeirra. Þá verður fjallað um heilbrigðisuppeldi og varnir, ábyrgð og skilning einstaklingsins á eigin líkama. Áhersla verður lögð á að kynna fjölbreyttar leiðir sem nota má í kennslu um viðfangsefnin.

Hin lifandi náttúra í nærumhverfinu (SNU017G, SNU105G)

Á námskeiðinu verður sérstök áhersla á hina lifandi íslensku náttúru sem kemur fyrir í daglegum reynsluheimi nemenda. Í því samhengi verður lögð sérstök áhersla á staðbundið nám (place-based education). Sjónum verður beint að möguleikum í verklegum viðfangsefnum í útinámi barna og ungmenna í nærumhverfi skóla, en viðfangsefnin einnig tengd við athafnir innan skólastofu. Ýmsar leiðir til að rannsaka hina lifandi náttúru verða kynntar, svo sem skoðun og greining á plöntum sem og aðferðir við að safna smádýrum og greiningar á lífverum æfðar. Nemendur fá einnig reynslu af að skipuleggja útikennslu. Þá verður nemendum kynnt tækifæri sem notkun upplýsingatækni veitir til að efla áhuga og forvitni um náttúruna.  Verklag mun taka mið af því að nemendur kynnist fjölbreyttum kennsluaðferðum sem reynst hafa árangursríkar í náttúrufræðikennslu. Námskrá og námsefni grunnskóla sem tengist viðfangsefni námskeiðsins verður einnig skoðað.

Á dagskrá verða plöntur, fuglar, smádýr, ferskvatns- og fjörulífverur með áherslu á búsvæði þeirra og aðlögun að umhverfi sínu.

Að kenna efna- og varmafræði (SNU017G, SNU105G)

Fjallað verður um hugtök og kenningar á sviði efnafræði og varmafræði sem kennd eru í grunnskólum og leiðir til að kenna þessa þætti til skilnings með mikla áherslu á verklegar tilraunir og athuganir. Þá verður nemendum kynnt tækifæri sem notkun upplýsingatækni veitir til að efla áhuga og forvitni um náttúruna. Á námskeiðinu verður fjallað um uppbyggingu efna, efnabreytingar, frumeindakenninguna og lotukerfið, varmaorku og hitastig, varmaflutninga, nýting varmaorku og orkuferli sem tengjast efnabreytingum.

Náttúruvísindamenntun – Hugmyndir nemenda, verklegt og virk þátttaka (SNU208G, SNU012G)

Á námskeiðinu er fjallað um grunnþætti kennslufræði náttúruvísinda í grunnskóla með áherslu á verklega kennslu, athuganir og tilraunir, notkun upplýsingatækni og fjölbreyttar leiðir til að efla skilning og áhuga nemenda. Nemendur kynnast hugmyndum um hversdagshugmyndir, mishugmyndir og hugtakanám í náttúruvísindum á yngsta stigi, miðstigi og unglingastigi. Skoðaðar eru leiðir til að skipuleggja kennsla í ljós námsáskorana sem hversdagsleg reynsla nemenda og málheimur valda.

Fjallað er um notkun sýndartilrauna, skapandi miðlunar og stafrænnar tækni í kennslu, sem og um ávinning og áskoranir tengdar útikennslu og útinámi. Vettvangsnám er samþætt námskeiðinu og nemendur nýta hluta námsins (2 Ve) í grunnskóla, þar sem þeir tengja fræðilegt inntak námskeiðsins við skipulagningu, framkvæmd og ígrundun kennslu í náttúruvísindum. Áhersla er lögð á virka þátttöku, verklega vinnu og ígrundun sem grunn að áframhaldandi námi í náttúruvísindakennslu.

Að kenna um rafmagn og segulmagn (SNU208G, SNU012G)

Í þessu námskeiði verða þátttakendur búnir undir að kenna um rafmagn og segulmagn. Þetta er gert með því að styrkja bæði þekkingu nema á viðfangsefnunum og á kennsluhugmyndum sem þeim tengjast. Jafnframt verður skoðað hvernig fyrirbæri tengd þessum hugtökum birtast í manngerðu og náttúrulegu umhverfi. Áhersla verður lögð á að tengja viðfangsefnin við hugmyndir og reynslu þátttakenda. Fjallað verður um rannsóknir á hugmyndum barna og unglinga um viðfangsefnin og mögulegar leiðir til að tengja með kennslu þessi viðfangsefni við reynsluheim og hugmyndir barna og unglinga. Fjallað verður um kennslu náttúrufræðilegra viðfangsefna námskeiðsins, skoðaðar kennslubækur og verklegar athuganir. Náttúrufræðileg viðfangsefni námskeiðsins eru: Rafmagn, rafhleðslur, rafkrafta, stöðurafmagn, rafstrauma, segulmagn, segulkraftar, víxlverkun rafmagns og segulmagns, og framleiðsla og nýting rafmagns.

Nám og náttúruvísindi á 21. öld (SNU009G, SNU209G)

Rædd verða valin viðfangsefni varðandi náttúruvísindamenntun og þróun hennar á 21. öld. Fjallað verður um gildi náttúruvísindamenntunar og mismunandi markmið náttúruvísindanáms. Fjallað verður um eðli náttúruvísindalegrar þekkingar, aðferðir náttúruvísinda og leiðir til að efla skilning grunnskólanema á eðli náttúruvísinda. Rýnt verður í stöðu náttúruvísindamenntunar á Íslandi og skoðaðir styrkleikar og veikleika þeirrar menntunar samkvæmt niðurstöðum íslenskra rannsókna og alþjóðlegra mælikvarða. Í því ljósi verður rætt um hvaða áskorunum við stöndum helst frammi fyrir og hvaða leiðir gætu reynst vænlegar til úrbóta. Skoðaðar verða bæði nýjungar í skólastarfi og þekktar leiðir sem reynsla er komin á. Einnig verður skoðuð nýsköpun í náttúruvísindum á Íslandi og hagnýting náttúruvísindanna.

Fjallað verður um: 

• Eðli vísindalegrar þekkingar og vísindaleg heimspeki 
• Stefnumótun og námskrárgerð í tengslum við 21. aldar hæfni  
• Hvernig náttúruvísindi nýtast í nýsköpun?  
• Hvers vegna náttúruvísindanám er mikilvægt og hvaða starfsmöguleikar tengjast náttúruvísindum? Hagnýting náttúruvísinda.  
• Námskrár náttúruvísindamenntunar

Jörðin og lofthjúpurinn (SNU009G, SNU209G)

Á námskeiðinu er fjallað um innri gerð jarðar, jarðskorpuhreyfingar og áhrif innrænna (eldvirkni) og útrænna afla (veðurfar og vatn) á mótun landsins, bergtegundir, eldgos og jarðskjálfta. Stöðu jarðarinnar í sólkerfinu, árstíðaskipti, dægraskipti og grundvallar orkuferli jarðar. Fjallað um veður og loftslag. Kynntar verða hugmyndir að kennslu jarðfræðilegra viðfangsefna og rannsóknir sem þeim tengjast. Þá verður sjónum meðal annars beint að möguleikum sem felast í útinámi með skoðun á jarðfræðilegum fyrirbærum.

Danska sem erlent mál (ÍET201G, ÍET501G)

Námskeiðið miðar að því að veita nemendum innsýn í einstakar aðstæður dönskukennslu í íslenskum grunnskólum. Við munum kanna grundvallarhugtök og kenningar sem tengjast máltöku, sem eiga sérstaklega við um kennslu erlendra tungumála. Að auki munum við samræma fræðileg markmið og markmið fyrir dönskukennslu á Íslandi við kenningar um máltöku og kennslufræði erlendra tungumála. Í námskeiðinu verður einnig skoðað hvernig sjónarmið kennara varðandi nám og tungumál birtast í kennslustofum þar sem danska er kennd.

Daglegt mál og tjáning á dönsku (ÍET201G, ÍET501G)

Meginmarkmið námskeiðsins er að kennaranemar öðlist þekkingu og skilning á þeim reglum sem lúta að munnlegri tjáningu og færni í að beita töluðu máli rétt og eðlilega við ýmsar aðstæður.

Kennaranemar verða þjálfaðir í að beita málinu við ýmsar aðstæður. Áhersla er lögð á að þjálfa þá í að taka þátt í umræðum, lesa upp, segja frá og segja sögur. Fjallað verður um ýmsa þætti í töluðu máli, svo sem framburð einstakra hljóða, áherslur, ítónun og sérstaklega þau atriði sem Íslendingar eiga erfitt með að ná. Fjallað verður um muninn milli ritmáls og talmáls. Sérstaklega verður fjallað um nemendamiðaða kennslu og nemendur verða þjálfaðir í að útbúa munnleg verkefni handa nemendum. Kennaranemar kynna sér námsefni og ítarefni, bæði í rituðu máli og á vef. Ígrundun er snar þáttur í náminu og liður í að þróa starfskenningu þeirra.

Inngangur að enskukennslu (ÍET202G, ÍET402G)

Farið verður yfir þróun tungumálakennslu undanfarinna áratuga og sjónum einkum beint að þekkingu og skilningi á þeim straumum og stefnum sem nú eru efst á baugi. Fjallað verður um hugtök, kenningar, aðferðir og þá þætti sem stuðla að fagmennsku tungumálakennarans og nemendur öðlast reynslu í að ígrunda eigin afstöðu og hugmyndir. Kynntar verða rannsóknir á tungumálanámi og kennslu og fjallað sérstaklega um nemendamiðaða kennslu.

Námskrá í ensku verður yfirfarin og greind. Kennaranemar fá tækifæri til að skoða og meta kennslu á myndböndum og þjálfast í að ígrunda eigin hugmyndir um kennslu og eigin reynslu af tungumálanámi.

Vinnulag:
Vinna í námskeiðinu krefst virkrar þátttöku og mikið verður lagt upp úr lestri nemenda og úrvinnslu úr lesefni, umræðum, hópa- og einstaklingsvinnu og dæmakennslu.

Enskukennsla fyrir unga byrjendur (ÍET202G, ÍET402G)

Viðfangsefni:

Fjallað verður um markmið, leiðir og aðferðir, einkum þær sem tengjast hlustun, töluðu máli, leikjum, söngvum og leikrænni tjáningu. Einnig verður fjallað um lestur, orðaforða, ritun og námsmat að því marki sem hæfir ungum byrjendum. Lögð verður áhersla á að viðfangsefni barna í tungumálanámi þurfi að vera í samræmi við þroska þeirra. Námskrá og námsefni verður skoðað og nemar fá þjálfun í skipulagningu kennslustunda og þemavinnu. Hugað verður að leiðum til að samþætta enskukennslu öðrum námsgreinum. Hluti þessa námskeiðs fer fram á vettvangi yngri bekkja grunnskólans. Í vettvangsnáminu fá kennaranemar þjálfun í gerð kennsluáætlana og þjálfun í að leggja fyrir verkefni af ýmsum toga sem taka mið af þörfum byrjenda. Ígrundun er snar þáttur í náminu og liður í að þróa starfskenningu kennaranema.

Vinnulag:
Vinna í námskeiðinu krefst virkrar þátttöku og mikið verður lagt upp úr lestri og úrvinnslu úr lesefni, umræðum, hópa- og einstaklingsvinnu og dæmakennslu.

Íslenska sem kennslugrein I (ÍET104G, ÍET205G)

Í námskeiðinu verður lagður grunnur að fræðilegri þekkingu verðandi íslenskukennara á  íslenskum bókmenntum til undirbúnings kennslu þeirra í grunnskóla. Lögð verður áhersla á að efla nemendur sem sjálfstæða lesendur bókmennta af fjölbreyttu tagi. Einnig verður fengist við talað mál, hlustun, áhorf, lestur og ritun á fræðilegum grundvelli og með hagnýtum verkefnum. Í námskeiðinu er fjallað um virka hlustun og virkt áhorf og nemendur þjálfaður í að miðla þekkingu sinni í töluðu máli og til að nýta fjölbreytta miðla til að efla þessa þætti hjá sjálfum sér.

Fjallað verður um samtímabókmenntir fyrir börn og fullorðna sem og frásagnir í öðrum miðlum svo sem í leikhúsi og kvikmyndum.  Unnið verður með almennar greiningaraðferðir og læsi þjálfað til skilnings og túlkunar. Lögð verður áhersla á hvernig textar geta skapað umræðu um siðferðileg hugtök og álitamál. Jafnframt verða bókmenntatextar lesnir með það fyrir augum að nemendur njóti þeirra og deili lestrarreynslu sinni með öðrum.

Kennaranemar fást við að greina talmál frá ritmáli á fræðilegan hátt og þjálfast í að vinna með ólíkar gerðir talaðs máls og texta á mismunandi textasviðum.

Íslenska sem kennslugrein II (ÍET104G, ÍET205G)

Í námskeiðinu verður lögð áhersla á hagnýtingu fræðilegrar þekkingar kennaranema í íslensku. Nemendur verða þjálfaðir í fjölbreyttum leiðum og aðferðum við íslenskukennslu sem eiga að stuðla að auknum skilningi og áhuga á viðfangsefnum í íslensku. Einnig verður fjallað um skipulag og undirbúning kennslu sem og námsmats.

Fjallað verður um þá þætti í íslenskukennslu sem snúa að málfræði og ritun. Einnig verður fjallað um grunnþætti menntunar og hvernig kennaranemar geta fléttað þá inn í íslenskukennslu sína. Áhersla verður lögð á þjálfun í að vinna með hæfniviðmið og matsviðmið fyrir íslensku og stuðla að stígandi í kennslu í meginþáttum kennslugreinarinnar. 

Kennaranemar fá æfingu í að nálgast viðfangsefni sín í íslenskukennslu á gagnrýninn hátt og að hagnýta sér rannsóknir og fræðileg skrif. Þeir hljóta einnig reynslu af því að vinna á gagnrýninn hátt með fyrirliggjandi kennsluefni og bera saman við núgildandi aðalnámskrá í því augnamiði að þróa eigin kennslu og kennsluhætti. Jafnframt verður til umfjöllunar samþætting íslensku við aðrar faggreinar.

Fjallað verður um hvernig kennarar geti skipulagt kennslu út frá forsendum fjölbreytts nemendahóps þannig að grunnskólanemar fái tækifæri til að nálgast viðfangsefni í íslensku út frá eigin reynslu og áhugasviðum.

Í námskeiðinu eru vettvangseiningar og nemendur fara á vettvang í grunnskóla. Viðfangsefni námskeiðsins verða sömuleiðis tengd við vettvang. Í vettvangsvikum fylgjast kennaranemar með kennslu á vettvangi, ígrunda hana og meta í samræmi við umfjöllunarefni námskeiðsins.

Þættir úr algebru og rúmfræði (SNU102G, SNU207G)

Viðfangsefni eru valin atriði úr sígildri rúmfræði, hnitarúmfræði og algebru ásamt kynningu á hugbúnaði sem nýtist við rúmfræði- og algebrunám og kennslu.

Fjallað verður um grunnatriði Evklíðskrar rúmfræði;  hugtök, frumforsendur og setningar um samsíða línur, marghyrninga og hringi. Fengist er við einfaldar teikningar með hringfara og reglustiku. Einnig verður farið í atriði úr hnitarúmfræði, t.d. jöfnu hrings og kynntar lausnaraðferðir fyrir línulegar jöfnur og jöfnuhneppi, annars stigs jöfnur, tölugildisjöfnur og ójöfnur.

Kennt verður á hugbúnaðinn GeoGebru og hann nýttur við myndræna túlkun, tilgátusmíð og teikningar.

Stærðfræði í grunnskóla (SNU102G, SNU207G)

Í námskeiðinu eru kynntar leiðir til þess að byggja upp rökrétta samfellu í stærðfræðinámi þar sem meginhugmyndir greinarinnar og tengsl þeirra innbyrðis verða sífellt skýrari og víðtækari. Fjallað er um markmið stærðfræðikennslu í grunnskóla, námsefni grunnskólans, stærðfræðilega hæfni og stærðfræðileg samskipti. Áhersla er lögð á aðgengi og jafnræði í stærðfræðinámi og á kennsluhætti sem taka mið af fjölbreyttum forsendum, reynslu og tungumálabakgrunni nemenda. Í námskeiðinu greina nemar námsefni, verkefni og lausnir grunnskólanema og æfa sig að kenna og greina kennslu í hópi jafningja. Nemendur eiga á grundvelli reynslu sinnar á vettvangi að ígrunda kennslu sína, val á viðfangsefnum, hlutverk kennarans og samskipti við nemendur og samskipti milli nemenda. Áhersla er lögð á kennsluhætti sem byggja á rannsóknum á stærðfræðinámi og -kennslu.

Tækni, sköpun og miðlun í samskiptum og skólastarfi (SNU104G, SNU206G)

Hvernig má lýsa greinasviðinu upplýsinga- og tæknimennt og við hvað er átt þegar rætt er um nýsköpunarmennt eða nýsköpun í skólastarfi? Til hvers er vísað þegar rætt er um upplýsinga- og þekkingarsamfélag, upplýsinga- og tæknilæsi, stafræna efnisgerð og margmiðlun, miðlalæsi eða fjölhátta læsi, stafræn samskipti og námssamfélög, stafræna borgaravitund og þátttöku í lýðræðissamfélagi, tækni og forritun við hæfi barna og unglinga, hönnunarhugsun og frumkvöðlamennt, leik að hugmyndum, lausnaleit og samvinnu um sköpun?

Hvenær kom stafrænn búnaður fyrst inn í íslenska grunnskóla, hver hefur þróunin verið síðan og hvert stefnir? Hvaða hindranir og hvaða tækifæri fylgja tæknivæðingu í samskiptum og skólastarfi? Hver er líka saga nýsköpunarmenntar í grunnskólum og hvernig tengist hún hugmyndum um nýja tíma, samvinnu og lausnamiðuð vinnubrögð? Hverjir eru þættir upplýsingatækni, nýsköpunar og stafrænnar miðlunar í stefnumótun og námskrá og hvernig er háttað tengslum þeirra við önnur námssvið, lykilhæfni og grunnþætti menntunar?

Við skoðum á þessu inngangsnámskeiði framangreind viðfangsefni í innlendu og alþjóðlegu samhengi um leið og nemar fá tækifæri til að fást við hagnýt og skapandi verkefni, prófa tæknilega möguleika og stafræn verkfæri sem bjóða upp á áhugaverð tækifæri í námi og kennslu. Nemar efla færni sína á þessu sviði og horfa til hagnýtra möguleika á vettvangi og þeirra tækifæra sem felast í nýrri tækni til hugmyndavinnu, samskipta og starfsþróunar. Áhersla er lögð á myndun öflugs námssamfélags sem tekur virkan þátt á námskeiðinu, tekst á við áskoranir og deilir hugmyndum og reynslu í líflegum menntabúðum og með stafrænni miðlun á neti.

Tækni og nýsköpun í kennslustofu nýrra tíma (SNU104G, SNU206G)

Á námskeiðinu beinum við sjónum að því hvernig nýta má stafræna tækni, sveigjanlegt námsumhverfi og eflandi kennslufræði til að ýta undir atbeina nemenda og sköpunarkraft. Fjallað er um nýsköpunarmennt og þá kennslufræði sem henni tengist, áherslu á atbeina og framtak nemenda og kennara, samvinnu og teymiskennslu, innsæi og sköpun, gagnrýna nálgun og ígrunduð vinnubrögð í hvetjandi umhverfi. Dregið er fram hvernig tæknin sem verkfæri og viðfang geta leitt fram og stutt skólastarf þar sem áhrif nemenda, framlag og sýn fá að njóta sín. Við beinum sjónum að umhverfi náms og kennslu á neti og fæti, nýjum skólabyggingum, skólalóðum, vettvangsferðum og útikennslu, opnum og sveigjanlegum kennslurýmum í sögulegu ljósi, húsbúnaði og húsakynnum náms og kennslu, alltaf með þátt tækninnar og tækifæri henni tengd í huga. Sérstakri athygli verður beint að þætti list- og verkgreina þegar kemur að nýsköpun og samþættingu námsgreina um skapandi verkefni en einnig stöðu og hlutverki bókasafna, upplýsingavera og smiðjuvinnu í skóla- og frístundastarfi á nýjum tímum. Í vettvangsnáminu er lagt kapp á að nemar kynni sér þessa þætti sem best, gaumgæfi umhverfi náms og kennslu frá öllum hliðum, velti fyrir sér athafnakostum og þróunarmöguleikum tengdum stafrænni tækni og stafrænu námsumhverfi í samspili við önnur gögn og verkfæri en einnig húsbúnað, húsakynni og ytra umhverfi skóla. Lögð er rík áhersla á að nemar deili hugmyndum sínum og kynnum af skólastarfi með félögum sínum á námskeiðinu með ýmsu móti.

Inngangur að kennslu samfélagsgreina (SFG101G, SFG201G)

Viðfangsefni: Námskeiðið er inngangur að kennslu samfélagsgreina með áherslu á þjálfun í rökræðum, gagnrýna hugsun og hæfni í að skoða mismunandi sjónarhorn. Á námskeiðinu vinna nemendur með forhugmyndir sínar og taka ígrundaða afstöðu til viðfangsefnanna og samtímis  er veitt innsýn í ýmis viðfangsefni sem fjallað er um í samfélagsgreinum (sbr. aðalnámskrá).

Vinnulag:  Umræður og verkefnavinna fara fram í kennslustundum á miðvikudögum í rauntíma á Zoom. Auk þessa verða rökræðutímar í hverri viku. Nemendum er skipt í hópa og mæta með sínum hópi allt misserið. Skyldumæting er í rökræðutímana (80%). Hægt verður að velja á milli rökræðutíma á staðnum í Sögu eða í rauntíma á Zoom. Hvorki miðvikudagstímar né rökræðutímar verða teknir upp.

Lífsskoðanir og menntun (SFG101G, SFG201G)

Viðfangsefni: Markmið námskeiðsins er að þátttakendur öðlist skilning á helstu þáttum sem móta lífsskoðanir fólks og verði betur í stakk búnir til að kenna samfélagsgreinar í nemendahópum þar sem lífsskoðanir geta verið fjölbreytilegar. Í námskeiðinu er vaxandi áhersla innan menntavísinda á lífsskoðunarhugtakið tekin til umfjöllunar og lífsskoðunarhugtakið rætt og greint frá ýmsum sjónarhornum og ýmsir uppistöðuþættir þess teknir til umfjöllunar. Í námskeiðsinu verður unnið með meginþætti lífsskoðana sem birtast meðal annars í spurningum um siðferði, trú, samfélagssýn og stjórnarfar, fjölskyldur og persónulegt nærumhverfi fólks, og hvernig réttindi og skyldur móta framtíðarsýn einstaklinga.

Vinnulag: Námskeiðinu er skipt í tveggja til þriggja vikna lotur þar sem fengist er við eitt þema í hverri lotu. Fyrirlestrar verða á neti og lesefni verður aðgengilegt á Canvas í skjölum eða á nettenglum. Lokapróf gildir 40%, en verkefni og önnur verkefni 60%. Athugið að hluti námskeiðsins er vettvangsnám (2 vettvangseiningar) sem er skilyrði fyrir að ljúka námskeiðinu.

Samþætting og skapandi starf (GKY102G, GKY601G)

Á námskeiðinu er megináhersla á samþættingu námsgreina með því að nota Söguaðferðina (Storyline) sem meginþráð í náminu. Valin eru viðfangsefni tengd náttúru og samfélagi og unnið með þau á fjölbreyttan og skapandi hátt. Áhersla verður á að nemendur skynji námið sem heild. Hugað verður að námsmati og hvernig námsmatsaðferðir henta.
Lögð verður áhersla á ólíka reynslu og forsendur nemenda, út frá einstaklingmiðuðu námi og menntun fyrir alla í fjölmenningarsamfélagi þar sem gagnrýnin og skapandi hugsun er sem rauður þráður í gegnum námið.

Skapandi stærðfræðinám (GKY102G, GKY601G)

Á námskeiðinu kynnast kennaranemar hve skapandi stærðfræði er sem fræðigrein og hvernig ýta má undir leiðir til þess að byggja upp skapandi stærðfræðinám. Fjallað er um uppbyggingu stærðfræðihugmynda ungra barna, lausnaleit þeirra, námsmat og aðra þætti stærðfræðináms. Kennaranemar vinna verklega og taka þátt í umræðum um stærðfræðinám. Þeir ígrunda eigið stærðfræðinám og nýta vettvangsnám til þess að æfa það sem þeir læra á námskeiðinu og ígrunda eigin kennslu.

Sérstaklega verður hugað að því að kennaranemi styrki tök sín á inntaksþáttum og vinnubrögðum stærðfræðinnar til þess að hafa forsendur til að geta greint nám nemenda sinna. Sjónum verður beint að skilningi á helstu inntaksþáttum í stærðfræðinámi á yngsta stigi. Einnig verður fjallað um þátt tungumáls og röksemdafærslu í stærðfræðinámi.

Leiðir við kennslu og uppbygging námsumhverfis fá gott rými. Skoðað verður hvernig nálgast má viðfangsefni með rannsóknum, hlutbundinni vinnu, rafrænni leit, umræðum og uppsprettum úr daglegu lífi og umhverfi nemenda. Námsefni og námsgögn í stærðfræði verða greind og fjallað um náms- og kennsluumhverfi sem mætir ólíkum þörfum barna við stærðfræðinám. Hugað verður sérstaklega að stafrænum námsgögnum fyrir börn og leiðum til að meta slíkt efni. Fjallað verður um námsmat í stærðfræði og hvernig kennari getur nýtt sér mat á skilningi og færni nemenda til að byggja á við skipulag kennslu.

Kennaranemar kynnast fræðasviðinu stærðfræðimenntum og leiðum til að fylgjast með rannsóknum og þróun kennsluhátta til að þeir geti sótt sér hugmyndir og hvatningu til að þróa markvisst stærðfræðikennslu sína.

Vinnulag
Haldnir verða fyrirlestrar og nemendur taka þátt í umræðum og verklegri vinnu. Nemendur lesa sér til um rannsóknir og glíma sjálfir við stærðfræðileg viðfangsefni ásamt því að skipuleggja kennslu og kenna eftir skipulagi sínu.
Vettvangshluti námskeiðsins (4Ve) fer fram í samstarfsskólum Menntavísindasviðs og samsvarar tveimur vikum á vettvangi, 6 tíma á dag. 

Nemar halda dagbók um nám sitt og ígrundun á því frá upphafi námskeiðs og byggja á henni við skrif lokaverkefnis námskeiðsins. 

Þroska- og námssálarfræði (KME301G)

Tilgangur þessa námskeiðs er að nemendur öðlist heildarsýn á þroska barna frá fæðingu og fram á unglingsár.

Inntak/viðfangsefni:
Fjallað verður um þær breytingar sem verða á þroska barna á mismunandi sviðum og aldursskeiðum og helstu kenningar sem notaðar hafa verið til að varpa ljósi á þessar breytingar. Fjallað verður um vitsmunaþroska, tilfinningaþroska og þróun tilfinningalegra tengsla, félagsþroska, þróun sjálfsmyndar og siðferðisvitundar. Námskenningum og vistfræðilegum kenningum (ecological approach) verður einnig gerð skil. Rætt verður um orsakir og eðli einstaklingsmunar, samfellu í þroska og sveigjanleika þroskaferlisins. Tengsl náms og þroska, áhugahvöt og áhrif uppeldis, menningar og félagslegra aðstæðna á þroska barna verða einnig til umfjöllunar. Áhersla verður lögð á gildi þroskasálfræðinnar í uppeldis- og skólastarfi.

Vinnulag:
Kennsla fer fram í fyrirlestrum og umræðu/verkefnatímum. Í umræðu/verkefnatímum fá nemendur þjálfun í að ræða námsefnið á gagnrýninn hátt.

Lokaverkefni (LVG601L)

Undir lok grunnnámsins vinna nemendur B.Ed.-verkefni sem skal vera á sviði aðalsérhæfingar og hafa gildi á sviði faggreinakennslu, sjá nánar í handbók.

Nemendur skrá óskir um efni og leiðbeinanda í form á Canvas vef. Umsjónarmenn námsleiða vinna úr óskunum og úthluta nemendum leiðbeinanda.  Nemendur vinna sjálfstætt að lokaverkefni sínu með ráðgjöf frá leiðsögukennara.

Lokaverkefni vinna nemendur einir eða tveir saman. Nánari leiðbeiningar um tilhögun, vinnulag og frágang við lokaverkefni er að finna á vef lokaverkefna í grunnnámi í Uglu undir Fræðasvið - Menntavísindasvið - Fyrir nemendur.

Grafík, ferli og bókagerð (LVG310G, LVG404G, LVG302G)

Megináherslu er á grafík sem listrænt ferli og miðil. Nemendur kynnast grunnatriðum einþrykks og dúkristu, bæði í höndum og í ætingarpressu, og öðlast skilning á því hvernig grafíkmynd verður til, frá hugmynd og skissu til fullunnins verks.

Teikning er nýtt sem rannsóknar- og undirbúningsferli þar sem unnið er með skissur og þróun myndmáls.

Bókagerð tengist grafíkinni sem framsetningarform. Nemendur kynnast undirstöðuatriðum handgerðar bókagerðar og útbúa einfaldar bækur þar sem grafíkverkin mynda grunn og innihald.

Áhersla er lögð á efnisþekkingu, vönduð vinnubrögð, sjálfstæða hugmyndavinnu og gagnrýna ígrundun. Einnig er fjallað um möguleika grafík í kennslu á mismunandi skólastigum.  

Námskeiðið krefst sjálfstæðra og skapndi vinnubragða.

Vinnulag
Fyrirlestrar, sýnikennsla, verkleg vinna, vettvangsferðir, kynningar, umræður, gagnaöflun og skrásetning vinnuferils.

Málun og teiknun (LVG310G, LVG404G, LVG302G)

Námskeiðið skiptist í tvo meginhluta: málun, teikningu en einnig verður veitt innsýn inn í grafík og leirmótun. Áhersla er lögð á hugmyndavinnu, skissugerð og úrvinnslu þar sem myndbygging og form eru í forgrunni. Unnið er út frá náttúru og mannlífi í rými.

Í málun er unnið með meðferð og áferð lita, samspil litatóna og skissuvinnu. Í teikningu er lögð áhersla á formgreiningu, módel- og hlutateikningu.

Safnaheimsóknir og sýningar eru hluti af náminu og felst í þeim bæði gagnaöflun og verkleg sem skrifleg úrvinnsla.

Námskeiðið er kennt í sex lotum auk eins sýningardags:  Mætingarskylda er í öllum lotum. Lögð er áhersla á sjálfstæð vinnubrögð, frumkvæði og faglega framsetningu.

Íslensk listasaga, söfn og menntun (LVG310G, LVG404G, LVG302G)

Áhersla er lögð á að veita nemendum innsýn í  íslenska listasögu og myndlistararfleið, list í opinberu rými ásamt list- og safnafræðslu. 

Markmiðið er að nemendur öðlast þekkingu á listasöfnum og kennslufræði þeirra gagnvart skólum og hæfni til að nýta sér þau sem fræðslustofnanir.  Skapaður er vettvangur þar sem áherslan er á samstarf og samtal skóla og safna á milli. Nemendum gefst kostur á að raungera og þróa hugmyndir sínar og vinna m.a. smiðju í tengslum við sýningu þar sem börn á grunnskólaaldri eru þáttakendur í skapandi starfi. 

Vinnulag:
Fyrirlestrar, lestur fræðigreina, gagnrýnin umræða  og safnaheimsóknir. 

Nemendum vinna m.a verkefni og setja upp smiðju ætlaða börnum í tengslum við sýningu.

Námskeiðið krefst sjálfstæðra vinnubragða.

Kennslufræði Myndmenntar (LVG018G)

Markmið: Að undirbúa nemendur fyrir vettvangsnám í námsgreininni myndmennt og kennslufræðilega þætti greinarinnar. 

Inntak / viðfangsefni: Vettvangsnám á misserinu er undirbúið með verkefnavali, verkefnatilraunum og gerð kennsluverkefna. Markmið myndmenntarkennslu eru tekin til umfjöllunar ásamt fagnámskrá. Lögð er áhersla á að nemendur þekki til helstu kenningasmiða, rannsókna á sviðinu og innihalds og markmiða í aðalnámskrá grunnskóla.  Nemendur vinna með eigin hugmyndir að kennsluverkefnum í samráði við kennara og leiðsagnarkennara á vettvangi auk þess sem þeir taka mið af hæfniviðmiðum myndmenntar í aðalnámskrá grunnskóla sem og skólanámskrá viðtökuskóla. Kennsluverkefnin eru aldursmiðuð og með tengingu við sköpun, sjálfbærni og aðra grunnþætti menntunar. 

Nemar fá þjálfun í að semja kennsluáætlanir sem miða við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur vinna hugmynda- og dagbók sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins. 

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Kennslufræði Sjónlista (LVG010G)

Markmið
Að undirbúa nemendur fyrir vettvangsnám í námsgreininni Sjónlistir. 

Vettvangsnám á misserinu er undirbúið með verkefnavali, tilraunum og gerð kennsluverkefna og námsefnis. Fjallað er um markmið og inntak sjónlistakennslu í grunnskóla með hliðsjón af fagnámskrá og aðalnámskrá grunnskóla.

Áhersla er lögð á að nemendur kynnist helstu kenningasmiðum, rannsóknum á sviði sjónlistakennslu og hæfniviðmiðum greinarinnar. Nemendur þróa eigin kennsluverkefni í samráði við kennara og leiðsagnarkennara á vettvangi og taka mið af skólanámskrá viðtökuskóla. Verkefnin eru aldursmiðuð og miða að skapandi vinnu nemenda.

Nemar fá þjálfun í að semja kennsluáætlanir sem taka mið af verkþáttum, aldri og þroska barna.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Vinnulag:

Kennsla fer fram í fyrirlestrum, umræðum og verklegum undirbúningi fyrir vettvangsnám. Nemendur vinna verkefni tengd vettvangsnámi sínu og fá leiðsögn við þróun kennsluverkefna og kennsluáætlana.

Sjónlistir (LVG403G)

Markmið námskeiðsins er að nemendur öðlist þekkingu á tvívíðri myndgerð og möguleikum hennar í skólastarfi. Nemendur þjálfast í grunnþáttum aðferða og hugmyndavinnu í tengslum við sjónlistir. Meginviðfangsefni námskeiðsins eru verkleg vinna, hugmyndavinna og gerð ferilmöppu.

Lögð er megin áhersla á teikningu, lita- og formfræði, grafíkþrykk og mynsturgerð. Fjölbreytt efni eru notuð til útfærslu verkefna og lögð áhersla á sjálfstæð vinnubrögð og frumkvæði nemenda.

Ferilmappa er lögð fram til mats en jafnframt skila nemendur inn hugleiðingum og umræðum í tengslum við safnaheimsóknir.

Fyrirkomulag:

Námskeiðið er kennt í fimm lotum og er mætingarskylda í þær allar.

Ath. Nemendur á kjörsviði sjónlista ganga fyrir við skráningu.

Listir, náttúra og samfélag (LVG020G)

Athugið að nemendur á kjörsviðinu Sjónlistir: Myndmennt ganga fyrir þegar hámarksfjölda er náð!

Í námskeiðinu er fjallað um tengsl listar, náttúru og samfélags með áherslu á samtímalist, sjálfbærni og menntun til sjálfbærrar þróunar. Nemendur kynnast hugmyndum listamanna sem vinna með náttúru og samfélag, rannsaka starfshætti þeirra og setja í fræðilegt samhengi. Unnið verður með hugmyndir samtímalistamanna í listrannsóknum og með ólíkar hefðir út frá reynslu og áhuga nemenda. Lögð er áhersla á tilraunir, skapandi ferli og endurnýtingu efna með umhverfisvernd að leiðarljósi.

Markmið og inntak
Nemendur:

• tileinka sér hugmyndafræði námskrár sem byggir á samþættingu lista, náttúru og samfélags,
• þróa eigin listræna tjáningu með fjölbreyttum efnivið og miðlum,
• rökstyðja eigin verk í tengslum við fræðileg og skapandi markmið,
• tengja verkefni sín við kennslu á grunnskólastigi með áherslu á grunnþætti menntunar: sjálfbærni, lýðræði, jafnrétti og menningarlæsi.

Kennslan byggir á fyrirlestrum, umræðum, vettvangsheimsóknum og verkefnavinnu. Áhersla er á sjálfstæð vinnubrögð, skapandi ferli og samstarf.

Vinnulag
Fyrirlestrar, gagnrýnin umræða, vettvangsheimsóknir og verkefnavinna. Nemendum gefst kostur á að vinna með fjölbreytt efnisval, mismunandi tækni og miðla.

Jafnréttisnám og jafnréttisfræði í skólastarfi (FAG101M)

Í námskeiðinu verður fjallað um jafnrétti og jafnréttisfræði og hvernig þau nýtast til að skilja og skipuleggja skólastarf. Þá verður kynnt löggjöf um jafnrétti í skólastarfi og fjallað um tengsl jafnréttis í víðu samhengi við áhrifabreytur svo sem kyn, kyngervi, hinseginleika, fötlun, félagslega stöðu og uppruna. Sérstök áhersla er lögð á að nemendur í námskeiðinu geti greint námsumhverfi, aðferðir og námsefni frá margþættu jafnréttissjónarhorni.

Aðalnámskrá grunn- og framhaldsskóla liggur námskeiðinu til grundvallar og því verður gengið út frá því grundvallarsjónarmiði að menntun um jafnrétti feli í sér gagnrýna skoðun á viðteknum hugmyndum í samfélaginu og að kennarar geti kennt börnum og ungmennum að greina þær aðstæður sem leiða til mismununar sumra og forréttinda annarra.

Áherslan í námskeiðinu miðar að því að nemendur stefni að kennslu á mið- og unglingastigi grunnskóla eða framhaldsskóla.

Aðferðafræði og menntarannsóknir (KME501G)

Viðfangsefni námskeiðsins fela í sér tvennt. Annars vegar er um að ræða þjálfun í rannsóknaraðferðum, meðferð gagna og úrvinnslu þeirra og hins vegar læsi á menntarannsóknir, sem aðrir hafa framkvæmt og niðurstöður þeirra. Í öllum þáttum námskeiðsins er lögð áhersla á þekkingu og skilning á helstu hugtökum og hugmyndum úr aðferðafræði menntarannsókna. Gert er ráð fyrir að nemendur kynni sér þessi hugtök í lesefninu og beiti þeim í verkefnum er tengjast megindlegum, eigindlegum og blönduðum aðferðum, einnig aðferðum við starfendarannsóknir. 

Hugmynda- og þróunarvinna innan list- og verkgreina (LVG101M)

Námskeiðið miðar að því að efla hæfni nemenda í hugmyndavinnu og skapandi þróunarferli innan list- og verkgreina. Nemendur dýpka skilning sinn á eigin viðfangsefni í gegnum verklega vinnu sem byggir á listrannsóknum. Lögð er áhersla á markviss vinnubrögð, sjálfstæði, frumleika og ígrundun.

Kennslan byggist annars vegar á sameiginlegum kjarna þar sem kenndar eru aðferðir og kenningar sem tengjast hugmyndavinnu, nýsköpun og þróun. Hins vegar vinna nemendur að eigin rannsóknarverkefnum. Verkefnin byggja á gagnasöfnun, tilraunavinnu og þróun í gegnum eigin listsköpun. Mikilvægt er að nemendur geti rökstutt niðurstöður sínar og framsett afurðir á faglegan hátt.

Nemendur vinna hluta rannsóknarverkefnis síns í tengslum við Loftskeytastöðina (menningarhús tileinkað Vigdísi Finnbogadóttur), með áherslu á að vinna út frá hugðarefnum hennar. Verkefnið skal þróað í samræmi við viðurkenndar rannsóknaraðferðir innan list- og verkgreina.

Námskeiðinu lýkur með sýningu þar sem nemendur fá þjálfun og reynslu af sýningarferlinu.

Vinnulag: Fyrirlestrar, gagnasöfnun, skrifleg og myndræn skráning, greinargerð, verkleg vinna og gagnrýnin umræða.

Leirmótun, hönnun og teikning (LVG003M)

Athugið að nemendur á kjörsviðinu Sjónlistir: Myndmennt ganga fyrir þegar hámarksfjölda er náð!
Markmið námskeiðsins er að þátttakendur öðlist þekkingu á möguleikum leirs í myndmenntakennslu og leikni til að útfæra hugmyndir sínar á ólíkan sjónrænan máta með mismunandi tækni, aðferðum og efni. 

• Á fyrra hluta námskeiðsins verður farið í ýmsa grunnvinnu í skissugerð og mótun leirs. Einnig kynnast nemendur allri grunnvinnu með glerunga og brennslur.
• Á seinni hluta námskeiðsins vinna þátttakendur sjálfstæð verkefni með áherslu á skapandi vinnubrögð, persónulega nálgun ásamt tilrauna- og rannsóknarvinnu.

Gert er ráð fyrir að nemendur séu virkir í að skrásetja og ljósmynda vinnuferil sinn sem er uppistaða ferilmöppu um námskeiðið sem lögð er fram til mats undir lok námskeiðsins. 

Vinnulag: Fyrirlestrar, sýnikennsla, verkleg vinna, vettvangsferðir, kynningar, umræður, gagnaöflun og skrásetning vinnuferils.

Hönnun sem uppspretta sköpunar (LVG104G)

Námskeiðið er kynning á kennslu og gildi uppeldismiðaðra hönnunar- og handverksgreina: Hönnun og smíði, Textíll og hönnun og Heilsuefling og heimilisfræði. Verkefnahugmyndir eru lagaðar að ólíkum faggreinum námskeiðsins. Áhersla er lögð á þekkingar- og færniþætti frá hugmynd að fullvinnslu í öllum verkþáttum námskeiðsins. Nemendur vinna viðfangsefni sem henta vel í skólastarfi og skrá vinnuferli í ljósmyndum, teikningum og í textaformi.

Kennslufræði handverks og hönnunar í textíl og smíði (LVG206G)

Markmiðið er að undirbúa kennaranema fyrir vettvangsnám í hönnunar- og handverksgreinum með áherslu á kennslufræðilega þætti. Í verkefnavali taka nemendur mið af grunnþáttum menntunar og hæfniviðmiðum faggreinanna í Aðalnámskrá grunnskóla. Í úrvinnslu verkefna er lögð er áhersla á skapandi og fagleg vinnubrögð. Nemendur fá þjálfun í gerð kennsluáætlana, kynnast fjölbreyttum kennsluaðferðum og bera saman ólíkar námsmatsleiðir í faggrein. Nemar halda leiðarbók og skrifa greinargerð um vettvangshluta námsins; áhorf, aðstoð við kennslu, framkvæmd kennsluverkefna og eigin kennslu. Nemar skila ferilmöppu og kynna afrakstur af vettvangsnámi.

Fræðileg skrif og gagnrýninn lestur (ÍET102G)

Meginmarkmið námskeiðsins er að búa nemendur í háskólanámi undir lestur og ritun fræðilegra texta og þjálfa þá í gagnrýnum lestri enda er hvort tveggja grundvallaratriði í öllu háskólanámi.  

Fjallað verður um ýmsar tegundir fræðilegs efnis og framsetningar á því. Nemendur kynnast helstu einkennum fræðilegra skrifa og læra hvað felst í ritstýrðum og/eða ritrýndum textum. Nemendur öðlast þjálfun í að lesa, greina og meta slíka texta. Rætt verður um sjálfstæð, gagnrýnin og heiðarleg vinnubrögð ásamt því sem fjallað verður um höfundarrétt, ritstuld og falsfréttir. 

Nemendur öðlast færni í að vinna efni upp úr fræðilegum texta, svo sem útdrætti, og að flétta saman heimildir við eigin texta. Rætt verður ítarlega um fræðilegar ritgerðir á háskólastigi og nemendur fá þjálfun við gerð slíkra ritgerða. Þá verður fjallað um viðeigandi málnotkun í fræðilegum skrifum og hún þjálfuð. 

Fjallað verður sérstaklega um heimildaleit og heimildamat; gæði heimilda og hvernig greina megi vandaðar heimildir frá óvönduðum. Þá fá nemendur þjálfun í heimildaskráningu. Einnig verða nemendur þjálfaðir í að nota heimildir í eigin skrifum og greina milli eigin raddar og heimildarinnar sjálfrar.

Kennslufræði grunnskóla (KME206G, KME206G)

Námskeiðið miðar að því að kennaranemar öðlist þekkingu og leikni í almennri kennslufræði og hæfni til að kenna grunnskólanemendum.

• Áhersla er á kennsluhætti og kennsluaðferðir í grunnskólum, námsumhverfi og bekkjarstjórnun, og leitað er svara við spurningunni um hvað einkenni árangursríka kennslu.
• Athygli er beint að einkennum aldursstiga grunnskóla, yngsta- mið- og efsta stigi eða unglingastigi, og kynntar leiðir til að örva þroska og koma til móts við ólíkar þarfir nemenda í skóla án aðgreiningar.
• Fjallað verður um samvinnu og samskipti nemenda, teymisvinnu og teymiskennslu kennara, en einnig tengsl heimila og skóla og þátttöku foreldra í námi barna sinna.
• Kennaranemar fá þjálfun í framsögn og raddvernd, tjáningu og framkomu.
• Með vettvangsnámi fær kennaranemi æfingu í að skipuleggja fjölbreytt nám, útfæra kennsluaðferðir, nýta upplýsingatækni og leggja mat á reynslu sína.

Kennslufræði grunnskóla (KME206G, KME206G)

Námskeiðið miðar að því að kennaranemar öðlist þekkingu og leikni í almennri kennslufræði og hæfni til að kenna grunnskólanemendum.

• Áhersla er á kennsluhætti og kennsluaðferðir í grunnskólum, námsumhverfi og bekkjarstjórnun, og leitað er svara við spurningunni um hvað einkenni árangursríka kennslu.
• Athygli er beint að einkennum aldursstiga grunnskóla, yngsta- mið- og efsta stigi eða unglingastigi, og kynntar leiðir til að örva þroska og koma til móts við ólíkar þarfir nemenda í skóla án aðgreiningar.
• Fjallað verður um samvinnu og samskipti nemenda, teymisvinnu og teymiskennslu kennara, en einnig tengsl heimila og skóla og þátttöku foreldra í námi barna sinna.
• Kennaranemar fá þjálfun í framsögn og raddvernd, tjáningu og framkomu.
• Með vettvangsnámi fær kennaranemi æfingu í að skipuleggja fjölbreytt nám, útfæra kennsluaðferðir, nýta upplýsingatækni og leggja mat á reynslu sína.

Íslenska í skólastarfi I (ÍET103G)

Í námskeiðinu verður fjallað um íslenska menningu og bókmenntir í víðum skilningi og þátt þeirra í almennri málnotkun sem og í málheimi ólíkra faggreina innan skólakerfisins. Einnig verður fjallað um máltöku barna og helstu vörður hennar.

Fengist verður við grundvallarhugtök í bókmenntafræði, orðræðugreiningu og menningarfræði og gefin dæmi um fjölbreyttar leiðir og miðla við kennslu sem stuðla að skilningi og áhuga grunnskólanema á eigin menningu og annarra.

Kennaranemar fá tækifæri til að lesa fagurbókmenntatexta úr fortíð og nútíð og setja í samhengi við eigin reynsluheim og kennslu ólíkra faggreina í framtíðinni.

Fjallað verður um fjölbreytta texta, jafnt fagurbókmenntir sem nytjatexta og afþreyingartexta, með það að markmiði að nemendur geri sér grein fyrir því að tungumálið er það verkfæri sem við notum í öllu okkar daglega lífi og námi þvert á námsgreinar. Í námskeiðinu verður leitast við að búa nemendum í hendur verkfæri til að greina texta í umhverfi sínu á sjálfstæðan og gagnrýninn hátt.

Kennaranemar fræðast um máltöku barna og eðli mannlegs máls. Fjallað verður um eðlileg frávik í máli barna en einnig gerð grein fyrir algengustu frávikum í málþroska og tengslum málþroska við læsi og lestrarfærni. Athygli verður beint að breytileika í máli barna á grunnskólaaldri, ólíkri íslenskufærni barna í skóla fjölbreytileikans, sem og viðhorfum til íslensku og erlendra tungumála í skólakerfinu.

Í fyrirlestrum kennara og verkefnum kennaranema verður sjónum beint að því hvernig samþætta má ólíkar námsgreinar grunnskólanna. Þannig verður einblínt á þann þátt kennarastarfsins sem felur í sér að kenna ólíkar námsgreinar á íslensku. Nemendum gefst því tækifæri til að ígrunda þátt tungumálsins í ólíkum greinum, t.d. samfélagsfræði, stærðfræði og raungreinum, erlendum tungumálum, og ekki síst í listgreinum, t.a.m. myndmennt og leiklist.

Íslenska í skólastarfi II (ÍET204G)

Í námskeiðinu verður íslenska og fjölbreyttar birtingarmyndir hennar í forgrunni, með sérstaka áherslu á notkun hennar innan skólastofunnar óháð faggrein, en einnig verður horft til þess hvað einkennir mál hverrar faggreinar og orðaforða hennar.  

Fjallað verður um mál kennaranema sjálfra og hvernig þeir lærðu það. Einnig verður komið inn á málnotkun kennaranema og hvernig þeir laga sig að aðstæðum, hvort sem er í óformlegu spjalli á samfélagsmiðlum eða í formlegri ritun, og það sett í samhengi við þau málsnið sem kennari þarf að nota þegar hann talar við nemendur við ólíkar aðstæður. Í tengslum við það fá kennaranemar þjálfun í að fjalla um eigin málnotkun og annarra með viðeigandi hugtökum.

Orðaforði málsins og þrískipting hans verður til sérstakrar umfjöllunar, þar sem lagt verður upp úr því að tengja við hugtakanotkun og málfar ólíkra námsgreina grunnskólans og kennslu þeirra, og þá ekki hvað síst með tilliti til ólíkrar getu grunnskólanema í tungumálinu, hvort sem um er að ræða nemendur með íslensku sem fyrsta eða annað mál.

Stærðfræði í kennaranámi (SNU204G)

Á námskeiðinu styrkja nemar tök sín á völdum þáttum úr stærðfræði, þar á meðal talnafræði og rúmfræði. Jafnframt er fjallað um talnaritun og reikning.

Áhersla er lögð á fjölbreytni og sjálfstæði í leit að lausnum á stærðfræðilegum þrautum. Nemendur kynnist því  hvernig fjölbreyttar leiðir í kennslu geta stuðlað að auknum skilningi nemenda á stærðfræðilegum hugtökum.

Að læra og kenna stærðfræði (SNU101G)

Á námskeiðinu kynnast kennaranemar meginmarkmiðum náms í stærðfræði í grunnskóla.

• Fjallað er um hvað felst í stærðfræðinámi og hvernig styðja má grunnskólanemendur við stærðfræðinám.
• Nemendur kynnast hvernig fjölbreyttar leiðir í kennslu geta stuðlað að því að skilningur nemenda á stærðfræðilegum hugtökum styrkist.
• Fjallað er um hlutverk stærðfræðikennarans og hæfni sem hann þarf að búa yfir.
• Nemar kynnast beitingu upplýsingatækni við nám og kennslu.
• Lögð er áhersla á að nemar læri að vinna saman að lausn stærðfræðiverkefna og kennslufræðiverkefna.
• Nemar vinna verkefni í hverjum tíma í námskeiðinu.

Inngangur að kennslufræði grunnskóla (KME102G)

Um er að ræða inngangsnámskeið í kennslufræði, ætlað verðandi grunnskólakennurum. Hér eru hugmyndir, aðferðir og hugtök kynnt til sögunnar, sem fá svo ítarlegri umfjöllun og meðferð í síðari kennslufræðinámskeiðum (NK-námskeiðum). Meginmarkmið er að veita nemendum innsýn í kenningar og rannsóknir um nám og kennslu í skóla án aðgreiningar, auk þess að gefa mynd af störfum og starfsumhverfi grunnskólakennara. Áhersla er lögð á tengsl við starfsvettvang og að nemendur tengi viðfangsefni námskeiðsins eigin reynslu og viðhorfum og leggi grunn að eigin starfskenningu. Farið er í 15 klst. vettvangsnám þar sem nemendur kynnast starfi grunnskóla. 

Mikilvægar hugmyndir, hugtök og viðfangsefni: Námskenningar, menntarannsóknir, nám-nemandi-námsaðstæður, kennsluhættir og kennsluáætlanir, samskipti og samstarf, kennarinn sem fagmanneskja, starfskenning og starfsuhverfi kennara, lagarammi, reglugerðir og námskrár sem snerta skyldunám.

Vinnulag: Fyrirlestrar, málstofur, skapandi viðfangsefni og margvísleg verkefni unnin einstaklingslega eða í samvinnu við aðra. Tengsl við vettvang.

Námskrá og námsmat (KME402G)

Námskeiðið miðar að því að nemendur öðlist þekkingu, leikni og hæfni sem snýr að námskrárfræðum og námsmati og geti beitt þekkingu sinni á því í skólastarfi. 

Nemendur kynnast lykilhugtökum námsmats- og námskrárfræða. Fjallað er um áherslur og hugmyndastefnur sem greina má í opinberum námskrám, lögum, reglugerðum og öðrum stefnuritum. Þætti sérfræðinga (kennara, stjórnenda og fleiri) í námskrárgerð og þróun skólanámskrár eru gerð skil og þar með einnig við gerð námsáætlana fyrir námshópa, bekki eða einstaka nemendur.

Fjallað er um forsendur, tilgang og aðferðir við mat á námi og námsárangri (sbr. leiðsagnarmat, lokamat, gerð prófa og annarra matstækja og notkun einkunna og vitnisburða). Lögð er áhersla á að nemendur kynnist helstu hugtökum og aðferðum í námsmatsfræðum.

Nemendur lesa og ræða einnig um álitamál og ólíka hugmyndafræðilega strauma sem tengjast grundvallarspurningum um tilgang og markmið skyldunáms.

Vinnulag á námskeiðinu felst í lestri greina og bókakafla, fyrirlestrum, kynningum, umræðum í málstofum og hópverkefnum.

Kennslufræði hönnunar og smíða II (LVG014G, LVG015G)

Markmið: Að undirbúa nemendur fyrir vettvangsnám  í námsgreininni hönnun og smíði. 

Inntak / viðfangsefni: Vettvangsnám á misserinu er undirbúið með verkefnavali, verkefnatilraunum og gerð kennsluverkefna. Markmið og kennslufræði hönnunar smíðakennslu eru tekin til umfjöllunar ásamt fagnámskrá. Sérstök áhersla er lögð á vinnu með börnum í grunnskóla. Nemar fá þjálfun í að semja kennsluáætlanir og smíða verkefnadæmi sem miðuð eru við ákveðna verkþætti, aldur og þroska barna. 

Vinnulag: Fyrirlestrar og verklegur undirbúningur fyrir vettvangsnám. Nemar sitja fyrirlestra um ýmis kennslufræðileg efni valgreinarinnar. Kennslufræði nýsköpunar gerð sérstaklega skil. Nemendur vinna verkefni sem tengjast vettvangsnámi þeirra.

Lesið í skóginn og tálgað í tré (LVG014G, LVG015G)

Markmið: Að nemendur kynnist hvernig hægt er að nýta skóginn í kennslu og læri helstu vinnubrögð við gerð hluta úr íslensku efni. 

Inntak / viðfangsefni: Megináherslan er lögð á verklega þáttinn þar sem nemendur vinna með blautt og þurrt efni úr íslenskum skógum. Kennd verða helstu vinnubrögð í tálgun, bæði með hníf og exi. Einnig verða kennd grundvallaratriði í viðar- og vistfræði og kannað hvernig hægt er að nýta sér form og eiginleika íslenskra viðartegunda. Farið verður í vettvangsferð í skóg í nágrenninu og hugað að efnisöflun og útikennslu í skógi. Kynnt verður skólaverkefnið Lesið í skóginn, samþætt kennsluverkefni um íslenska skóga og nýtingu þeirra.

Nemendur á kjörsviði hönnunar og smíða fá sérstakan undirbúning fyrir kennslu á vettvangi með tilheyrandi verkefnum. 

Vinnulag: Verkleg þjálfun og fyrirlestrar. 

Silfursmíði (LVG306G, LVG601G, LVG203G)

Markmið

1. Nemar hljóti þekkingu og þjálfun í smíði hluta úr góðmálmum sem þeir hanna og teikna sjálfir.
2. Nemendur þjálfist í að útfæra hugmyndir og hanna í samvinnu við kennara.
3. Nemar þjálfist í grunnvinnubrögðum silfursmíðarinnar.
4. Nemendur geti kennt, skipulagt og sett upp aðstæður fyrir kennslu í grunnskóla. 

Inntak / viðfangsefni:
Námskeiðið byggir á hönnun og smíði skart- og nytjahluta úr góðmálmum, sérstaklega silfri. Áhersla er á listrænar útfærslur og formhönnun. Námskeiðið byggir á hönnun og smíði skart- og nytjahluta úr góðmálmum, sérstaklega silfri. Áhersla er á listrænar útfærslur og formhönnun. 

Nemar hanna og smíða einfalda skart- og nytjahluti úr góðmálmum. Á námskeiðinu verður kennd fatningasmíði eða að smíða utan um eðalsteina.  Kennt að móta nokkra hluti úr plasti með mismunandi tækni. Stefnt er að því að þeir nái tökum á grunnverkþáttum silfursmíðinnar svo sem sögun, þjölun, hömrun, kúbun, póleringu, tin- og silfurkveikingum og litun málma. Efnisfræði málma er gerð sérstök skil. 

Dæmi um verkefni gætu verið nælur, hálsmen, hringar, eyrnalokkar, beltissylgjur. nytjahlutir svo sem skeið eða skál úr silfri, formaður hringur með fatningu, uppslegið armband og skúlptúr. 

Vinnulag: Verkleg þjálfun og fyrirlestrar. 

Hönnun glerhluta (LVG306G, LVG601G, LVG203G)

Nemendur læra mismunandi tækni og vinnubrögðum við mótun glers. Áhersla er á listrænar útfærslur list-, skart- og nytjahluta.

Markmið
Að kennaranemar kynnist mismunandi aðferðum við glervinnu og hljóti þjálfun í að vinna með og kenna í grunnskólum.

Inntak / viðfangsefni
Unnið er með steint (tiffany's) gler, bræðslugler (flotgler) og mósaík. Verkefnin geta verið t.d. gluggaskreytingar, skálar, bakkar, lágmyndir og skúlptúrar o.fl. Lögð er áhersla á frumleika og hönnun. Kennd verður gerð glermóta í fíber eða önnur efni og kannað hvaða möguleikar eru fyrir hendi varðandi litun og skreytingar á glerhlutum. Einnig verður reynt að tengja önnur efni glerinu í hönnunarverkefnum s.s. tré og plast.

Vinnulag
Verkleg þjálfun er undirstaða námsins en að öðru leyti fer kennsla fram í fyrirlestrum, umræðu- og leiðsögutímum. Nemendur gera verkefnamöppu auk glerhluta.
Reikna má með staðlotu fjarnema á miðri önn auk þeirrar sem er í upphafi annar. Verkefnin eru unnin að miklu leyti í staðlotunum. Veraldarvefurinn er hagnýttur eins og kostur er.

Hönnun nytjahluta (LVG306G, LVG601G, LVG203G)

Námskeiðið er inngangsnámskeið fyrir nemendur sem velja kjörsviðið hönnun og smíði og hentar einnig öðrum sem vilja kynna sér hönnun og smíði nytjahluta.

Markmið
Nemar hljóti þekkingu á og þjálfun í smíði hluta sem þeir hanna og teikna sjálfir.

Inntak / viðfangsefni
Áhersla er lögð á nytjahluti úr tré. Fjallað verður um nýtingu á íslenskum skógi og sjálfbæra þróun í hönnun. Unnið er m.a. með þætti sem tengjast gömlu handverki. Verkfæra- og viðarfræði er felld inn í þá verkþætti sem fengist er við hverju sinni. Sérstök áhersla er lögð á notkun véla og verkfæra ásamt öryggi og heilsuvernd. Fjallað verður um hönnun nytjahluta í daglegu umhverfi sem byggja á tæknilegri virkni og undirstöðuatriði í formhönnun. Einnig kynnast nemendur öðrum smíðaefnum. Verkleg þjálfun er undirstaða námsins.

Vinnulag
Vinnulag í staðnámi: Verkleg þjálfun er undirstaða námsins en að öðru leyti fer kennsla fram í fyrirlestrum og umræðu- og leiðsögutímum. 80% sóknarskylda.

Vinnulag í fjarnámi: Verkefni eru send í tölvupósti og sett upp á vefsíðu hönnunar og smíða. Nemendur skila eins miklu af verkefnum sínum í gegnum tölvusamskipti og unnt er. Sérstök áhersla verður lögð á öryggisþætti er tengjast vinnu kennara og barna í hönnun og smíði og fræðslu um skyndihjálparþætti.

Kennslufræði hönnunar og smíða I (LVG007G, LVG501G)

Markmið: Að undirbúa nemendur fyrir vettvangsnám  í námsgreininni hönnun og smíði. 

Inntak / viðfangsefni: Vettvangsnám á misserinu er undirbúið með verkefnavali, verkefnatilraunum og gerð kennsluverkefna. Markmið smíðakennslu eru tekin til umfjöllunar ásamt fagnámskrá. Sérstök áhersla er lögð á vinnu með börnum í grunnskóla. Nemar fá þjálfun í að semja kennsluáætlanir og smíða verkefnadæmi sem miðuð eru við ákveðna verkþætti, aldur og þroska barna. 

Vinnulag: Fyrirlestrar og verklegur undirbúningur fyrir vettvangsnám. Nemar sitja fyrirlestra um ýmis kennslufræðileg efni námsgreinarinnar. Kennslufræði nýsköpunar gerð sérstaklega skil. Nemendur vinna verkefni sem tengjast vettvangsnámi þeirra.

Hönnun og smíði leikfanga (LVG007G, LVG501G)

Markmið:
a) Að kenna almennan feril hönnunar;
b) Að hanna og smíða leikföng fyrir börn á ýmsum aldri;
c) Að þjálfa nemendur í þrívíddarhönnun. 

Lýsing: Námskeiðið er hugsað fyrir nemendur sem vilja læra að hanna og smíða þroskaleikföng bæði fyrir kornabörn, leikskólabörn og börn í grunnskóla. Lögð er áhersla á gerð verkefna sem nemendur geta bæði nýtt í skólastarfi og í eigin lífi. Nemendur kynnast einnig hagnýtingu tölvustuddar hönnunar og framleiðslu við þróun verkefna. Unnið er með fjölbreytt smíðaefni. Námskeiðið hentar öllum þeim er vilja leggja áherslu á skapandi skólastarf, bæði innan list- og verkgreina, í almennu skólastarfi og í leikskóla. 

Inntak / viðfangsefni

A. Hönnun leikfanga
a) Nemendur þurfa að hanna og teikna leikföng;
b) Nemendur læra að teikna í tölvu, málsetja vinnuteikningar og gefa þrívíðum hlutum efnisáferðir.
c) Kynnt verður tölvustudd framleiðsla og nokkur verkefni gerð í tölvustýrðum fræsara. 

B. Smíði leikfanga
a) Nemendur hanna og smíða verkefni svo sem hreyfileikföng, spil og leikföng sem byggja á hagnýtingu einfaldra rafrænna lausna;
b) Lögð er áhersla á að þátttakendur noti fjölbreytt smíðaefni og náttúruleg yfirborðsefni; 

Vinnulag: Fyrirlestrar, verkstæðisvinna í tölvu- og smíðastofu.. 

Listir I: Leiklist, myndlist, tónlist (LVG105G, LVG207G)

Viðfangsefni:  Nemendur kynnast þýðingu lista í námi barna og unglinga. Umfjöllun um leiklist, tónlist og myndlist í skólastarfi. Verkleg viðfangsefni eru þróuð út frá hugmyndum nemenda.

Vinnulag: Fjölbreyttar smiðjur sem byggja á mismunandi kveikjum og margvíslegri úrvinnslu.

Listir II: Leiklist, myndlist, tónlist (LVG105G, LVG207G)

Viðfangsefni:  Nemendur halda áfram að kynnast þýðingu lista í námi barna og unglinga. Umfjöllun um leiklist, tónlist og myndlist í skólastarfi á vettvangi. Fjallað verður um samþættingu listgreinanna og hvernig hægt er að vinna með myndir, hljóð, texta og sviðsetningu í skólastarfi

Vinnulag: Fjölbreyttar smiðjur sem byggja á mismunandi kveikjum og margvíslegri úrvinnslu.

Fatahönnun (LVG004G)

Lögð er áhersla á formsköpun fatnaðar og sóttar hugmyndir í ólík þemu með tengingu við sögu og samtíma. Nemendur nýta mismunandi textílhráefni, efnis- og garntegundir, munstur- og litamöguleika sem skapandi uppsprettu eigin hugmynda og verka. Gerðar eru vinnuskýrslur og greinargerðir yfir afrakstur námskeiðsins með tengingu við kennslufræðilegar áherslur og kennsluverkefni.

Textíll og hönnun: Kennslufræði í fatahluta og vettvangsnám (LVG005G)

Markmiðið er að undirbúa kennaranema fyrir vettvangsnám í textílkennslu með áherslu á fatahluta námsgreinarinnar. Nemar kynnast námskrám, námsframboði og starfsumhverfi kennara í grunn- og framhaldsskólum og tengingu faggreinarinnar milli skólastiga. Markmiðið er að kennaranemar geti tengt og rökstutt gildi og mikilvægi faggreinarinnar fyrir áframhaldandi nám og atvinnulíf. Lögð er áhersla á að nemar þekki til aðferðafræði fatahönnunar frá hugmynd að lokaafurð og þekki vel til náms- og kennslubóka sem nýttar eru í kennslu í efnisgerð, fatagerð og vélsaumi. Unnið er með eigin hugmyndir að aldursmiðuðum kennsluverkefnum og tekið mið af hæfniviðmiðum faggreinar í námskrá, lykilhæfni og grunnþáttum menntunar með áherslu á sköpun, sjálfbærni og læsi. Nemar fá þjálfun í vinnulagi við kennsluverkefnagerð; verkefnalýsingar, verkefnaleiðbeiningar, innlagnir og sýnikennslu, gerð kennsluáætlana og vali á námsmatsleiðum. Nemar halda leiðarbók og skrifa greinargerð um vettvangshluta námsins; áhorf, aðstoð við kennslu, framkvæmd kennsluverkefna og eigin kennslu. Nemar skila ferilmöppu og kynna afrakstur af vettvangsnámi.

Textíll og hönnun: Kennslufræði í textílhluta og vettvangsnám (LVG013G)

Markmiðið er að undirbúa kennaranema fyrir vettvangsnám í textílkennslu með áherslu á textílhluta námsgreinarinnar. Lögð er áhersla á að nemar þekki til helstu kenningasmiða og aðferðafræði hönnunar og geti tengt það við kennslufræðilegar áherslur í faggreininni. Nemar kynnast náms- og kennslubókum faggreinar og fjölbreytileika textílaðferða og tengja það við skapandi vinnuframlag og mismunandi kennsluaðferðir. Unnið er með eigin hugmyndir að aldursmiðuðum kennsluverkefnum og tekið mið af hæfniviðmiðum faggreinar í námskrá, lykilhæfni og grunnþáttum menntunar með áherslu á sköpun, sjálfbærni og læsi. Nemar fá þjálfun í vinnulagi við kennsluverkefnagerð; verkefnalýsingar, verkefnaleiðbeiningar, innlagnir og sýnikennslu og gerð kennsluáætlana. Nemar kynnast námsmatsleiðum sem hæfa mismunandi textílaðferðum. Nemar halda leiðarbók og skrifa greinargerð um vettvangshluta námsins; áhorf, aðstoð við kennslu, framkvæmd kennsluverkefna og eigin kennslu. Nemar skila ferilmöppu og kynna afrakstur af vettvangsnámi. 

Textílhönnun (LVG012G)

Lögð er áhersla á tilrauna- og þróunarvinnu í munsturgerð og grunnaðferðum, eins og til dæmis saumi, prjóni, hekli, vefnaði, útsaumi, þrykki og fleiri aðferðum. Markmiðið er að vinna með skapandi hugsun, frumleika og listræna nálgun í viðfangsefnum. Nemendur vinna verkefni samkvæmt aðferðum nýsköpunar og hönnunar.  Gerðar eru vinnuskýrslur og greinargerðir yfir afrakstur námskeiðsins með tengingu við kennslufræðilegar áherslur og kennsluverkefni.

Textílaðferðir (LVG021G)

Nemendur kynnast fjölbreytileika textíls innan handverks, iðnaðar og list. Þjálfuð eru grunntækni textílaðferða með áherslu á tilrauna- og þróunarvinnu í handverki aðferðanna. Nemendum er kynnt söguleg tenging textíla með áherslu á íslenska textílarfleifð og erlenda og hvernig sú þekking og nálgun getur orðið uppspretta nýrra hugmynda og verka. Í lokaverkefnum er unnið með blandaða tækni og lögð áhersla á skapandi og faglega nálgun og vönduð vinnubrögð. Þjálfað er vinnulag frá hugmynd til fullvinnslu með áherslu á sjálfbærni, endursköpun, endurnýtingu og nýsköpun. Nemendur skila fræðilegri greinargerð sem inniheldur umfjöllun og rök fyrir verkefnavali, efnisvali, úrvinnslu, framkvæmd og niðurstöðu. Nemendur tengja vinnu og afrakstur námskeiðsins við kennslufræðilegar áherslur og  kennsluverkefni.

Nýsköpun í textíl (LVG001G)

Nemendur velja viðfangsefni og vinna að rannsóknum og tilraunum frá þörf og lausn yfir í hönnun afurðar. Unnið er með nýsköpunarferlið í formi lausnamiðaðrar þarfagreiningar á skapandi og gagnrýninn hátt. Nemendur kanna og gera tilraunir með nýjar aðferðir og leiðir að fullvinnslu afurða  með áherslu á sjálfbærni. Nemendur taka þátt í sýningu og skila fræðilegri greinargerð sem inniheldur rök fyrir verkefnavali og nýsköpunargildi textílaðferða og lokaafurða. Nemendur tengja gildi nýsköpunar og sjálfbærni fyrir menntun og daglegt líf.

Samspil lífvera og umhverfis (SNU004G, SNU203G)

Á námskeiðinu er fjallað um grunnhugtök og meginþætti vistfræðinnar með áherslu á samspil lífvera og umhverfis. Nemendur kynnast eðli og gerð vistkerfa, þar á meðal flæði orku, hringrásum efna, stöðugleika og framvindu vistkerfa. Fjallað er um samfélög lífvera, tengsl þeirra sín á milli og við umhverfi sitt, auk stofnabreytinga og líffræðilegs fjölbreytileika.

Sérstök áhersla er lögð á mikilvægi líffjölbreytileika og sjálfbærrar þróunar, sem og á áhrif mannlegra athafna á náttúru og umhverfi. Tekin eru fyrir dæmi um íslensk vistkerfi, einkenni þeirra, sérstöðu og vistfræðilegt gildi, ásamt helstu umhverfisáskorunum á Íslandi og á heimsvísu.

Námskeiðið leggur áherslu á hvernig nálgast megi vistfræðileg viðfangsefni í kennslu unglinga á grunnskólastigi. Rýnt er í mikilvægi rannsóknarmiðaðs náms, skapandi náms og útináms til að efla skilning nemenda á vistfræðilegum hugtökum og tengja þau við daglegt líf og samfélagslega ábyrgð. Nemendur fá reynslu af að skipuleggja útikennslu og umhverfismennt þar sem náttúrutúlkun, tengsl lífvera og áhrif mannsins á náttúru eru í forgrunni.

Lífeðlisfræði (SNU004G, SNU203G)

Á námskeiðinu verður fjallað um gerð fruma og skiptingu, um vefi, líffæri og starfsemi þeirra. Þá verður fjallað um heilbrigðisuppeldi og varnir, ábyrgð og skilning einstaklingsins á eigin líkama. Áhersla verður lögð á að kynna fjölbreyttar leiðir sem nota má í kennslu um viðfangsefnin.

Hin lifandi náttúra í nærumhverfinu (SNU017G, SNU105G)

Á námskeiðinu verður sérstök áhersla á hina lifandi íslensku náttúru sem kemur fyrir í daglegum reynsluheimi nemenda. Í því samhengi verður lögð sérstök áhersla á staðbundið nám (place-based education). Sjónum verður beint að möguleikum í verklegum viðfangsefnum í útinámi barna og ungmenna í nærumhverfi skóla, en viðfangsefnin einnig tengd við athafnir innan skólastofu. Ýmsar leiðir til að rannsaka hina lifandi náttúru verða kynntar, svo sem skoðun og greining á plöntum sem og aðferðir við að safna smádýrum og greiningar á lífverum æfðar. Nemendur fá einnig reynslu af að skipuleggja útikennslu. Þá verður nemendum kynnt tækifæri sem notkun upplýsingatækni veitir til að efla áhuga og forvitni um náttúruna.  Verklag mun taka mið af því að nemendur kynnist fjölbreyttum kennsluaðferðum sem reynst hafa árangursríkar í náttúrufræðikennslu. Námskrá og námsefni grunnskóla sem tengist viðfangsefni námskeiðsins verður einnig skoðað.

Á dagskrá verða plöntur, fuglar, smádýr, ferskvatns- og fjörulífverur með áherslu á búsvæði þeirra og aðlögun að umhverfi sínu.

Að kenna efna- og varmafræði (SNU017G, SNU105G)

Fjallað verður um hugtök og kenningar á sviði efnafræði og varmafræði sem kennd eru í grunnskólum og leiðir til að kenna þessa þætti til skilnings með mikla áherslu á verklegar tilraunir og athuganir. Þá verður nemendum kynnt tækifæri sem notkun upplýsingatækni veitir til að efla áhuga og forvitni um náttúruna. Á námskeiðinu verður fjallað um uppbyggingu efna, efnabreytingar, frumeindakenninguna og lotukerfið, varmaorku og hitastig, varmaflutninga, nýting varmaorku og orkuferli sem tengjast efnabreytingum.

Náttúruvísindamenntun – Hugmyndir nemenda, verklegt og virk þátttaka (SNU208G, SNU012G)

Á námskeiðinu er fjallað um grunnþætti kennslufræði náttúruvísinda í grunnskóla með áherslu á verklega kennslu, athuganir og tilraunir, notkun upplýsingatækni og fjölbreyttar leiðir til að efla skilning og áhuga nemenda. Nemendur kynnast hugmyndum um hversdagshugmyndir, mishugmyndir og hugtakanám í náttúruvísindum á yngsta stigi, miðstigi og unglingastigi. Skoðaðar eru leiðir til að skipuleggja kennsla í ljós námsáskorana sem hversdagsleg reynsla nemenda og málheimur valda.

Fjallað er um notkun sýndartilrauna, skapandi miðlunar og stafrænnar tækni í kennslu, sem og um ávinning og áskoranir tengdar útikennslu og útinámi. Vettvangsnám er samþætt námskeiðinu og nemendur nýta hluta námsins (2 Ve) í grunnskóla, þar sem þeir tengja fræðilegt inntak námskeiðsins við skipulagningu, framkvæmd og ígrundun kennslu í náttúruvísindum. Áhersla er lögð á virka þátttöku, verklega vinnu og ígrundun sem grunn að áframhaldandi námi í náttúruvísindakennslu.

Að kenna um rafmagn og segulmagn (SNU208G, SNU012G)

Í þessu námskeiði verða þátttakendur búnir undir að kenna um rafmagn og segulmagn. Þetta er gert með því að styrkja bæði þekkingu nema á viðfangsefnunum og á kennsluhugmyndum sem þeim tengjast. Jafnframt verður skoðað hvernig fyrirbæri tengd þessum hugtökum birtast í manngerðu og náttúrulegu umhverfi. Áhersla verður lögð á að tengja viðfangsefnin við hugmyndir og reynslu þátttakenda. Fjallað verður um rannsóknir á hugmyndum barna og unglinga um viðfangsefnin og mögulegar leiðir til að tengja með kennslu þessi viðfangsefni við reynsluheim og hugmyndir barna og unglinga. Fjallað verður um kennslu náttúrufræðilegra viðfangsefna námskeiðsins, skoðaðar kennslubækur og verklegar athuganir. Náttúrufræðileg viðfangsefni námskeiðsins eru: Rafmagn, rafhleðslur, rafkrafta, stöðurafmagn, rafstrauma, segulmagn, segulkraftar, víxlverkun rafmagns og segulmagns, og framleiðsla og nýting rafmagns.

Nám og náttúruvísindi á 21. öld (SNU009G, SNU209G)

Rædd verða valin viðfangsefni varðandi náttúruvísindamenntun og þróun hennar á 21. öld. Fjallað verður um gildi náttúruvísindamenntunar og mismunandi markmið náttúruvísindanáms. Fjallað verður um eðli náttúruvísindalegrar þekkingar, aðferðir náttúruvísinda og leiðir til að efla skilning grunnskólanema á eðli náttúruvísinda. Rýnt verður í stöðu náttúruvísindamenntunar á Íslandi og skoðaðir styrkleikar og veikleika þeirrar menntunar samkvæmt niðurstöðum íslenskra rannsókna og alþjóðlegra mælikvarða. Í því ljósi verður rætt um hvaða áskorunum við stöndum helst frammi fyrir og hvaða leiðir gætu reynst vænlegar til úrbóta. Skoðaðar verða bæði nýjungar í skólastarfi og þekktar leiðir sem reynsla er komin á. Einnig verður skoðuð nýsköpun í náttúruvísindum á Íslandi og hagnýting náttúruvísindanna.

Fjallað verður um: 

• Eðli vísindalegrar þekkingar og vísindaleg heimspeki 
• Stefnumótun og námskrárgerð í tengslum við 21. aldar hæfni  
• Hvernig náttúruvísindi nýtast í nýsköpun?  
• Hvers vegna náttúruvísindanám er mikilvægt og hvaða starfsmöguleikar tengjast náttúruvísindum? Hagnýting náttúruvísinda.  
• Námskrár náttúruvísindamenntunar

Jörðin og lofthjúpurinn (SNU009G, SNU209G)

Á námskeiðinu er fjallað um innri gerð jarðar, jarðskorpuhreyfingar og áhrif innrænna (eldvirkni) og útrænna afla (veðurfar og vatn) á mótun landsins, bergtegundir, eldgos og jarðskjálfta. Stöðu jarðarinnar í sólkerfinu, árstíðaskipti, dægraskipti og grundvallar orkuferli jarðar. Fjallað um veður og loftslag. Kynntar verða hugmyndir að kennslu jarðfræðilegra viðfangsefna og rannsóknir sem þeim tengjast. Þá verður sjónum meðal annars beint að möguleikum sem felast í útinámi með skoðun á jarðfræðilegum fyrirbærum.

Danska sem erlent mál (ÍET201G, ÍET501G)

Námskeiðið miðar að því að veita nemendum innsýn í einstakar aðstæður dönskukennslu í íslenskum grunnskólum. Við munum kanna grundvallarhugtök og kenningar sem tengjast máltöku, sem eiga sérstaklega við um kennslu erlendra tungumála. Að auki munum við samræma fræðileg markmið og markmið fyrir dönskukennslu á Íslandi við kenningar um máltöku og kennslufræði erlendra tungumála. Í námskeiðinu verður einnig skoðað hvernig sjónarmið kennara varðandi nám og tungumál birtast í kennslustofum þar sem danska er kennd.

Daglegt mál og tjáning á dönsku (ÍET201G, ÍET501G)

Meginmarkmið námskeiðsins er að kennaranemar öðlist þekkingu og skilning á þeim reglum sem lúta að munnlegri tjáningu og færni í að beita töluðu máli rétt og eðlilega við ýmsar aðstæður.

Kennaranemar verða þjálfaðir í að beita málinu við ýmsar aðstæður. Áhersla er lögð á að þjálfa þá í að taka þátt í umræðum, lesa upp, segja frá og segja sögur. Fjallað verður um ýmsa þætti í töluðu máli, svo sem framburð einstakra hljóða, áherslur, ítónun og sérstaklega þau atriði sem Íslendingar eiga erfitt með að ná. Fjallað verður um muninn milli ritmáls og talmáls. Sérstaklega verður fjallað um nemendamiðaða kennslu og nemendur verða þjálfaðir í að útbúa munnleg verkefni handa nemendum. Kennaranemar kynna sér námsefni og ítarefni, bæði í rituðu máli og á vef. Ígrundun er snar þáttur í náminu og liður í að þróa starfskenningu þeirra.

Inngangur að enskukennslu (ÍET202G, ÍET402G)

Farið verður yfir þróun tungumálakennslu undanfarinna áratuga og sjónum einkum beint að þekkingu og skilningi á þeim straumum og stefnum sem nú eru efst á baugi. Fjallað verður um hugtök, kenningar, aðferðir og þá þætti sem stuðla að fagmennsku tungumálakennarans og nemendur öðlast reynslu í að ígrunda eigin afstöðu og hugmyndir. Kynntar verða rannsóknir á tungumálanámi og kennslu og fjallað sérstaklega um nemendamiðaða kennslu.

Námskrá í ensku verður yfirfarin og greind. Kennaranemar fá tækifæri til að skoða og meta kennslu á myndböndum og þjálfast í að ígrunda eigin hugmyndir um kennslu og eigin reynslu af tungumálanámi.

Vinnulag:
Vinna í námskeiðinu krefst virkrar þátttöku og mikið verður lagt upp úr lestri nemenda og úrvinnslu úr lesefni, umræðum, hópa- og einstaklingsvinnu og dæmakennslu.

Enskukennsla fyrir unga byrjendur (ÍET202G, ÍET402G)

Viðfangsefni:

Fjallað verður um markmið, leiðir og aðferðir, einkum þær sem tengjast hlustun, töluðu máli, leikjum, söngvum og leikrænni tjáningu. Einnig verður fjallað um lestur, orðaforða, ritun og námsmat að því marki sem hæfir ungum byrjendum. Lögð verður áhersla á að viðfangsefni barna í tungumálanámi þurfi að vera í samræmi við þroska þeirra. Námskrá og námsefni verður skoðað og nemar fá þjálfun í skipulagningu kennslustunda og þemavinnu. Hugað verður að leiðum til að samþætta enskukennslu öðrum námsgreinum. Hluti þessa námskeiðs fer fram á vettvangi yngri bekkja grunnskólans. Í vettvangsnáminu fá kennaranemar þjálfun í gerð kennsluáætlana og þjálfun í að leggja fyrir verkefni af ýmsum toga sem taka mið af þörfum byrjenda. Ígrundun er snar þáttur í náminu og liður í að þróa starfskenningu kennaranema.

Vinnulag:
Vinna í námskeiðinu krefst virkrar þátttöku og mikið verður lagt upp úr lestri og úrvinnslu úr lesefni, umræðum, hópa- og einstaklingsvinnu og dæmakennslu.

Íslenska sem kennslugrein I (ÍET104G, ÍET205G)

Í námskeiðinu verður lagður grunnur að fræðilegri þekkingu verðandi íslenskukennara á  íslenskum bókmenntum til undirbúnings kennslu þeirra í grunnskóla. Lögð verður áhersla á að efla nemendur sem sjálfstæða lesendur bókmennta af fjölbreyttu tagi. Einnig verður fengist við talað mál, hlustun, áhorf, lestur og ritun á fræðilegum grundvelli og með hagnýtum verkefnum. Í námskeiðinu er fjallað um virka hlustun og virkt áhorf og nemendur þjálfaður í að miðla þekkingu sinni í töluðu máli og til að nýta fjölbreytta miðla til að efla þessa þætti hjá sjálfum sér.

Fjallað verður um samtímabókmenntir fyrir börn og fullorðna sem og frásagnir í öðrum miðlum svo sem í leikhúsi og kvikmyndum.  Unnið verður með almennar greiningaraðferðir og læsi þjálfað til skilnings og túlkunar. Lögð verður áhersla á hvernig textar geta skapað umræðu um siðferðileg hugtök og álitamál. Jafnframt verða bókmenntatextar lesnir með það fyrir augum að nemendur njóti þeirra og deili lestrarreynslu sinni með öðrum.

Kennaranemar fást við að greina talmál frá ritmáli á fræðilegan hátt og þjálfast í að vinna með ólíkar gerðir talaðs máls og texta á mismunandi textasviðum.

Íslenska sem kennslugrein II (ÍET104G, ÍET205G)

Í námskeiðinu verður lögð áhersla á hagnýtingu fræðilegrar þekkingar kennaranema í íslensku. Nemendur verða þjálfaðir í fjölbreyttum leiðum og aðferðum við íslenskukennslu sem eiga að stuðla að auknum skilningi og áhuga á viðfangsefnum í íslensku. Einnig verður fjallað um skipulag og undirbúning kennslu sem og námsmats.

Fjallað verður um þá þætti í íslenskukennslu sem snúa að málfræði og ritun. Einnig verður fjallað um grunnþætti menntunar og hvernig kennaranemar geta fléttað þá inn í íslenskukennslu sína. Áhersla verður lögð á þjálfun í að vinna með hæfniviðmið og matsviðmið fyrir íslensku og stuðla að stígandi í kennslu í meginþáttum kennslugreinarinnar. 

Kennaranemar fá æfingu í að nálgast viðfangsefni sín í íslenskukennslu á gagnrýninn hátt og að hagnýta sér rannsóknir og fræðileg skrif. Þeir hljóta einnig reynslu af því að vinna á gagnrýninn hátt með fyrirliggjandi kennsluefni og bera saman við núgildandi aðalnámskrá í því augnamiði að þróa eigin kennslu og kennsluhætti. Jafnframt verður til umfjöllunar samþætting íslensku við aðrar faggreinar.

Fjallað verður um hvernig kennarar geti skipulagt kennslu út frá forsendum fjölbreytts nemendahóps þannig að grunnskólanemar fái tækifæri til að nálgast viðfangsefni í íslensku út frá eigin reynslu og áhugasviðum.

Í námskeiðinu eru vettvangseiningar og nemendur fara á vettvang í grunnskóla. Viðfangsefni námskeiðsins verða sömuleiðis tengd við vettvang. Í vettvangsvikum fylgjast kennaranemar með kennslu á vettvangi, ígrunda hana og meta í samræmi við umfjöllunarefni námskeiðsins.

Þættir úr algebru og rúmfræði (SNU102G, SNU207G)

Viðfangsefni eru valin atriði úr sígildri rúmfræði, hnitarúmfræði og algebru ásamt kynningu á hugbúnaði sem nýtist við rúmfræði- og algebrunám og kennslu.

Fjallað verður um grunnatriði Evklíðskrar rúmfræði;  hugtök, frumforsendur og setningar um samsíða línur, marghyrninga og hringi. Fengist er við einfaldar teikningar með hringfara og reglustiku. Einnig verður farið í atriði úr hnitarúmfræði, t.d. jöfnu hrings og kynntar lausnaraðferðir fyrir línulegar jöfnur og jöfnuhneppi, annars stigs jöfnur, tölugildisjöfnur og ójöfnur.

Kennt verður á hugbúnaðinn GeoGebru og hann nýttur við myndræna túlkun, tilgátusmíð og teikningar.

Stærðfræði í grunnskóla (SNU102G, SNU207G)

Í námskeiðinu eru kynntar leiðir til þess að byggja upp rökrétta samfellu í stærðfræðinámi þar sem meginhugmyndir greinarinnar og tengsl þeirra innbyrðis verða sífellt skýrari og víðtækari. Fjallað er um markmið stærðfræðikennslu í grunnskóla, námsefni grunnskólans, stærðfræðilega hæfni og stærðfræðileg samskipti. Áhersla er lögð á aðgengi og jafnræði í stærðfræðinámi og á kennsluhætti sem taka mið af fjölbreyttum forsendum, reynslu og tungumálabakgrunni nemenda. Í námskeiðinu greina nemar námsefni, verkefni og lausnir grunnskólanema og æfa sig að kenna og greina kennslu í hópi jafningja. Nemendur eiga á grundvelli reynslu sinnar á vettvangi að ígrunda kennslu sína, val á viðfangsefnum, hlutverk kennarans og samskipti við nemendur og samskipti milli nemenda. Áhersla er lögð á kennsluhætti sem byggja á rannsóknum á stærðfræðinámi og -kennslu.

Tækni, sköpun og miðlun í samskiptum og skólastarfi (SNU104G, SNU206G)

Hvernig má lýsa greinasviðinu upplýsinga- og tæknimennt og við hvað er átt þegar rætt er um nýsköpunarmennt eða nýsköpun í skólastarfi? Til hvers er vísað þegar rætt er um upplýsinga- og þekkingarsamfélag, upplýsinga- og tæknilæsi, stafræna efnisgerð og margmiðlun, miðlalæsi eða fjölhátta læsi, stafræn samskipti og námssamfélög, stafræna borgaravitund og þátttöku í lýðræðissamfélagi, tækni og forritun við hæfi barna og unglinga, hönnunarhugsun og frumkvöðlamennt, leik að hugmyndum, lausnaleit og samvinnu um sköpun?

Hvenær kom stafrænn búnaður fyrst inn í íslenska grunnskóla, hver hefur þróunin verið síðan og hvert stefnir? Hvaða hindranir og hvaða tækifæri fylgja tæknivæðingu í samskiptum og skólastarfi? Hver er líka saga nýsköpunarmenntar í grunnskólum og hvernig tengist hún hugmyndum um nýja tíma, samvinnu og lausnamiðuð vinnubrögð? Hverjir eru þættir upplýsingatækni, nýsköpunar og stafrænnar miðlunar í stefnumótun og námskrá og hvernig er háttað tengslum þeirra við önnur námssvið, lykilhæfni og grunnþætti menntunar?

Við skoðum á þessu inngangsnámskeiði framangreind viðfangsefni í innlendu og alþjóðlegu samhengi um leið og nemar fá tækifæri til að fást við hagnýt og skapandi verkefni, prófa tæknilega möguleika og stafræn verkfæri sem bjóða upp á áhugaverð tækifæri í námi og kennslu. Nemar efla færni sína á þessu sviði og horfa til hagnýtra möguleika á vettvangi og þeirra tækifæra sem felast í nýrri tækni til hugmyndavinnu, samskipta og starfsþróunar. Áhersla er lögð á myndun öflugs námssamfélags sem tekur virkan þátt á námskeiðinu, tekst á við áskoranir og deilir hugmyndum og reynslu í líflegum menntabúðum og með stafrænni miðlun á neti.

Tækni og nýsköpun í kennslustofu nýrra tíma (SNU104G, SNU206G)

Á námskeiðinu beinum við sjónum að því hvernig nýta má stafræna tækni, sveigjanlegt námsumhverfi og eflandi kennslufræði til að ýta undir atbeina nemenda og sköpunarkraft. Fjallað er um nýsköpunarmennt og þá kennslufræði sem henni tengist, áherslu á atbeina og framtak nemenda og kennara, samvinnu og teymiskennslu, innsæi og sköpun, gagnrýna nálgun og ígrunduð vinnubrögð í hvetjandi umhverfi. Dregið er fram hvernig tæknin sem verkfæri og viðfang geta leitt fram og stutt skólastarf þar sem áhrif nemenda, framlag og sýn fá að njóta sín. Við beinum sjónum að umhverfi náms og kennslu á neti og fæti, nýjum skólabyggingum, skólalóðum, vettvangsferðum og útikennslu, opnum og sveigjanlegum kennslurýmum í sögulegu ljósi, húsbúnaði og húsakynnum náms og kennslu, alltaf með þátt tækninnar og tækifæri henni tengd í huga. Sérstakri athygli verður beint að þætti list- og verkgreina þegar kemur að nýsköpun og samþættingu námsgreina um skapandi verkefni en einnig stöðu og hlutverki bókasafna, upplýsingavera og smiðjuvinnu í skóla- og frístundastarfi á nýjum tímum. Í vettvangsnáminu er lagt kapp á að nemar kynni sér þessa þætti sem best, gaumgæfi umhverfi náms og kennslu frá öllum hliðum, velti fyrir sér athafnakostum og þróunarmöguleikum tengdum stafrænni tækni og stafrænu námsumhverfi í samspili við önnur gögn og verkfæri en einnig húsbúnað, húsakynni og ytra umhverfi skóla. Lögð er rík áhersla á að nemar deili hugmyndum sínum og kynnum af skólastarfi með félögum sínum á námskeiðinu með ýmsu móti.

Inngangur að kennslu samfélagsgreina (SFG101G, SFG201G)

Viðfangsefni: Námskeiðið er inngangur að kennslu samfélagsgreina með áherslu á þjálfun í rökræðum, gagnrýna hugsun og hæfni í að skoða mismunandi sjónarhorn. Á námskeiðinu vinna nemendur með forhugmyndir sínar og taka ígrundaða afstöðu til viðfangsefnanna og samtímis  er veitt innsýn í ýmis viðfangsefni sem fjallað er um í samfélagsgreinum (sbr. aðalnámskrá).

Vinnulag:  Umræður og verkefnavinna fara fram í kennslustundum á miðvikudögum í rauntíma á Zoom. Auk þessa verða rökræðutímar í hverri viku. Nemendum er skipt í hópa og mæta með sínum hópi allt misserið. Skyldumæting er í rökræðutímana (80%). Hægt verður að velja á milli rökræðutíma á staðnum í Sögu eða í rauntíma á Zoom. Hvorki miðvikudagstímar né rökræðutímar verða teknir upp.

Lífsskoðanir og menntun (SFG101G, SFG201G)

Viðfangsefni: Markmið námskeiðsins er að þátttakendur öðlist skilning á helstu þáttum sem móta lífsskoðanir fólks og verði betur í stakk búnir til að kenna samfélagsgreinar í nemendahópum þar sem lífsskoðanir geta verið fjölbreytilegar. Í námskeiðinu er vaxandi áhersla innan menntavísinda á lífsskoðunarhugtakið tekin til umfjöllunar og lífsskoðunarhugtakið rætt og greint frá ýmsum sjónarhornum og ýmsir uppistöðuþættir þess teknir til umfjöllunar. Í námskeiðsinu verður unnið með meginþætti lífsskoðana sem birtast meðal annars í spurningum um siðferði, trú, samfélagssýn og stjórnarfar, fjölskyldur og persónulegt nærumhverfi fólks, og hvernig réttindi og skyldur móta framtíðarsýn einstaklinga.

Vinnulag: Námskeiðinu er skipt í tveggja til þriggja vikna lotur þar sem fengist er við eitt þema í hverri lotu. Fyrirlestrar verða á neti og lesefni verður aðgengilegt á Canvas í skjölum eða á nettenglum. Lokapróf gildir 40%, en verkefni og önnur verkefni 60%. Athugið að hluti námskeiðsins er vettvangsnám (2 vettvangseiningar) sem er skilyrði fyrir að ljúka námskeiðinu.

Samþætting og skapandi starf (GKY102G, GKY601G)

Á námskeiðinu er megináhersla á samþættingu námsgreina með því að nota Söguaðferðina (Storyline) sem meginþráð í náminu. Valin eru viðfangsefni tengd náttúru og samfélagi og unnið með þau á fjölbreyttan og skapandi hátt. Áhersla verður á að nemendur skynji námið sem heild. Hugað verður að námsmati og hvernig námsmatsaðferðir henta.
Lögð verður áhersla á ólíka reynslu og forsendur nemenda, út frá einstaklingmiðuðu námi og menntun fyrir alla í fjölmenningarsamfélagi þar sem gagnrýnin og skapandi hugsun er sem rauður þráður í gegnum námið.

Skapandi stærðfræðinám (GKY102G, GKY601G)

Á námskeiðinu kynnast kennaranemar hve skapandi stærðfræði er sem fræðigrein og hvernig ýta má undir leiðir til þess að byggja upp skapandi stærðfræðinám. Fjallað er um uppbyggingu stærðfræðihugmynda ungra barna, lausnaleit þeirra, námsmat og aðra þætti stærðfræðináms. Kennaranemar vinna verklega og taka þátt í umræðum um stærðfræðinám. Þeir ígrunda eigið stærðfræðinám og nýta vettvangsnám til þess að æfa það sem þeir læra á námskeiðinu og ígrunda eigin kennslu.

Sérstaklega verður hugað að því að kennaranemi styrki tök sín á inntaksþáttum og vinnubrögðum stærðfræðinnar til þess að hafa forsendur til að geta greint nám nemenda sinna. Sjónum verður beint að skilningi á helstu inntaksþáttum í stærðfræðinámi á yngsta stigi. Einnig verður fjallað um þátt tungumáls og röksemdafærslu í stærðfræðinámi.

Leiðir við kennslu og uppbygging námsumhverfis fá gott rými. Skoðað verður hvernig nálgast má viðfangsefni með rannsóknum, hlutbundinni vinnu, rafrænni leit, umræðum og uppsprettum úr daglegu lífi og umhverfi nemenda. Námsefni og námsgögn í stærðfræði verða greind og fjallað um náms- og kennsluumhverfi sem mætir ólíkum þörfum barna við stærðfræðinám. Hugað verður sérstaklega að stafrænum námsgögnum fyrir börn og leiðum til að meta slíkt efni. Fjallað verður um námsmat í stærðfræði og hvernig kennari getur nýtt sér mat á skilningi og færni nemenda til að byggja á við skipulag kennslu.

Kennaranemar kynnast fræðasviðinu stærðfræðimenntum og leiðum til að fylgjast með rannsóknum og þróun kennsluhátta til að þeir geti sótt sér hugmyndir og hvatningu til að þróa markvisst stærðfræðikennslu sína.

Vinnulag
Haldnir verða fyrirlestrar og nemendur taka þátt í umræðum og verklegri vinnu. Nemendur lesa sér til um rannsóknir og glíma sjálfir við stærðfræðileg viðfangsefni ásamt því að skipuleggja kennslu og kenna eftir skipulagi sínu.
Vettvangshluti námskeiðsins (4Ve) fer fram í samstarfsskólum Menntavísindasviðs og samsvarar tveimur vikum á vettvangi, 6 tíma á dag. 

Nemar halda dagbók um nám sitt og ígrundun á því frá upphafi námskeiðs og byggja á henni við skrif lokaverkefnis námskeiðsins. 

Þroska- og námssálarfræði (KME301G)

Tilgangur þessa námskeiðs er að nemendur öðlist heildarsýn á þroska barna frá fæðingu og fram á unglingsár.

Inntak/viðfangsefni:
Fjallað verður um þær breytingar sem verða á þroska barna á mismunandi sviðum og aldursskeiðum og helstu kenningar sem notaðar hafa verið til að varpa ljósi á þessar breytingar. Fjallað verður um vitsmunaþroska, tilfinningaþroska og þróun tilfinningalegra tengsla, félagsþroska, þróun sjálfsmyndar og siðferðisvitundar. Námskenningum og vistfræðilegum kenningum (ecological approach) verður einnig gerð skil. Rætt verður um orsakir og eðli einstaklingsmunar, samfellu í þroska og sveigjanleika þroskaferlisins. Tengsl náms og þroska, áhugahvöt og áhrif uppeldis, menningar og félagslegra aðstæðna á þroska barna verða einnig til umfjöllunar. Áhersla verður lögð á gildi þroskasálfræðinnar í uppeldis- og skólastarfi.

Vinnulag:
Kennsla fer fram í fyrirlestrum og umræðu/verkefnatímum. Í umræðu/verkefnatímum fá nemendur þjálfun í að ræða námsefnið á gagnrýninn hátt.

Lokaverkefni (LVG601L)

Undir lok grunnnámsins vinna nemendur B.Ed.-verkefni sem skal vera á sviði aðalsérhæfingar og hafa gildi á sviði faggreinakennslu, sjá nánar í handbók.

Nemendur skrá óskir um efni og leiðbeinanda í form á Canvas vef. Umsjónarmenn námsleiða vinna úr óskunum og úthluta nemendum leiðbeinanda.  Nemendur vinna sjálfstætt að lokaverkefni sínu með ráðgjöf frá leiðsögukennara.

Lokaverkefni vinna nemendur einir eða tveir saman. Nánari leiðbeiningar um tilhögun, vinnulag og frágang við lokaverkefni er að finna á vef lokaverkefna í grunnnámi í Uglu undir Fræðasvið - Menntavísindasvið - Fyrir nemendur.

Nýsköpun í textíl (LVG001G)

Nemendur velja viðfangsefni og vinna að rannsóknum og tilraunum frá þörf og lausn yfir í hönnun afurðar. Unnið er með nýsköpunarferlið í formi lausnamiðaðrar þarfagreiningar á skapandi og gagnrýninn hátt. Nemendur kanna og gera tilraunir með nýjar aðferðir og leiðir að fullvinnslu afurða  með áherslu á sjálfbærni. Nemendur taka þátt í sýningu og skila fræðilegri greinargerð sem inniheldur rök fyrir verkefnavali og nýsköpunargildi textílaðferða og lokaafurða. Nemendur tengja gildi nýsköpunar og sjálfbærni fyrir menntun og daglegt líf.

Textílaðferðir (LVG021G)

Nemendur kynnast fjölbreytileika textíls innan handverks, iðnaðar og list. Þjálfuð eru grunntækni textílaðferða með áherslu á tilrauna- og þróunarvinnu í handverki aðferðanna. Nemendum er kynnt söguleg tenging textíla með áherslu á íslenska textílarfleifð og erlenda og hvernig sú þekking og nálgun getur orðið uppspretta nýrra hugmynda og verka. Í lokaverkefnum er unnið með blandaða tækni og lögð áhersla á skapandi og faglega nálgun og vönduð vinnubrögð. Þjálfað er vinnulag frá hugmynd til fullvinnslu með áherslu á sjálfbærni, endursköpun, endurnýtingu og nýsköpun. Nemendur skila fræðilegri greinargerð sem inniheldur umfjöllun og rök fyrir verkefnavali, efnisvali, úrvinnslu, framkvæmd og niðurstöðu. Nemendur tengja vinnu og afrakstur námskeiðsins við kennslufræðilegar áherslur og  kennsluverkefni.

Textílhönnun (LVG012G)

Lögð er áhersla á tilrauna- og þróunarvinnu í munsturgerð og grunnaðferðum, eins og til dæmis saumi, prjóni, hekli, vefnaði, útsaumi, þrykki og fleiri aðferðum. Markmiðið er að vinna með skapandi hugsun, frumleika og listræna nálgun í viðfangsefnum. Nemendur vinna verkefni samkvæmt aðferðum nýsköpunar og hönnunar.  Gerðar eru vinnuskýrslur og greinargerðir yfir afrakstur námskeiðsins með tengingu við kennslufræðilegar áherslur og kennsluverkefni.

Textíll og hönnun: Kennslufræði í fatahluta og vettvangsnám (LVG005G)

Markmiðið er að undirbúa kennaranema fyrir vettvangsnám í textílkennslu með áherslu á fatahluta námsgreinarinnar. Nemar kynnast námskrám, námsframboði og starfsumhverfi kennara í grunn- og framhaldsskólum og tengingu faggreinarinnar milli skólastiga. Markmiðið er að kennaranemar geti tengt og rökstutt gildi og mikilvægi faggreinarinnar fyrir áframhaldandi nám og atvinnulíf. Lögð er áhersla á að nemar þekki til aðferðafræði fatahönnunar frá hugmynd að lokaafurð og þekki vel til náms- og kennslubóka sem nýttar eru í kennslu í efnisgerð, fatagerð og vélsaumi. Unnið er með eigin hugmyndir að aldursmiðuðum kennsluverkefnum og tekið mið af hæfniviðmiðum faggreinar í námskrá, lykilhæfni og grunnþáttum menntunar með áherslu á sköpun, sjálfbærni og læsi. Nemar fá þjálfun í vinnulagi við kennsluverkefnagerð; verkefnalýsingar, verkefnaleiðbeiningar, innlagnir og sýnikennslu, gerð kennsluáætlana og vali á námsmatsleiðum. Nemar halda leiðarbók og skrifa greinargerð um vettvangshluta námsins; áhorf, aðstoð við kennslu, framkvæmd kennsluverkefna og eigin kennslu. Nemar skila ferilmöppu og kynna afrakstur af vettvangsnámi.

Fatahönnun (LVG004G)

Lögð er áhersla á formsköpun fatnaðar og sóttar hugmyndir í ólík þemu með tengingu við sögu og samtíma. Nemendur nýta mismunandi textílhráefni, efnis- og garntegundir, munstur- og litamöguleika sem skapandi uppsprettu eigin hugmynda og verka. Gerðar eru vinnuskýrslur og greinargerðir yfir afrakstur námskeiðsins með tengingu við kennslufræðilegar áherslur og kennsluverkefni.

Textíll og hönnun: Kennslufræði í textílhluta og vettvangsnám (LVG013G)

Markmiðið er að undirbúa kennaranema fyrir vettvangsnám í textílkennslu með áherslu á textílhluta námsgreinarinnar. Lögð er áhersla á að nemar þekki til helstu kenningasmiða og aðferðafræði hönnunar og geti tengt það við kennslufræðilegar áherslur í faggreininni. Nemar kynnast náms- og kennslubókum faggreinar og fjölbreytileika textílaðferða og tengja það við skapandi vinnuframlag og mismunandi kennsluaðferðir. Unnið er með eigin hugmyndir að aldursmiðuðum kennsluverkefnum og tekið mið af hæfniviðmiðum faggreinar í námskrá, lykilhæfni og grunnþáttum menntunar með áherslu á sköpun, sjálfbærni og læsi. Nemar fá þjálfun í vinnulagi við kennsluverkefnagerð; verkefnalýsingar, verkefnaleiðbeiningar, innlagnir og sýnikennslu og gerð kennsluáætlana. Nemar kynnast námsmatsleiðum sem hæfa mismunandi textílaðferðum. Nemar halda leiðarbók og skrifa greinargerð um vettvangshluta námsins; áhorf, aðstoð við kennslu, framkvæmd kennsluverkefna og eigin kennslu. Nemar skila ferilmöppu og kynna afrakstur af vettvangsnámi. 

Jafnréttisnám og jafnréttisfræði í skólastarfi (FAG101M)

Í námskeiðinu verður fjallað um jafnrétti og jafnréttisfræði og hvernig þau nýtast til að skilja og skipuleggja skólastarf. Þá verður kynnt löggjöf um jafnrétti í skólastarfi og fjallað um tengsl jafnréttis í víðu samhengi við áhrifabreytur svo sem kyn, kyngervi, hinseginleika, fötlun, félagslega stöðu og uppruna. Sérstök áhersla er lögð á að nemendur í námskeiðinu geti greint námsumhverfi, aðferðir og námsefni frá margþættu jafnréttissjónarhorni.

Aðalnámskrá grunn- og framhaldsskóla liggur námskeiðinu til grundvallar og því verður gengið út frá því grundvallarsjónarmiði að menntun um jafnrétti feli í sér gagnrýna skoðun á viðteknum hugmyndum í samfélaginu og að kennarar geti kennt börnum og ungmennum að greina þær aðstæður sem leiða til mismununar sumra og forréttinda annarra.

Áherslan í námskeiðinu miðar að því að nemendur stefni að kennslu á mið- og unglingastigi grunnskóla eða framhaldsskóla.

Aðferðafræði og menntarannsóknir (KME501G)

Viðfangsefni námskeiðsins fela í sér tvennt. Annars vegar er um að ræða þjálfun í rannsóknaraðferðum, meðferð gagna og úrvinnslu þeirra og hins vegar læsi á menntarannsóknir, sem aðrir hafa framkvæmt og niðurstöður þeirra. Í öllum þáttum námskeiðsins er lögð áhersla á þekkingu og skilning á helstu hugtökum og hugmyndum úr aðferðafræði menntarannsókna. Gert er ráð fyrir að nemendur kynni sér þessi hugtök í lesefninu og beiti þeim í verkefnum er tengjast megindlegum, eigindlegum og blönduðum aðferðum, einnig aðferðum við starfendarannsóknir. 

Sjálfbærni og skapandi endurnýting í textíl (LVG011M)

Markmiðið er að virkja umhverfisvæna hugsun í verki og tengja sjálfbærni í textíl við sjálfbæran og ábyrgan lífsstíl. Fylgt er eftir hugmyndafræði sjálfbærrar þróunar og aðferðafræði og ferli hönnunar og nýsköpunar. Á námskeiðinu eru gefin upp verkfæri, textílaðferðir og lausnir, en helst ræður för hvaða efni eða fatnaður stendur til boða að endurskapa eða endurnýta hverju sinni. Lögð er áhersla á að nýta eldri eða ónotaðar tilbúnar flíkur, áklæði, gluggatjöld eða afgangsefni til að hanna nýja og tilraunakennda textílafurð. Samhliða því þjálfast nemendur í tilrauna- og rannsóknarvinnu með áherslu á frjóa og skapandi hugsun og nývirkni. Nemendur kynnast ýmsum textílaðferðum og tækniatriðum innan vélsaums auk þess að vinna með snið í tví- og þrívíðu formi eftir fjölbreyttum leiðum. Lögð er áhersla á skráningu hugmynda- og vinnuferlis í ferilmöppur samhliða verklegri vinnu með tengingu við kennslufræðilega þætti og gildi sjálfbærni og umhverfisverndar fyrir textílnám og kennslu sem og atvinnulíf í faggreininni.

Fatahönnunar- og híbýlasaga – tíska, textíll, húsgögn og byggingar (LVG008M)

Lögð er áhersla á sögu hönnunar frá Egyptum til vorra daga með áherslu á fatnað og textíl. Einnig er skoðuð húsgagna- og byggingarsagan í samhengi við híbýlaskreytingar úr textíl, til dæmis húsgagnaáklæða- og gluggatjaldahönnun. Kynntar eru stefnur, stílar og straumar og víðtækt hlutverk fatnaðar og textíls innan listasögu, tísku og hönnunar í alþjóðlegu samhengi og samanborið við þróun fata- og textílsögu á Íslandi. Einnig eru skoðuð tengslin við atvinnulíf, menningu, söfn og menntun. Námið er fólgið í fyrirlestrum og bók- og verklegum rannsóknarverkefnum þar sem unnið er með fjölbreytta gagnaöflun og úrvinnslu verkefna á myndrænan hátt.

Hugmynda- og hönnunarvinna (LVG005M)

Lögð er áhersla á hugmynda- og hönnunarverkefni í tengslum við fatnað og textíl sem fléttað er sögu- og samtímalegri þróun. Áhersla er lögð á munsturgerð, liti og form, tískuteikningu, útlit og snið og tilraunir með textílaðferðir og textílhráefni. Unnin er skipulögð rannsóknarvinna við vinnuferlið frá gagnaöflun til úrvinnslu hugmyndar og hönnunar með nýsköpun að leiðarljósi. Lögð er áhersla á frágang og framsetningu verkefna í ferlilmöppu og til sýninga.

Listir I: Leiklist, myndlist, tónlist (LVG105G)

Viðfangsefni:  Nemendur kynnast þýðingu lista í námi barna og unglinga. Umfjöllun um leiklist, tónlist og myndlist í skólastarfi. Verkleg viðfangsefni eru þróuð út frá hugmyndum nemenda.

Vinnulag: Fjölbreyttar smiðjur sem byggja á mismunandi kveikjum og margvíslegri úrvinnslu.

Listir II: Leiklist, myndlist, tónlist (LVG207G)

Viðfangsefni:  Nemendur halda áfram að kynnast þýðingu lista í námi barna og unglinga. Umfjöllun um leiklist, tónlist og myndlist í skólastarfi á vettvangi. Fjallað verður um samþættingu listgreinanna og hvernig hægt er að vinna með myndir, hljóð, texta og sviðsetningu í skólastarfi

Vinnulag: Fjölbreyttar smiðjur sem byggja á mismunandi kveikjum og margvíslegri úrvinnslu.

Fræðileg skrif og gagnrýninn lestur (ÍET102G)

Meginmarkmið námskeiðsins er að búa nemendur í háskólanámi undir lestur og ritun fræðilegra texta og þjálfa þá í gagnrýnum lestri enda er hvort tveggja grundvallaratriði í öllu háskólanámi.  

Fjallað verður um ýmsar tegundir fræðilegs efnis og framsetningar á því. Nemendur kynnast helstu einkennum fræðilegra skrifa og læra hvað felst í ritstýrðum og/eða ritrýndum textum. Nemendur öðlast þjálfun í að lesa, greina og meta slíka texta. Rætt verður um sjálfstæð, gagnrýnin og heiðarleg vinnubrögð ásamt því sem fjallað verður um höfundarrétt, ritstuld og falsfréttir. 

Nemendur öðlast færni í að vinna efni upp úr fræðilegum texta, svo sem útdrætti, og að flétta saman heimildir við eigin texta. Rætt verður ítarlega um fræðilegar ritgerðir á háskólastigi og nemendur fá þjálfun við gerð slíkra ritgerða. Þá verður fjallað um viðeigandi málnotkun í fræðilegum skrifum og hún þjálfuð. 

Fjallað verður sérstaklega um heimildaleit og heimildamat; gæði heimilda og hvernig greina megi vandaðar heimildir frá óvönduðum. Þá fá nemendur þjálfun í heimildaskráningu. Einnig verða nemendur þjálfaðir í að nota heimildir í eigin skrifum og greina milli eigin raddar og heimildarinnar sjálfrar.

Kennslufræði grunnskóla (KME206G, KME206G)

Námskeiðið miðar að því að kennaranemar öðlist þekkingu og leikni í almennri kennslufræði og hæfni til að kenna grunnskólanemendum.

• Áhersla er á kennsluhætti og kennsluaðferðir í grunnskólum, námsumhverfi og bekkjarstjórnun, og leitað er svara við spurningunni um hvað einkenni árangursríka kennslu.
• Athygli er beint að einkennum aldursstiga grunnskóla, yngsta- mið- og efsta stigi eða unglingastigi, og kynntar leiðir til að örva þroska og koma til móts við ólíkar þarfir nemenda í skóla án aðgreiningar.
• Fjallað verður um samvinnu og samskipti nemenda, teymisvinnu og teymiskennslu kennara, en einnig tengsl heimila og skóla og þátttöku foreldra í námi barna sinna.
• Kennaranemar fá þjálfun í framsögn og raddvernd, tjáningu og framkomu.
• Með vettvangsnámi fær kennaranemi æfingu í að skipuleggja fjölbreytt nám, útfæra kennsluaðferðir, nýta upplýsingatækni og leggja mat á reynslu sína.

Kennslufræði grunnskóla (KME206G, KME206G)

Námskeiðið miðar að því að kennaranemar öðlist þekkingu og leikni í almennri kennslufræði og hæfni til að kenna grunnskólanemendum.

• Áhersla er á kennsluhætti og kennsluaðferðir í grunnskólum, námsumhverfi og bekkjarstjórnun, og leitað er svara við spurningunni um hvað einkenni árangursríka kennslu.
• Athygli er beint að einkennum aldursstiga grunnskóla, yngsta- mið- og efsta stigi eða unglingastigi, og kynntar leiðir til að örva þroska og koma til móts við ólíkar þarfir nemenda í skóla án aðgreiningar.
• Fjallað verður um samvinnu og samskipti nemenda, teymisvinnu og teymiskennslu kennara, en einnig tengsl heimila og skóla og þátttöku foreldra í námi barna sinna.
• Kennaranemar fá þjálfun í framsögn og raddvernd, tjáningu og framkomu.
• Með vettvangsnámi fær kennaranemi æfingu í að skipuleggja fjölbreytt nám, útfæra kennsluaðferðir, nýta upplýsingatækni og leggja mat á reynslu sína.

Íslenska í skólastarfi I (ÍET103G)

Í námskeiðinu verður fjallað um íslenska menningu og bókmenntir í víðum skilningi og þátt þeirra í almennri málnotkun sem og í málheimi ólíkra faggreina innan skólakerfisins. Einnig verður fjallað um máltöku barna og helstu vörður hennar.

Fengist verður við grundvallarhugtök í bókmenntafræði, orðræðugreiningu og menningarfræði og gefin dæmi um fjölbreyttar leiðir og miðla við kennslu sem stuðla að skilningi og áhuga grunnskólanema á eigin menningu og annarra.

Kennaranemar fá tækifæri til að lesa fagurbókmenntatexta úr fortíð og nútíð og setja í samhengi við eigin reynsluheim og kennslu ólíkra faggreina í framtíðinni.

Fjallað verður um fjölbreytta texta, jafnt fagurbókmenntir sem nytjatexta og afþreyingartexta, með það að markmiði að nemendur geri sér grein fyrir því að tungumálið er það verkfæri sem við notum í öllu okkar daglega lífi og námi þvert á námsgreinar. Í námskeiðinu verður leitast við að búa nemendum í hendur verkfæri til að greina texta í umhverfi sínu á sjálfstæðan og gagnrýninn hátt.

Kennaranemar fræðast um máltöku barna og eðli mannlegs máls. Fjallað verður um eðlileg frávik í máli barna en einnig gerð grein fyrir algengustu frávikum í málþroska og tengslum málþroska við læsi og lestrarfærni. Athygli verður beint að breytileika í máli barna á grunnskólaaldri, ólíkri íslenskufærni barna í skóla fjölbreytileikans, sem og viðhorfum til íslensku og erlendra tungumála í skólakerfinu.

Í fyrirlestrum kennara og verkefnum kennaranema verður sjónum beint að því hvernig samþætta má ólíkar námsgreinar grunnskólanna. Þannig verður einblínt á þann þátt kennarastarfsins sem felur í sér að kenna ólíkar námsgreinar á íslensku. Nemendum gefst því tækifæri til að ígrunda þátt tungumálsins í ólíkum greinum, t.d. samfélagsfræði, stærðfræði og raungreinum, erlendum tungumálum, og ekki síst í listgreinum, t.a.m. myndmennt og leiklist.

Íslenska í skólastarfi II (ÍET204G)

Í námskeiðinu verður íslenska og fjölbreyttar birtingarmyndir hennar í forgrunni, með sérstaka áherslu á notkun hennar innan skólastofunnar óháð faggrein, en einnig verður horft til þess hvað einkennir mál hverrar faggreinar og orðaforða hennar.  

Fjallað verður um mál kennaranema sjálfra og hvernig þeir lærðu það. Einnig verður komið inn á málnotkun kennaranema og hvernig þeir laga sig að aðstæðum, hvort sem er í óformlegu spjalli á samfélagsmiðlum eða í formlegri ritun, og það sett í samhengi við þau málsnið sem kennari þarf að nota þegar hann talar við nemendur við ólíkar aðstæður. Í tengslum við það fá kennaranemar þjálfun í að fjalla um eigin málnotkun og annarra með viðeigandi hugtökum.

Orðaforði málsins og þrískipting hans verður til sérstakrar umfjöllunar, þar sem lagt verður upp úr því að tengja við hugtakanotkun og málfar ólíkra námsgreina grunnskólans og kennslu þeirra, og þá ekki hvað síst með tilliti til ólíkrar getu grunnskólanema í tungumálinu, hvort sem um er að ræða nemendur með íslensku sem fyrsta eða annað mál.

Stærðfræði í kennaranámi (SNU204G)

Á námskeiðinu styrkja nemar tök sín á völdum þáttum úr stærðfræði, þar á meðal talnafræði og rúmfræði. Jafnframt er fjallað um talnaritun og reikning.

Áhersla er lögð á fjölbreytni og sjálfstæði í leit að lausnum á stærðfræðilegum þrautum. Nemendur kynnist því  hvernig fjölbreyttar leiðir í kennslu geta stuðlað að auknum skilningi nemenda á stærðfræðilegum hugtökum.

Að læra og kenna stærðfræði (SNU101G)

Á námskeiðinu kynnast kennaranemar meginmarkmiðum náms í stærðfræði í grunnskóla.

• Fjallað er um hvað felst í stærðfræðinámi og hvernig styðja má grunnskólanemendur við stærðfræðinám.
• Nemendur kynnast hvernig fjölbreyttar leiðir í kennslu geta stuðlað að því að skilningur nemenda á stærðfræðilegum hugtökum styrkist.
• Fjallað er um hlutverk stærðfræðikennarans og hæfni sem hann þarf að búa yfir.
• Nemar kynnast beitingu upplýsingatækni við nám og kennslu.
• Lögð er áhersla á að nemar læri að vinna saman að lausn stærðfræðiverkefna og kennslufræðiverkefna.
• Nemar vinna verkefni í hverjum tíma í námskeiðinu.

Inngangur að kennslufræði grunnskóla (KME102G)

Um er að ræða inngangsnámskeið í kennslufræði, ætlað verðandi grunnskólakennurum. Hér eru hugmyndir, aðferðir og hugtök kynnt til sögunnar, sem fá svo ítarlegri umfjöllun og meðferð í síðari kennslufræðinámskeiðum (NK-námskeiðum). Meginmarkmið er að veita nemendum innsýn í kenningar og rannsóknir um nám og kennslu í skóla án aðgreiningar, auk þess að gefa mynd af störfum og starfsumhverfi grunnskólakennara. Áhersla er lögð á tengsl við starfsvettvang og að nemendur tengi viðfangsefni námskeiðsins eigin reynslu og viðhorfum og leggi grunn að eigin starfskenningu. Farið er í 15 klst. vettvangsnám þar sem nemendur kynnast starfi grunnskóla. 

Mikilvægar hugmyndir, hugtök og viðfangsefni: Námskenningar, menntarannsóknir, nám-nemandi-námsaðstæður, kennsluhættir og kennsluáætlanir, samskipti og samstarf, kennarinn sem fagmanneskja, starfskenning og starfsuhverfi kennara, lagarammi, reglugerðir og námskrár sem snerta skyldunám.

Vinnulag: Fyrirlestrar, málstofur, skapandi viðfangsefni og margvísleg verkefni unnin einstaklingslega eða í samvinnu við aðra. Tengsl við vettvang.

Námskrá og námsmat (KME402G)

Námskeiðið miðar að því að nemendur öðlist þekkingu, leikni og hæfni sem snýr að námskrárfræðum og námsmati og geti beitt þekkingu sinni á því í skólastarfi. 

Nemendur kynnast lykilhugtökum námsmats- og námskrárfræða. Fjallað er um áherslur og hugmyndastefnur sem greina má í opinberum námskrám, lögum, reglugerðum og öðrum stefnuritum. Þætti sérfræðinga (kennara, stjórnenda og fleiri) í námskrárgerð og þróun skólanámskrár eru gerð skil og þar með einnig við gerð námsáætlana fyrir námshópa, bekki eða einstaka nemendur.

Fjallað er um forsendur, tilgang og aðferðir við mat á námi og námsárangri (sbr. leiðsagnarmat, lokamat, gerð prófa og annarra matstækja og notkun einkunna og vitnisburða). Lögð er áhersla á að nemendur kynnist helstu hugtökum og aðferðum í námsmatsfræðum.

Nemendur lesa og ræða einnig um álitamál og ólíka hugmyndafræðilega strauma sem tengjast grundvallarspurningum um tilgang og markmið skyldunáms.

Vinnulag á námskeiðinu felst í lestri greina og bókakafla, fyrirlestrum, kynningum, umræðum í málstofum og hópverkefnum.

Leiklist fyrir alla - kennsluaðferðir leiklistar í skólastarfi (LVG305G, LVG408G)

Nemendur sem eru með leiklist sem kjörsvið þurfa að taka námskeiðið LVG408G Leiklist fyrir alla, framkvæmd og fræði, kennsluaðferðir leiklistar í skólastarfi samhliða námskeiðinu LVG305G Leiklist fyrir alla, kennsluaðferðir leiklistar í skólastarfi.

Á námskeiðinu er áhersla lögð á að kynna og þjálfa nemendur í að vinna sjálfstætt og faglega með leiklist í kennslu. Nemendur kynnast fjölbreyttum kennsluháttum og leiðum í leiklistarkennslu. Nemendur læra að beita aðferðum leiklistar þegar nálgast á viðfangsefni og fá innsýn inn í hvernig tengja má leiklist við aðrar greinar. Fjallað verður um hugmyndir að samþættingu listgreina við aðrar námsgreinar grunnskólans, um hugmyndafræðina sem býr að baki fjölbreyttum og skapandi kennsluaðferðum og um skipulagningu á kennslu í blönduðum nemendahópum í tengslum við kennslu leiklistar. Uppistaðan í námskeiðinu er þjálfun nemenda í að vinna sjálfstætt, faglega og á skapandi hátt með leiklist í kennslu.

Leiklist fyrir alla, framkvæmd og fræði, kennsluaðferðir leiklistar í skólastarfi (LVG305G, LVG408G)

Markmið: Að undirbúa nemendur fyrir vettvangsnám í námsgreininni leiklist í kennslu og kennslufræðilega þætti greinarinnar.

Inntak: Nemendur styrkja færni sína í að skipuleggja og samþætta leiklist við aðrar greinar  grunnskóla. Lesefni námskeiðsins miðar að því að dýpka skilning á markmiðum og leiðum í kennslu leiklistar sem aðferðar innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum leiklistarkennslu. Verklegar æfingar miða að því að auka færni nemenda til að takast á við kennslu leiklistar á vettvangi.

Nemar fá þjálfun í að semja kennsluáætlanir sem miðast við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur halda dagbók um hugmyndavinnu sína sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Leiklistarkennarinn (LVG406G, LVG407G)

Nemendur sem eru með leiklist sem kjörsvið þurf að taka námskeiðið LVG407G Leiklistarkennarinn, framkvæmd og fræði samhliða námskeiðinu LVG406G Leiklistarkennarinn.

Viðfangsefni: Leiklistaræfingar sem þjálfa næmi og sköpunargáfu í gegum mismunandi aðferðir leikhússins, ásamt þekkingu og skilningi á undirstöðuatriðum og aðferðum sem leiklistarkennari þarf að nýta í kennslu sinni.

Vinnubrögð við uppsetningu leiksýninga þ.e. aðferðaleikhús, samfélagsleikhús, samsköpunarleikhús og þátttökuleikhús. Lögð er áhersla á þekkingu og færni í fjölbreyttum þáttum sviðsetningar svo sem handrits- og leikgerðar.

Vinnulag: Æfingar, spunar og umræður.

Leiklistarkennarinn, framkvæmd og fræði (LVG406G, LVG407G)

Markmið: Að undirbúa nemendur fyrir vettvangsnám í námsgreininni leiklist  í kennslu og kennslufræðilega þætti greinarinnar. 

Inntak: Nemendur styrkja færni sína í að skipuleggja og samþætta leiklist við aðrar greinar  grunnskóla. Lesefni námskeiðsins miðar að því að dýpka skilning á markmiðum og leiðum í kennslu leiklistar sem aðferðar innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum leiklistarkennslu. Verklegar æfingar miða að því að auka færni nemenda til að takast á við kennslu leiklistar á vettvangi.

Nemar fá þjálfun í að semja kennsluáætlanir sem miðast við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur halda dagbók um hugmyndavinnu sína sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Frá hugmynd til sýningar (LVG008G, LVG308G)

Á námskeiðinu er lögð áhersla á leiklist sem listform, fjallað verður um bakgrunn sýninga sem eru unnar út frá hugmyndum þátttakenda og rætt verður um gildi þátttöku barna og ungmenna í leiksýningu. Þungamiðjan á námskeiðinu er á þjálfun nemenda í að vinna sjálfstætt að sýningum með nemendum á faglegan og skapandi hátt. Nemendur fá kynningu á hagnýtum verklegum æfingum sem gagnast geta við uppsetningu leikverka, svo sem skuggaleikhús, að búa til útvarps- og sjónvarpsþætti og umfjöllun um hvernig lítil hugmynd getur orðið að leiksýningu.

Leiklist, sögur og frásagnir (LVG008G, LVG308G)

Markmið:

Að nemendur

• þekki til fræðilegra kenninga um uppeldislegt gildi frásagna og ævintýra fyrir börn
• geti tengt aðferðir leiklistar við sögur og frásagnir og þannig gert hlustendur að virkum þátttakendum í frásögn
• hafi innsýn í sérstöðu leiklistar sem virkrar reynslu
• hafi sjálfstæði og nokkra færni til að segja börnum sögur og ævintýri ásamt því að þjálfa börnin í að segja frá eigin upplifunum
• hafi kynnst á vettvangi skóla hvernig frásagnir eru tengdar námsgreinum, til dæmis lífsleikni, trúarbragðafræðslu og sjálfbærni.

Viðfangsefni: Fræði um uppeldislegt gildi frásagna og ævintýra fyrir börn og mikilvægi leiklistar í tengslum við virka upplifun þátttakenda. Þjálfun í að segja áheyrilega frá og tvinna leiklist inn í frásögn til þess að dýpka skilning á efni. Mótun leiklistarferlis í tengslum við frásagnir og ævintýri. Athugun á því hvernig kennarar nýta sögur og ævintýri með ungum nemendum.

Vinnulag: Fyrirlestrar, lestur og umræður/málstofur. Vettvangsathuganir og kynningar. Leiklistar- og frásagnarsmiðjur. Nemendur vinna sjálfstætt að því að skapa og móta leiklistarferli í tengslum við frásagnir og ævintýri með áherslu á loftslagsbreytingar.

Þjálfun í frásagnarlist.

_________

Æskilegt er að nemi hafi áhuga á að nýta leiklist og frásagnir með börnum. Námskeiðið hentar vel fyrir kennara í leikskóla og  grunnskóla.

Íslensk listasaga, söfn og menntun (LVG302G, LVG404G, LVG310G)

Áhersla er lögð á að veita nemendum innsýn í  íslenska listasögu og myndlistararfleið, list í opinberu rými ásamt list- og safnafræðslu. 

Markmiðið er að nemendur öðlast þekkingu á listasöfnum og kennslufræði þeirra gagnvart skólum og hæfni til að nýta sér þau sem fræðslustofnanir.  Skapaður er vettvangur þar sem áherslan er á samstarf og samtal skóla og safna á milli. Nemendum gefst kostur á að raungera og þróa hugmyndir sínar og vinna m.a. smiðju í tengslum við sýningu þar sem börn á grunnskólaaldri eru þáttakendur í skapandi starfi. 

Vinnulag:
Fyrirlestrar, lestur fræðigreina, gagnrýnin umræða  og safnaheimsóknir. 

Nemendum vinna m.a verkefni og setja upp smiðju ætlaða börnum í tengslum við sýningu.

Námskeiðið krefst sjálfstæðra vinnubragða.

Málun og teiknun (LVG302G, LVG404G, LVG310G)

Námskeiðið skiptist í tvo meginhluta: málun, teikningu en einnig verður veitt innsýn inn í grafík og leirmótun. Áhersla er lögð á hugmyndavinnu, skissugerð og úrvinnslu þar sem myndbygging og form eru í forgrunni. Unnið er út frá náttúru og mannlífi í rými.

Í málun er unnið með meðferð og áferð lita, samspil litatóna og skissuvinnu. Í teikningu er lögð áhersla á formgreiningu, módel- og hlutateikningu.

Safnaheimsóknir og sýningar eru hluti af náminu og felst í þeim bæði gagnaöflun og verkleg sem skrifleg úrvinnsla.

Námskeiðið er kennt í sex lotum auk eins sýningardags:  Mætingarskylda er í öllum lotum. Lögð er áhersla á sjálfstæð vinnubrögð, frumkvæði og faglega framsetningu.

Grafík, ferli og bókagerð (LVG302G, LVG404G, LVG310G)

Megináherslu er á grafík sem listrænt ferli og miðil. Nemendur kynnast grunnatriðum einþrykks og dúkristu, bæði í höndum og í ætingarpressu, og öðlast skilning á því hvernig grafíkmynd verður til, frá hugmynd og skissu til fullunnins verks.

Teikning er nýtt sem rannsóknar- og undirbúningsferli þar sem unnið er með skissur og þróun myndmáls.

Bókagerð tengist grafíkinni sem framsetningarform. Nemendur kynnast undirstöðuatriðum handgerðar bókagerðar og útbúa einfaldar bækur þar sem grafíkverkin mynda grunn og innihald.

Áhersla er lögð á efnisþekkingu, vönduð vinnubrögð, sjálfstæða hugmyndavinnu og gagnrýna ígrundun. Einnig er fjallað um möguleika grafík í kennslu á mismunandi skólastigum.  

Námskeiðið krefst sjálfstæðra og skapndi vinnubragða.

Vinnulag
Fyrirlestrar, sýnikennsla, verkleg vinna, vettvangsferðir, kynningar, umræður, gagnaöflun og skrásetning vinnuferils.

Listir, náttúra og samfélag (LVG020G, LVG018G)

Athugið að nemendur á kjörsviðinu Sjónlistir: Myndmennt ganga fyrir þegar hámarksfjölda er náð!

Í námskeiðinu er fjallað um tengsl listar, náttúru og samfélags með áherslu á samtímalist, sjálfbærni og menntun til sjálfbærrar þróunar. Nemendur kynnast hugmyndum listamanna sem vinna með náttúru og samfélag, rannsaka starfshætti þeirra og setja í fræðilegt samhengi. Unnið verður með hugmyndir samtímalistamanna í listrannsóknum og með ólíkar hefðir út frá reynslu og áhuga nemenda. Lögð er áhersla á tilraunir, skapandi ferli og endurnýtingu efna með umhverfisvernd að leiðarljósi.

Markmið og inntak
Nemendur:

• tileinka sér hugmyndafræði námskrár sem byggir á samþættingu lista, náttúru og samfélags,
• þróa eigin listræna tjáningu með fjölbreyttum efnivið og miðlum,
• rökstyðja eigin verk í tengslum við fræðileg og skapandi markmið,
• tengja verkefni sín við kennslu á grunnskólastigi með áherslu á grunnþætti menntunar: sjálfbærni, lýðræði, jafnrétti og menningarlæsi.

Kennslan byggir á fyrirlestrum, umræðum, vettvangsheimsóknum og verkefnavinnu. Áhersla er á sjálfstæð vinnubrögð, skapandi ferli og samstarf.

Vinnulag
Fyrirlestrar, gagnrýnin umræða, vettvangsheimsóknir og verkefnavinna. Nemendum gefst kostur á að vinna með fjölbreytt efnisval, mismunandi tækni og miðla.

Kennslufræði Myndmenntar (LVG020G, LVG018G)

Markmið: Að undirbúa nemendur fyrir vettvangsnám í námsgreininni myndmennt og kennslufræðilega þætti greinarinnar. 

Inntak / viðfangsefni: Vettvangsnám á misserinu er undirbúið með verkefnavali, verkefnatilraunum og gerð kennsluverkefna. Markmið myndmenntarkennslu eru tekin til umfjöllunar ásamt fagnámskrá. Lögð er áhersla á að nemendur þekki til helstu kenningasmiða, rannsókna á sviðinu og innihalds og markmiða í aðalnámskrá grunnskóla.  Nemendur vinna með eigin hugmyndir að kennsluverkefnum í samráði við kennara og leiðsagnarkennara á vettvangi auk þess sem þeir taka mið af hæfniviðmiðum myndmenntar í aðalnámskrá grunnskóla sem og skólanámskrá viðtökuskóla. Kennsluverkefnin eru aldursmiðuð og með tengingu við sköpun, sjálfbærni og aðra grunnþætti menntunar. 

Nemar fá þjálfun í að semja kennsluáætlanir sem miða við ákveðna verkþætti, aldur og þroska barna.

Vinnulag: Fyrirlestrar um kennslufræðilega þætti og verklegur undirbúningur fyrir vettvangsnám.

Nemendur vinna hugmynda- og dagbók sem tengist verkefna- og vettvangsnámi þeirra.  Nemendur kynna verkleg verkefni og afrakstur af vettvangsnámi undir lok námskeiðsins. 

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Hönnun sem uppspretta sköpunar (LVG104G, LVG206G)

Námskeiðið er kynning á kennslu og gildi uppeldismiðaðra hönnunar- og handverksgreina: Hönnun og smíði, Textíll og hönnun og Heilsuefling og heimilisfræði. Verkefnahugmyndir eru lagaðar að ólíkum faggreinum námskeiðsins. Áhersla er lögð á þekkingar- og færniþætti frá hugmynd að fullvinnslu í öllum verkþáttum námskeiðsins. Nemendur vinna viðfangsefni sem henta vel í skólastarfi og skrá vinnuferli í ljósmyndum, teikningum og í textaformi.

Kennslufræði handverks og hönnunar í textíl og smíði (LVG104G, LVG206G)

Markmiðið er að undirbúa kennaranema fyrir vettvangsnám í hönnunar- og handverksgreinum með áherslu á kennslufræðilega þætti. Í verkefnavali taka nemendur mið af grunnþáttum menntunar og hæfniviðmiðum faggreinanna í Aðalnámskrá grunnskóla. Í úrvinnslu verkefna er lögð er áhersla á skapandi og fagleg vinnubrögð. Nemendur fá þjálfun í gerð kennsluáætlana, kynnast fjölbreyttum kennsluaðferðum og bera saman ólíkar námsmatsleiðir í faggrein. Nemar halda leiðarbók og skrifa greinargerð um vettvangshluta námsins; áhorf, aðstoð við kennslu, framkvæmd kennsluverkefna og eigin kennslu. Nemar skila ferilmöppu og kynna afrakstur af vettvangsnámi.

Tónmenntakennsla á vettvangi -Áhersla á mið- og unglingastig (LVG024G)

Námskeiðið tengist vettvangsnámi í tónmenntakennslu. Nemendur styrkja færni sína í að skipuleggja og kenna tónmennt á mið- og unglingastigi grunnskóla. Lesefni námskeiðsins miðar að því að dýpka skilning á markmiðum og leiðum í kennslu tónlistar í bekkjarkennslu innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum tónmenntakennslu. Verklegar æfingar miða að því að auka færni nemenda til að takast á við kennslu tónmennta á vettvangi.

Rafmögnuð hljóðfæri, raftónlist og sköpun í skólastarfi (LVG022G)

Námskeiðið er verklegt að stórum hluta þar sem nemendur æfa samspil á dæmigerð rafhljóðfæri, s.s. rafgítar, rafbassa, trommusett og hljómborð. Einnig er unnið með grunnatriði í notkun hljóðnema fyrir söng, sem og meðferð hljóðkerfa og hljóðblöndun. Viðfangsefni eru margvísleg og taka mið af raunhæfum verkefnum fyrir nemendur á unglingastigi. Nemendur fá tækifæri til að efla færni sína á öll hljóðfæri bílskúrsbandins og nýta þau til að leika eigin ábreiður af popplögum, útsetja þjóðlög, sem og spuna og aðra tilraunastarfsemi. Nemendur æfast í að nota upptökuforrit til að taka upp tónlist og vinna hana frekar í hljóðvinnsluforritum. Nemendur tækifæri til að prófa sig áfram með gerð raftónlistar og fá kynningu á helstu forritum sem hentað geta í kennslu í raftónlist á unglingastigi.Einnig munu nemendur leita fjölbreyttra leiða til að búa til ný hljóðfæri og hljóðgjafa.

Listin að skapa tónlist (LVG009G)

Markmið námskeiðsins er að efla þekkingu og færni í notkun fjölbreyttra aðferða til að stuðla að tónlistarsköpun barna og ungmenna í námi og frístundastarfi.

Viðfangsefni
Nemendur læra fjölbreyttar leiðir til að setja saman laglínur og lítil tónverk. Nemendur fræðast um helstu form og stíla í tónsmíðum og tengi það m.a. eigin nýsköpun í tónlist.

Vinnulag
Áhersla á verklegar æfingar, spuna og samvinnu.

Tónmenntakennsla á vettvangi -Áhersla á yngra- og miðstig (LVG405G)

Námskeiðið tengist vettvangsnámi í tónmenntakennslu. Nemendur styrkja færni sína í að skipuleggja og kenna tónmennt í grunnskóla. Lesefni námskeiðsins miðar að því að dýpka skilning á markmiðum og leiðum í kennslu tónlistar í bekkjarkennslu innan grunnskóla. Nemendur draga saman fyrri þekkingu sína og byggja á henni til þess að ná aukinni færni í helstu þáttum tónmenntakennslu. Verklegar æfingar miða að því að auka færni nemenda til að takast á við kennslu tónmennta á vettvangi.

Söngur og kórstjórn (LVG016G)

Viðfangsefni
Söngur, upphitun söngradda og fjölbreytt sönglög í ýmsum stíltegundum. Nemendur læra grunnatriði í kórstjórnartækni og læra að tileinka sér fagleg vinnubrögð við val og undirbúning verkefna fyrir ólíkar gerðir kóra og sönghópa.
Vinnulag
Verklegar æfingar í söng, kórstjórn og léttum undirleik á hljómborð/píanó.

Tónlistarleikir til náms og þroska (LVG304G)

Námskeiðið fjallar um það hvernig unnt er að kenna ýmsa tónlistarlega færni í gegnum leiki. Meðal annars verður fjallað um það hvernig tónlistarleikir efla rytmaskyn og margvíslega samhæfingu. Helstu kenningar í hagnýtri kennslufræði tónlistar verða kynntar og sérstök áhersla lögð á þær aðferðir sem nota hreyfingu og fjölþætta (multi modal) nálgun til að kenna tónlist. Mikil áhersla er lögð á verklegar æfingar. Nemendur æfa grunnfærni í að miðla tónlist í gegnum leiki sem henta sérstaklega vel í hópkennslu.  Sömuleiðis fá nemendur tilsögn í skapandi kennsluháttum og spreyta sig á að semja nýja tónlistarleiki með kennslufræðileg markmið í huga. Námskeiðið hentar jafnt nemendum með mikla þekkingu á tónlist sem og þeim sem hafa litla formlega tónlistarmenntun en vilja efla færni sína og þekkingu á tónlistarmiðlun.

Sjónlistir (LVG403G, LVG010G)

Markmið námskeiðsins er að nemendur öðlist þekkingu á tvívíðri myndgerð og möguleikum hennar í skólastarfi. Nemendur þjálfast í grunnþáttum aðferða og hugmyndavinnu í tengslum við sjónlistir. Meginviðfangsefni námskeiðsins eru verkleg vinna, hugmyndavinna og gerð ferilmöppu.

Lögð er megin áhersla á teikningu, lita- og formfræði, grafíkþrykk og mynsturgerð. Fjölbreytt efni eru notuð til útfærslu verkefna og lögð áhersla á sjálfstæð vinnubrögð og frumkvæði nemenda.

Ferilmappa er lögð fram til mats en jafnframt skila nemendur inn hugleiðingum og umræðum í tengslum við safnaheimsóknir.

Fyrirkomulag:

Námskeiðið er kennt í fimm lotum og er mætingarskylda í þær allar.

Ath. Nemendur á kjörsviði sjónlista ganga fyrir við skráningu.

Kennslufræði Sjónlista (LVG403G, LVG010G)

Markmið
Að undirbúa nemendur fyrir vettvangsnám í námsgreininni Sjónlistir. 

Vettvangsnám á misserinu er undirbúið með verkefnavali, tilraunum og gerð kennsluverkefna og námsefnis. Fjallað er um markmið og inntak sjónlistakennslu í grunnskóla með hliðsjón af fagnámskrá og aðalnámskrá grunnskóla.

Áhersla er lögð á að nemendur kynnist helstu kenningasmiðum, rannsóknum á sviði sjónlistakennslu og hæfniviðmiðum greinarinnar. Nemendur þróa eigin kennsluverkefni í samráði við kennara og leiðsagnarkennara á vettvangi og taka mið af skólanámskrá viðtökuskóla. Verkefnin eru aldursmiðuð og miða að skapandi vinnu nemenda.

Nemar fá þjálfun í að semja kennsluáætlanir sem taka mið af verkþáttum, aldri og þroska barna.

Vettvangsnámið í þessu námskeiði er þannig skipulagt að nemi fær úthlutað grunnskóla þar sem vettvangsnámið mun fara fram. Skólar eru valdir fyrir nema með hliðsjón af viðfangsefni námskeiðsins auk þess sem horft er til námsstigs og námsárs nema.

Vinnulag:

Kennsla fer fram í fyrirlestrum, umræðum og verklegum undirbúningi fyrir vettvangsnám. Nemendur vinna verkefni tengd vettvangsnámi sínu og fá leiðsögn við þróun kennsluverkefna og kennsluáætlana.

Samspil lífvera og umhverfis (SNU004G, SNU203G)

Á námskeiðinu er fjallað um grunnhugtök og meginþætti vistfræðinnar með áherslu á samspil lífvera og umhverfis. Nemendur kynnast eðli og gerð vistkerfa, þar á meðal flæði orku, hringrásum efna, stöðugleika og framvindu vistkerfa. Fjallað er um samfélög lífvera, tengsl þeirra sín á milli og við umhverfi sitt, auk stofnabreytinga og líffræðilegs fjölbreytileika.

Sérstök áhersla er lögð á mikilvægi líffjölbreytileika og sjálfbærrar þróunar, sem og á áhrif mannlegra athafna á náttúru og umhverfi. Tekin eru fyrir dæmi um íslensk vistkerfi, einkenni þeirra, sérstöðu og vistfræðilegt gildi, ásamt helstu umhverfisáskorunum á Íslandi og á heimsvísu.

Námskeiðið leggur áherslu á hvernig nálgast megi vistfræðileg viðfangsefni í kennslu unglinga á grunnskólastigi. Rýnt er í mikilvægi rannsóknarmiðaðs náms, skapandi náms og útináms til að efla skilning nemenda á vistfræðilegum hugtökum og tengja þau við daglegt líf og samfélagslega ábyrgð. Nemendur fá reynslu af að skipuleggja útikennslu og umhverfismennt þar sem náttúrutúlkun, tengsl lífvera og áhrif mannsins á náttúru eru í forgrunni.

Lífeðlisfræði (SNU004G, SNU203G)

Á námskeiðinu verður fjallað um gerð fruma og skiptingu, um vefi, líffæri og starfsemi þeirra. Þá verður fjallað um heilbrigðisuppeldi og varnir, ábyrgð og skilning einstaklingsins á eigin líkama. Áhersla verður lögð á að kynna fjölbreyttar leiðir sem nota má í kennslu um viðfangsefnin.

Hin lifandi náttúra í nærumhverfinu (SNU017G, SNU105G)

Á námskeiðinu verður sérstök áhersla á hina lifandi íslensku náttúru sem kemur fyrir í daglegum reynsluheimi nemenda. Í því samhengi verður lögð sérstök áhersla á staðbundið nám (place-based education). Sjónum verður beint að möguleikum í verklegum viðfangsefnum í útinámi barna og ungmenna í nærumhverfi skóla, en viðfangsefnin einnig tengd við athafnir innan skólastofu. Ýmsar leiðir til að rannsaka hina lifandi náttúru verða kynntar, svo sem skoðun og greining á plöntum sem og aðferðir við að safna smádýrum og greiningar á lífverum æfðar. Nemendur fá einnig reynslu af að skipuleggja útikennslu. Þá verður nemendum kynnt tækifæri sem notkun upplýsingatækni veitir til að efla áhuga og forvitni um náttúruna.  Verklag mun taka mið af því að nemendur kynnist fjölbreyttum kennsluaðferðum sem reynst hafa árangursríkar í náttúrufræðikennslu. Námskrá og námsefni grunnskóla sem tengist viðfangsefni námskeiðsins verður einnig skoðað.

Á dagskrá verða plöntur, fuglar, smádýr, ferskvatns- og fjörulífverur með áherslu á búsvæði þeirra og aðlögun að umhverfi sínu.